តើអ្នកដឹងទេថា «ស្រ្ដីពូកែ តែងតែឱបក្រសោបមនុស្សប្រភេទនេះមិនដែលលែងទេ»?
នារីខ្លាំងនិងពូកែគឺចូលចិត្តបង្កើតមិត្តភ័ក្ដិច្រើនណាស់ មិនថាប្រុសឬក៏ស្រីទេ។ ហើយពួកគេពិនិត្យមើលច្បាស់លាស់ណាស់មុននឹងរាប់អាននរណាម្នាក់។ តើប្រភេទមនុស្សបែបណាខ្លះដែលពួកគេទាក់ទងនិងចង់ដើរជាមួយ?
១) ប្រភេទមនុស្សវ័យឆ្លាតនិងកំប្លែង៖ ពេលខ្លះអ្នកមិនអាចម៉ត់ចត់បានមួយជីវិតនោះទេ ដូចនេះហើយ នារីៗ គឺត្រូវការមនុស្សដែលចេះកំប្លុកកំប្លែងដែលពោរពេញដោយភាពវ័យឆ្លាត។ ពួកគេនឹងនាំអ្នកឲ្យសប្បាយរីករាយពីមួយថ្ងៃទៅមួយថ្ងៃ តែក៏មិនហួសហេតុពេកដែរ។ «ឧទាហរណ៍ ៖ ពេលដែលនារីឆ្លាតម្នាក់ កំពុងតែប្រើប្រាស់ភាពឆ្លាតវៃរបស់ខ្លួនខិតខំធ្វើការ និងរកគ្រប់គំនិតទាំងអស់ដើម្បីដោះស្រាយបញ្ហា នាងក៏ត្រូវការមនុស្សដែលជួយនិយាយលេង កំប្លុកកំប្លែងជាមួយនាងខ្លះដែរ។ កាលដែលមានមនុស្សនាំនាងនិយាយលេងសើច វានឹងជួយឲ្យនាងធ្វើការបានល្អ ហើយជួយបញ្ញាក់អារម្មណ៍នាងថា កុំម៉ត់ចត់លើសលប់នឹងការងារពេក។»
២) ប្រភេទមនុស្សស្គាល់ការបរាជ័យរបស់នាង៖ មនុស្សប្រភេទនេះគឺជាមនុស្សដែល ស្គាល់ពីការបរាជ័យរបស់នាងសឹងតែអស់ ហើយពួកគេលើកយកការបរាជ័យរបស់នាងមកប្រៀបធៀប ហើយណែនាំអ្នក ឲ្យតស៊ូនិងដើរទៅមុខ។ «ឧទាហរណ៍ ៖ នារីដែលពូកែៗ គឺពីមុនឡើយ សុទ្ធតែធ្លាប់ បរាជ័យទាំងអស់ ហើយភាគច្រើននាងមិនចង់ឲ្យនរណាម្នាក់ដឹងពីភាពបរាជ័យនោះទេ។ តែបើមានអ្នកស្គាល់ពីការបរាជ័យរបស់នាង នាងនឹងមិនបោះបង់ចោលបុគ្គលនោះឡើយ ព្រោះថាបុគ្គលនោះដឹងពីចំណុចខ្សោយរបស់នាងហើយ»។
ប្រែសម្រួល៖ ព្រំ សុវណ្ណកណ្ណិកា
ប្រភព៖ powerofpositivity
