សញ្ញា៤យ៉ាងបញ្ជាក់ច្បាស់ថា៖ «អ្នករកបានបុរសល្អគ្រប់គ្រាន់» ហើយក្នុងមួយជីវិតនេះ!
មិនមែនគ្រប់តែពេលទេ ដែលអ្នកគិតថាបុរសម្នាក់ គឺល្អគ្រប់គ្រាន់ហើយសម្រាប់អ្នក។ យ៉ាងហោចណាស់គឺមានតែមួយប៉ុណ្ណោះក្នុងចំណោមមិត្តប្រុស១០នាក់ ដែលអ្នកគិតថាល្អ។ តើមានសញ្ញាអ្វីខ្លះបង្ហាញថា គេគឺជាបុរសដែលល្អគ្រប់គ្រាន់ហើយសម្រាប់អ្នក?
១) មិនចូលចិត្តលេងល្បែងស្នេហា៖ បុរសនេះនឹងមិនចាប់អារម្មណ៍អ្វីឡើយ ក្នុងការលេងល្បែងស្នេហា ឬក៏មានសង្សារ២ឬ៣នាក់ក្នុងពេលតែមួយ។ សញ្ញាទាំងនេះគឺបង្ហាញយ៉ាងច្បាស់ពីគំនិតរបស់គេ ថាគេមិនមែនជាPlay Boy ឡើយ។
២) ធ្វើឲ្យអ្នកមានអារម្មណ៍ថាមានតម្លៃ៖ រស់នៅជាមួយគេ អ្នកនឹងមានអារម្មណ៍ថាគេជាបុរសដែលធ្វើឲ្យអ្នកមានតម្លៃខ្លាំង ហើយបានកែប្រែនារីម្នាក់ដែលគ្មានតម្លៃសោះពីពេលមុន ឲ្យក្លាយជាព្រះនាងម្នាក់ពោរពេញដោយការគោរព។
៣) និយាយហើយគឺធ្វើ៖ គេមិនចូលចិត្តនិយាយច្រើននោះទេ តែសំខាន់គឺបង្ហាញសកម្មភាព។ គេមិនចូលចិត្តប្រកែកដោះសាទេ ហើយបើនិយាយម៉ាត់ណាហើយគឺធ្វើបែបនោះហើយ។
៤) ជាមនុស្សពូកែអត់ធ្មត់៖ មិនថាគេមិនពេញចិត្ត ឬក៏ពិបាកយ៉ាងណា គេនៅតែប្រឹងប្រែងអត់ធ្មត់ជានិច្ចដើម្បីអ្នក។ ការអត់ធ្មត់គឺជាវិធីល្អសម្រាប់គេ ក្នុងការបញ្ចៀសបញ្ហាដែលអាចនឹងកើតមានឡើង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ tapoos
