ធ្លាប់តែជាសិស្សកម្ជិល តើគួរធ្វើយ៉ាងណាដើម្បីងាកមកស្រឡាញ់ការសិក្សាវិញ?
ការសិក្សា គឺមិនមែនងាយស្រួលទេ បើវាងាយស្រួល មិនមែនមានអ្នកលះបង់ការសិក្សាហើយទៅប្រព្រឹត្តទង្វើអ្វីដែលគេចង់ធ្វើនោះទេ។ អត្ថបទនេះគឺមានសារៈសំខាន់ណាស់ ក្នុងការអប់រំអ្នកទាំងអស់គ្នាកុំឲ្យស្អប់ការសិក្សាព្រោះថាការសិក្សាគឺជាវិធីតែមួយគត់នាំអ្នកចេញពីពិភពលោកខ្មៅងងឹត។ ខាងក្រោមនេះជាអ្វីដែលអ្នកគួរដឹង៖
១) រៀនសម្រាប់ខ្លួនឯង មិនមែនសម្រាប់តែប្រឡងទេ៖ សិស្សមួយចំនួនតែងខំរៀនពេលដែលពួកគេជិតដល់ថ្ងៃប្រឡង ព្រោះខ្លាចធ្លាក់។ តែវាគឺជាកំហុសមួយរបស់អ្នកបាត់ទៅហើយ ដែលអ្នកបានប្រហែសមិនយកចិត្តទុកដាក់រៀនតាំងពីដើមឆ្នាំ ហើយបែរជាមកខំពេលជិតប្រឡងវិញ។ ពេលវេលាគឺសឹងតែហួសទៅឆ្ងាយបាត់ទៅហើយ។
២) កុំស្ងប់មុខវិជ្ជាសិក្សារបស់ខ្លួន៖ ពេលខ្លះ អ្នកនឹងមិនចង់រៀនតទៅទៀតឡើយ ដោយសារអ្នកត្រូវជួបមុខវិជ្ជាដែលអ្នកស្អប់។ ឧទាហរណ៍អ្នកស្អប់គណិតវិទ្យា ឬក៏មុខវិជ្ជាវិទ្យាសាស្ត្រនានា ដូចនេះអ្នកនឹងគេចសាលាមិនចង់ចូលរៀន ពេលដែលដល់ម៉ោងនោះម្ដងៗ។ ៣) គិតពីប្រយោជន៍ពេលដែលអ្នកខំរៀន៖ បើអ្នកយល់ពីប្រយោជន៍ដែលទទួលបានពីការខំរៀន អ្នកនឹងមិនបោះបង់ចោលការរៀនសូត្រនោះទេ។ ពេលអ្នកសម្លឹងឃើញផ្លែផ្កានៃការរៀនសូត្រ អ្នកនឹងមិនឈប់ស្រោចទឹកវាទេ។
៤) គួរមានប្រដាប់ប្រដាសិក្សាឲ្យគ្រប់គ្រាន់៖ ពេលខ្លះបើចង់ក្លាយជាមនុស្សស្រឡាញ់ការសិក្សា អ្នកត្រូវធ្វើខ្លួនឯង ឲ្យដូចជាសិស្សពូកែ។ សិស្សពូកែគឺមានសម្ភារៈសិក្សាគ្រប់គ្រាន់ មិនខ្វះ និងដែលដើរខ្ចីគេឡើយ។ ការមានសម្ភារៈគ្រប់គ្រាន់នេះក៏ជំរុញឲ្យអ្នកស្រឡាញ់ការសិក្សាហើយមានអារម្មណ៍ចង់រៀនចង់សូត្រថែមទៀត។
៥) ផ្ដល់រង្វាន់ដល់ខ្លួនពេលរៀនចប់៖ ពេលមានរង្វាន់សម្រាប់ខ្លួន ឯង អ្នកនឹងមិនសូវខ្ជិលក្នុងការរៀនសូត្រប៉ុណ្ណាទេ។ វាជាការលើកទឹកចិត្តមួយដ៏ល្អសម្រាប់ខ្លួនឯង ដើម្បីក្លាយជាសិស្សស្រឡាញ់ការសិក្សាជាងពីពេលមុន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
