លទ្ធផលល្អៗទាំងនេះ ដែលអ្នកចូលចិត្តផឹកតែបៃតងនឹងទទួលបាន!!!
មានអត្ថប្រយោជន៍ជាច្រើនណាស់ ដែលតែបៃតងអាចផ្ដល់ដល់មនុស្សគ្រប់គ្នាបាន។ តែបៃតងកាលពីសម័យមុន ត្រូវបានជនជាតិចិន ប្រើប្រាស់ជាថ្នាំ សម្រាប់ទប់ទល់ឈាមកុំឲ្យហូរ ជួយថែទាំបេះដូង និងរក្សាសីតុណ្ហភាពក្នុងខ្លួន។ លើសពីនេះ អត្ថប្រយោជន៍ជាច្រើនបន្ថែមទៀតក៏មានដែរ ដូចជា
៖ ១) ការពារមហារីក៖ យោងទៅតាមNational Cancer Institute បានបង្ហាញថា ជាតិតែអាចចូលមកបំបែកកោសិកាមហារីកក្នុងខ្លួន ព្រមទាំងទប់ស្កាត់វាកុំឲ្យរីករាលដាលបានទៀត។ នៅប្រទេសណាដែលសំបូរទៅដោយស្លឹកតែបៃតងនេះ ស្រុកនោះគឺមានអត្រាអ្នកកើតជំងឺមហារីកទាបបំផុត។ ដោយគ្រាន់តែពិសាតែបៃតង ពី២ទៅ១០កែវក្នុងមួយថ្ងៃ ដូចនេះអ្នកអាចចាកឆ្ងាយពីជំងឺមហារីកបាន។
២) បញ្ចុះគីឡូបានច្រើន៖ តែបៃតងជាវិធីសាស្ត្របែបធម្មជាតិដែលអ្នកគួរប្រើក្នុងការសម្រកគីឡូ។ សាកពិសាវាឲ្យកាន់តែច្រើន ជាតិទឹកនឹងកាន់តែបំពេញក្នុងខ្លួនអ្នក ហើយធ្វើឲ្យអ្នកមិនសូវឈ្លាន ពេលនោះអ្នកនឹងប្លែកជាមួយគីឡូថ្មីរបស់អ្នកហើយ។
៣) ជួយឲ្យអ្នកកាន់តែឆ្លាត៖ វាមិនត្រឹមតែដាស់ស្មារតីឲ្យអ្នកស្វាងនោះទេ ថែមទាំងបង្កើនភាពឆ្លាតវៃមួយកម្រិតទៀត។ ដោយសារតែបៃតងផ្ទុកទៅដោយសារជាតិកាហ្វេអ៊ីន ព្រមទាំងអាមីណូអាស៊ីត អាល់តេនីន បូករួមជាមួយគ្នា បង្កើនសមត្ថភាពខួរក្បាលអ្នក។
៤) ជួយឲ្យអ្នករស់បានយូរ៖ ប្រជាជនជប៉ុន គឺមានអាយុរស់នៅបានវែងជាងគេលើលោក នេះដោយសារតែពួកគេពិសាតែបៃតងជាប្រចាំតាំងពីដើមមក៕
ប្រែសម្រួល៖ ព្រំ សុវណ្ណកណ្ណិកា ប្រភព៖ authoritynutrition
