គេថាស្នេហាអ្នកខ្វះការទុកចិត្តគ្នាមែនទេ តើធ្វើយ៉ាងណាខ្លះទៅដើម្បីបង្កើនការទុកចិត្តស្នេហា?
បើអ្នកចង់បង្កើតការជឿទុកចិត្តគ្នា អ្នកត្រូវដឹងថាអ្វីទៅគឺជាការទុកចិត្ត គ្នា។ ការទាក់ទងគ្នាល្អ និងការយល់ចិត្តគ្នាទៅវិញទៅមក គឺជាគ្រឹះនាំឲ្យមានការទុកចិត្តគ្នា។ នៅមាន កិច្ចការច្រើនទៀតដែលអ្នកត្រូវធ្វើ ដើម្បីបង្កើនការទុកចិត្តគ្នា ៖
១) «រក្សាពាក្យសន្យា» ៖ ពាក្យសន្យាមិនថា វាសំខាន់ឬមិនសំខាន់ក្ដី តែអ្នកត្រូវប្ដេជ្ញាគោរពវាឲ្យបាន។ ទោះរឿងតូច ក៏នូវតែជាការសន្យា ទោះរឿងធំក៏នៅទេជាសន្យា ដូចនេះបើចង់បង្កើនការទុកចិត្ត អ្នកត្រូវធ្វើរាល់អ្វីដែលអ្នកបាននិយាយ។
២)« រក្សាការសម្ងាត់» ៖ ពេលអ្នកមានរឿងដែលត្រូវដឹងតែ២នាក់ សូមកុំឲ្យវាបែកធ្លាយចេញទៅក្រៅអី។ បើសិនជារឿងនោះ អាចប្រាប់អ្នកក្រៅឲ្យដឹងបាន ម្ល៉ោះហើយគេមិនទុកចិត្តប្រាប់អ្នកតែម្នាក់នោះទេ។
៣) «និយាយទាក់ទងគ្នាដោយបើកចំហ» ៖ អ្នកគួរបង្កើតវិន័យមួយថា «រាល់បញ្ហានានា អ្នក ទាំង២ត្រូវចែករំលែកហើយនិយាយទល់មុខគ្នាដោយបើកចំហ» ។ ស្នេហាដែលទុកចិត្តគ្នា គឺហ៊ាននិយាយទល់មុខនិងមិនលាក់បាំង។
៤) «កុំរៀនវិនិច្ឆ័យផ្ដេសផ្ដាស» ៖ មុននឹងឈានដល់ការវិនិច្ឆ័យ អ្នកត្រូវសាកសួរ និងវែកញែកឲ្យដឹងពី ហេតុផលសិន ព្រោះថាការគិតរបស់អ្នកអាចនឹងខុសពីអ្វីដែលគេធ្វើក៏ថាបាន។
៥) «ចេះលើកលែងឲ្យគ្នា»៖ មនុស្សតែងមានកំហុស ហើយបើមានកំហុសហើយចេះបើកចិត្តឲ្យទូលាយ ទើបគេហៅថា «ស្នេហាពោរពេញដោយការយល់ចិត្តគ្នា »៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
