បើរកឃើញចំណុចទាំងនេះ មានន័យថា ម្នាក់នោះគឺជាគូជីវិតពិតរបស់អ្នក
យើងទាំងអស់គ្នាតែងតែចង់បានមនុស្សម្នាក់ដែលស្រឡាញ់យើង ផ្តល់ភាពកក់ក្តៅដល់យើងឬអ្នកដែលទទួលយកយើង។ យើងចង់បានមនុស្សម្នាក់ដែលទទួលយកយើងដោយមិនប្រកាន់ថាយើងមានឬក្រ ខ្មៅឬស ស្អាតឬអាក្រក់។ល។ ចុះធ្វើម្តេចទៅអ្នកអាចដឹងបាន? ខាងក្រោមនេះជាសញ្ញាដែលបញ្ជាក់ថាអ្នករកឃើញម្នាក់នោះហើយ៖
១) ទោះគំនិតខ្វែងគ្នាក៏នៅតែគោរព៖ បើទោះបីជាអ្នកនិងដៃគូរបស់អ្នកមានគំនិតដូចគ្នាជាច្រើន តែការខ្វែងគំនិតគ្នាគឺជារឿងជៀសមិនផុតឡើយ។ ប្រសិនជាដៃគូរបស់អ្នកពិតជាល្អ គាត់នឹងមើលឃើញថាវាជាឱកាសសម្រាប់អ្នកទាំងពីរពិភាក្សាតែប៉ុណ្ណោះ មិនមែនជាឧបសគ្គអ្វីដល់ស្នេហាអ្នកទាំងពីរឡើយ។
២) យល់ចិត្តគ្នាដោយពុំចាំបាច់និយាយ៖ ដោយតែអ្នកទាំងពីរស្គាល់គ្នានិងទាក់ទងគ្នាយូរហើយ ដៃគូរបស់អ្នកអាចយល់ពីចិត្តដោយពុំចាំបាច់និយាយអ្វីទាំងអស់។
៣) គិតពីរឿងអនាគត៖ ការពិភាក្សាពីរឿងអនាគតគឺជាសញ្ញាយ៉ាងច្បាស់លាស់មួយ ដែលបង្ហាញថាគេពិតជាស្រឡាញ់អ្នកយកជាគូជីវិត។
៤) ប្រឆាំងនឹងឧបសគ្គ៖ គ្មានទេស្នេហាដែលល្អឥតខ្ចោះ។ ការខ្វែងគំនិតឬការមិនយល់ស្របតែងតែកើតមានឡើង។ ការឈ្លោះប្រកែកគ្នាក៏ជៀសមិនផុតដែរ។ ទោះបីជាយ៉ាងណាក៏ដោយ ប្រសិនជាគេពិតជាស្រឡាញ់អ្នកពិត គេនឹងប្រឆាំងគ្រប់បែបយ៉ាងបាននៅជាមួយអ្នក៕
ប្រែសម្រួល៖ អុឹង មុយយូ ប្រភព៖ www.powerofposivity.com
