មេរៀនវិជ្ជាជីវៈទាំង4យ៉ាងដែលបុគ្គលឆ្លាតវៃជាច្រើនច្រើនតែភ្លេច
គេតែងនិយាយថា៖ «បើយើងធ្វើការកាន់តែយូរហើយធ្វើការកាន់តែច្រើន នោះយើងនឹងរកលុយបានកាន់តែច្រើន»។ ប៉ុន្តែ មានមេរៀនជាច្រើនដែលមនុស្សច្រើនតែមើលរំលង។ ខាងក្រោមនេះជាមេរៀនដែលអ្នកត្រូវរៀនប្រសិនជាអ្នកចង់បន្តដំណើរជីវិតអាជីពឲ្យកាន់តែវែងឆ្ងាយ៖
១) អ្នកនៅតែមានកំហុសលើកក្រោយអញ្ចឹង៖ អ្នកប្រហែលជាធ្លាប់ឭសុភាសិតមួយពោលថា៖ «There is always next time» ដែលក្នុងភាសាខ្មែរមានន័យថា វាតែងតែមានលើកក្រោយជានិច្ច។ ដូច្នេះហើយ កុំគិតថាខ្លួនឯងនឹងមិនមានកំហុសលើកក្រោយទៀត។ ផ្ទុយទៅវិញ ទទួលយកវាជាឧបសគ្គហើយព្យាយាមជម្នះវាវិញល្អជាង។
២) សួរតើអ្នកចង់បានអ្វី៖ វាពិតជារឿងដ៏សប្បាយចិត្តមួយប្រសិនជាមេរបស់អ្នកដំឡើងឋានៈឬប្រាក់ខែដល់អ្នក។ តែក្នុងស្ថានភាពពិត អ្នកគួរតែហ៊ានទាមទារនូវតម្រូវការដែលអ្នកចង់បាន ហើយបង្ហាញថាហេតុអ្វីបានជាអ្នកស័ក្ដិសមនឹងទទួលវា។ ដូច្នេះហើយ ប្រសិនជាអ្នកពិតជាចង់បានអ្វីមួយ អ្នកត្រូវតែមានសកម្មភាពលើវា។ កុំគេងចាំឲ្យសោះ។
៣) ភាពជោគជ័យត្រូវការពេលវេលា៖ ជាការពិតណាស់ ភាពជោគជ័យមិនអាចកើតឡើងក្នុងមួយយប់បានឡើយ។ ប៉ុន្តែ កុំមើលរំលងជំហានតូចៗដែលអ្នកកំពុងតែឆ្ពោះទៅមុខឲ្យសោះ វាប្រៀបបានទៅនឹងសុភាសិតពោលថា៖ «ដំណើរដ៏សែងឆ្ងាយចាប់ផ្តើមពីជំហានទីមួយទៅ»។ អ៊ីចឹងហើយ ចូរមានសង្ឃឹមហើយត្រូវរក្សាជំហរឲ្យមាំ។
៤) ការងារនិងជីវិតផ្ទាល់ខ្លួន៖ នៅពេលដែលជីវិតប្រចាំថ្ងៃរបស់អ្នកជួបបញ្ហា វាពិតជាពិបាកខ្លាំងណាស់ក្នុងការផ្តោតអារម្មណ៍ទៅនឹងការងារ។ ហើយពេលដែលការងារជួបការលំបាក អ្នកក៏មិនរីករាយក្រៅម៉ោងធ្វើការដូចគ្នា។ ដូច្នេះហើយ ការងារនិងជីវិតផ្ទាល់ខ្លួនត្រូវតែដើរទន្ទឹមគ្នា បើមិនអ៊ីចឹងទេ ជីវិតរបស់អ្នកនឹងមិនអាចសប្បាយចិត្តឡើយ៕
ប្រែសម្រួល៖ អុឹង មុយយូ ប្រភព៖ cnbc.com
