អាមេរិកគ្រោងលក់យន្តហោះវាយប្រហារបច្ចេកវិទ្យាទំនើបឱ្យនីហ្សេរីយ៉ា តម្លៃ ៦០០លានដុល្លារ!
រដ្ឋាភិបាលលោកត្រាំ គម្រោងលក់យន្តហោះវាយប្រហារបច្ចេកវិទ្យាខ្ពស់ទៅឱ្យប្រទេសនីហ្សេរីយ៉ាទុកសម្រាប់កម្ទេចក្រុមឥស្លាមជ្រុលនិយម Boko Haram ទោះការព្រួយបារម្ភលើការរំលោភសិទ្ធិមនុស្សនៃកងកម្លាំងរបស់ប្រទេសនេះក្ដី។
សភាសហរដ្ឋអាមេរិកទំនងជាទទួលបានការជួនដំណឹងនេះក្នុងរយៈពេលពីរឬបីសប្ដាហ៍ទៀត។ ប្រសិនបើមានការយល់ការអនុម័តដោយរលូន កិច្ចព្រមព្រៀងគឺលក់យន្តហោះប្រយុទ្ធ Embraer A-29 Super Tucano ដែលបំពាក់បច្ចេកវិទ្យាខ្ពស់ចំនួន ១២គ្រឿងក្នុងតម្លៃសរុបប្រហែល ៦០០លានដុល្លារ។ នេះបើតាមការបញ្ចេញឱ្យដឹងពីមន្ត្រីសហរដ្ឋអាមេរិកម្នាក់។
សូមបញ្ជាក់ នីហ្សេរីយ៉ា បានដាក់សំណើសុំទិញយន្តហោះសហរដ្ឋអាមេរិកតាំងពីឆ្នាំ ២០១៥ សម័យលោក អូបាម៉ាមកម្ល៉េះ៕
ដោយ៖យោធិន
