មីស៊ីលចម្ងាយឆ្ងាយកូរ៉េខាងជើងបាញ់ព្រឹកនេះ តែមិនទទួលជោគជ័យទេ! ចាំមើលអាមេរិកធ្វើម៉េច?
ដូចតាមការគ្រោងទុក កូរ៉េខាងជើងបានបាញ់សាកល្បងមីស៊ីលចម្ងាយឆ្ងាយដែលជាការធ្វើតេស្ដទ្រង់ទ្រាយធំនៅព្រឹកថ្ងៃអាទិត្យនេះ ប៉ុន្តែមន្ត្រីក្រសួងការពារជាតិកូរ៉េខាងត្បូង និងសហរដ្ឋអាមេរិកប្រកាសថា មិនទទួលបានជោគជ័យនោះទេ។
ការបាញ់មីស៊ីលនេះ គឺធ្វើឡើងមួយថ្ងៃបន្ទាប់ពីរបបលោក Kim Jong un ធ្វើព្យុហយាត្រាបង្ហាញមីស៊ីល និងជើងទម្របាញ់មីស៊ីលថ្មីៗជាច្រើននៅថ្ងៃដ៏សំខាន់ដែលជាខួបកំណើតលើកទី ១០៥របស់បិតាស្ថាបនិកកូរ៉េខាងជើង លោក គឹម ជុងអ៊ីល។
កូរ៉េខាងជើងធ្វើតេស្ដមីស៊ីលនៅក្រុង Sinpo[/caption]
មន្ត្រីក្រសួងការពារជាតិរបស់កូរ៉េខាងត្បូងម្នាក់បានអះអាងថា ការធ្វើតេស្ដធ្វើឡើងនៅទីក្រុង Sinpo ដែលជាក្រុងកំពង់ផែនៅភាគខាងកើតកូរ៉េខាងជើង ជាទីតាំងកូរ៉េខាងជើងធ្វើតេស្តមីស៊ីលឆ្លងទ្វីបកាលពីដើមខែនេះ ដែលមីស៊ីលនោះធ្លាក់នៅសមុទ្រជប៉ុន។
[caption id="attachment_37252" align="aligncenter" width="670"] កូរ៉េខាងជើងធ្វើតេស្ដមីស៊ីលនៅក្រុង Sinpo[/caption]
មន្ត្រីស៊ើបការណ៍សម្ងាត់របស់សហរដ្ឋអាមេរិក និងកូរ៉េខាងត្បូង កំពុងកំណត់ថាតើមីស៊ីលដែលកូរ៉េខាងជើងធ្វើតេស្ដនោះជាមីស៊ីលប្រភេទអ្វី។
ទាំងប្រធានាធិបតី និងអនុប្រធានាធិបតីសហរដ្ឋអាមេរិកបានទទួលព័ត៌មាននេះហើយប៉ុន្តែលោក ត្រាំមិនទាន់បញ្ចេញយោបល់ និងចំណាត់ការយ៉ាងណានោះទេ ខណៈកូរ៉េខាងត្បូងបានកោះប្រជុំក្រុមប្រឹក្សាសន្តិសុខជាតិរបស់ខ្លួនជាបន្ទាន់។ សារព័ត៌មានរដ្ឋកូរ៉េខាងជើង មិនទាន់ប្រកាសជុំវិញការបាញ់សាកល្បងមីស៊ីលចុងក្រោយនេះនោះទេ។ នេះបើយោងតាមអ្នកយកព័ត៌មានរបស់ CNN ប្រចាំការនៅទីក្រុងព្យុងយ៉ាង៕
ដោយ៖ យោធិន
