មិត្តស្រីៗ!!! តើធ្វើយ៉ាងណាក្លាយជាមិត្តស្រីគំរូគ្មានអ្នកប្រៀបបាន?
មិនថាអ្នកកំពុងតែចាប់ផ្ដើមស្នេហាថ្មី ឬក៏មានស្នេហា ជិត៤ឬ៥ឆ្នាំមកហើយ អ្នកត្រូវតែមើលពីតួនាទី អ្នកជាសង្សារគេ។ តើមិត្តប្រុសអ្នកត្រូវការអ្វី? តើអ្នកបំពេញកាតព្វកិច្ចជានារីដែលគេចង់ បានហើយឬនៅ? ខាងក្រោមនេះជាចំណុចដែលអ្នកគួរអាន៖
១) ស្មោះត្រង់៖ ស្មោះត្រង់នេះ គឺមិនមែនស្មោះតែលើមិត្ត ប្រុសអ្នកទេ អ្នកត្រូវតែស្មោះលើខ្លួនឯងដែរ។ បើអ្នកចេះកុហកខ្លួនឯង មានន័យថាអ្នកនឹងមិនអាចស្មោះចំពោះមិត្តប្រុសអ្នកបានឡើយ។
២) ចេះគាំទ្រគ្នា៖ ត្រឹមតែជាសង្សារក៏ដោយ ក៏អ្នកត្រូវតែចេះជួយគ្នាទៅវិញទៅមកដែរ។ ក្នុងនោះអ្នកត្រូវខ្វល់ពីអ្វីដែលពួកគេខ្វល់ រៀនធ្វើអ្វីជាមួយគ្នា សរសើរគ្នាឲ្យច្រើនជាងការបង្អាប់ ចេះសម្រុះសម្រួលគ្នា ជាដើម។
៣) បង្ហាញសេចក្ដីស្រឡាញ់៖ មានវិធីច្រើនយ៉ាងណាស់ក្នុងការបង្ហាញក្ដីស្រឡាញ់ ហើយវាក៏មិនពិបាកដែរ ក្នុងការបង្ហាញក្ដីស្រឡាញ់ចំពោះមនុស្សដែលអ្នកស្រឡាញ់នោះ។ មិនថាស្នេហាទើបតែចាប់ផ្ដើម ឬស្រឡាញ់គ្នាយូរក្ដី ការស្រឡាញ់គឺគួរតែបង្ហាញគ្រប់ពេល ដើម្បីជៀសវាងការថ្នាំងថ្នាក់ចិត្តនឹងគ្នា។
៤) ធ្វើរឿងណាដែលមនុស្សស្រីទូទៅមិនអាចធ្វើបាន៖ គេតែងនិយាយថា មនុស្សស្រីចូលចិត្តនិយាយដើមគេ ច្រើន ប្រច័ណ្ឌច្រើន ម្ញ៉ិកម្ញ៉ក់ រករឿង និងចចេសរឹងរូស។ ហេតុនេះបើដឹងថាបុរសៗ មិនចូលចិត្តហើយ ហេតុអ្វីមិនប្ដូរទម្លាប់នោះចេញទៅ? បុរសៗ អាចនឹងភ្ញាក់ផ្អើលព្រោះអីអ្នកប្លែក និងមិនមាននារីៗ ណាល្អដូចអ្នកបាន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ youqueen
