ដូច​ដែល​អ្នក​ដឹង​ហើយ​ថា ប្រភេទ​មនុស្ស Introvert​គឺ​ជា​ពពួក​ដែល​មិន​សូវ​ចេះ​មាត់​ក អៀន​ប្រៀន​​ច្រើន​ ចង់​នៅ​តែ​ម្នាក់​ឯង​និង​ស្ងៀមស្ងាត់​ មិន​សូវ​ចូលចិត្ត​អ៊ូអរ ​​ហើយ​ចូលចិត្ត​ធ្វើ​​កិច្ចការ​តែ​ឯង​ៗ ។ ចុះ​បើ​អ្នក​ស្រឡាញ់​ប៉ះ​ចំ​មនុស្ស​បែប​នេះ​ តើ​អ្នក​ត្រូវ​​ដឹង​អ្វី​ខ្លះ​ពី​​ពួក​គេ​?

១) តែង​ចង់​នៅ​តែឯង​ស្ងាត់​ៗ ៖ ពួក​គេ​សប្បាយ​ចិត្ត​ហើយ​មាន​កម្លាំង​ធ្វើ​ការងារ​ រាល់​ពេល​​ដែល​នៅ​ម្នាក់​ឯង​ គ្មាន​ភាព​អ៊ូអរ។ នៅ​ម្នាក់​ឯង​ ពួក​គេ​អាច​ធ្វើ​រឿង​មាន​ប្រយោជន៍​បាន​ច្រើន​នឹក​​ស្មាន​មិន​ដល់​។​

២) ពួក​គេ​ទាក់ទង​មនុស្ស​តិចតួច​តែ​ស៊ីជម្រៅ​៖ ភាគ​ច្រើន​មនុស្ស​ប្រភេទ​នេះ​មាន​មិត្ត​តិចតួច​ទេ តែ​មិត្ត​ទាំង​នោះ​ ពួក​គេ​ស្គាល់​សឹង​តែ​គ្រប់​រឿង​១០០​ភាគរយ​ទៅ​ហើយ​។

៣) ជា​មនុស្ស​ពូកែ​ស្ដាប់​គេ​៖ ការ​ស្ដាប់​គឺ​ជា​ជំនាញ​ពួក​គេ​។ បើ​អ្នក​ចង់​ឲ្យ​គេ​និយាយ​ គេ​នឹង​និយាយ​ តែ​បើ​អ្នក​កំពុង​តែ​និយាយ​គឺ​​គេ​​នឹង​មិន​ហ៊ាន​ទៅ​​កាត់​មុខ​កាត់​មាត់​​អ្នក​ទេ គឺ​គេ​ចាំ​ស្ដាប់​អ្នក​ទាល់​តែ​អស់​សេចក្ដី​តែ​ម្ដង​​។

៤) មិន​ចូលចិត្ត​ទាមទារ​ចំណាប់អារម្មណ៍​៖ ខុស​ពី​​ប្រភេទ​មនុស្ស​Extrovert ពួក​គេ​តែង​តែ​ធ្វើ​អ្វី​ឲ្យ​អ្នកដទៃ ងាក​មក​ចាប់​អារម្មណ៍​ខ្លួន។ ខណៈ​ប្រភេទ​Introvert​ គឺ​មិន​ទាមទារ​ចំណាប់​អារម្មណ៍​អ្វី​ទាល់​តែ​សោះ។ វា​ហាក់​ដូច​ជា​ពិបាក នៅ​ពេល​ពួក​គេ​ឡើង​បង្ហាញ​យោបល់ ឬ​ក៏​ឆ្លើយ​សំណួរ​នានា​។​

៥) ពួក​គេ​ងាយ​យល់​ចិត្ត​អ្នក​ដទៃ ណាស់​៖ មិន​ដឹង​ថា​ម​ពី​អ្វី​ដែរ តែ​មនុស្ស​Introvert​គឺ​តែង​តែ​ឆាប់​ចាប់​បាន​ ពី​អារម្មណ៍​របស់​អ្នក​ដទៃ ៕

​​ ប្រែ​សម្រួល៖ ព្រំ សុវណ្ណកណ្ណិកា ប្រភព៖ lifehack