តាមរយៈការហាត់ប្រាណ គេក៏អាចសន្មតថាអ្នកជាមនុស្សដូចម្ដេចបានដែរ!
តាមពិតទៅ អ្នកចិត្តវិទ្យាគឺពួកគេអាចទាយពីបុគ្គលិកលក្ខណៈបានគ្រប់បែបយ៉ាងទាំងអស់។ ដោយអត្ថបទខាងក្រោមនេះគឺចម្លែកគេ ពួកគេអាចទាយថាអ្នកជាមនុស្សបែបណាបាន ដោយគ្រាន់តែផ្ដោតមើលថា តើអ្នកហាត់ប្រាណយ៉ាងដូចម្ដេច?
១) ចូលចិត្តហាត់ប្រាណម្នាក់ឯង ជាមនុស្សប្រភេទ«Introvert» ៖ តើអ្នកមានដែលឃើញនរណាម្នាក់ចូលចិត្តទៅហាត់ប្រាណតែម្នាក់ៗឯងដែរទេ? គេរត់ ឬដើរ ទៅណាមកណាតែឯងៗ ហើយឆ្ងាយពីអ្នកដទៃ នេះបង្ហាញថាគេជាប្រភេទមនុស្ស Introvert (ចង់នៅតែឯង)។
២) ចូលចិត្តរត់ឆ្ងាយៗ ជាមនុស្ស«ចង់ប្រកួតប្រជែង» ៖ អ្នកហាត់ប្រាណទាំងអស់គឺមិនដូចគ្នាទេ អ្នកខ្លះហាត់ខ្លាចហត់ តែអ្នកខ្លះវិញទោះបីហត់ក៏នៅតែតស៊ូ។ នេះដោយសារតែពួកគេជាមនុស្សដែលចង់ប្រកួតប្រជែងយកឈ្នះនឹងខ្លួនឯងតែម្ដង។
៣) ចូលចិត្តហាត់ប្រាណជាក្រុម ជាមនុស្សប្រភេទ«Extrovert» ៖ ចំពោះ អ្នកខ្លះវិញ ទាល់តែមានអ្នកទៅហាត់ប្រាណជាមួយ ឬក៏ហាត់ជាក្រុមទើបពួកគេទៅហាត់។ ដោយនេះវាបញ្ជាក់ថា ពួកគេជាមនុស្សប្រភេទ Extrovert ( ចង់នៅចាំក្រុមនិងអ៊ូអរ)។
៤) អ្នកត្រូវការគ្រូបង្ហាត់ ដោយសារអ្នកជាមនុស្សលំអិតនិងផ្ចិតផ្ចង់៖ អ្នកគួរចំណាំមើលទៅ បើនរណាម្នាក់មកហាត់ប្រាណ ដោយទាមទារគ្រូបង្វឹកមកហ្វឹកហាត់ផ្ទាល់ ភាគច្រើនពួកគេជាមនុស្សដែលត្រូវការភាពត្រឹមត្រូវ ល្អិតល្អន់ ហើយម៉ត់ចត់ ចង់យល់ដឹងឲ្យស៊ីជម្រៅពីអ្វីដែលពួកគេកំពុងធ្វើ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
