វិធីបើកចិត្ត ៣យ៉ាងនេះ សង្ឃឹមថា អ្នកនឹងដោះលែងស្នេហាចាស់ឲ្យទៅរកអ្នកថ្មីទៅ!!!
រឿងស្នេហាបែកបាក់ អ្នកណាក៏ជៀសមិនផុតដែរ ។ បើស្នេហាមួយបានប្រេះឆាទៅហើយ ទោះចង់ផ្គុំឡើងវិញយ៉ាងណាក៏មិនអាចដូចដើម ដូចនេះមានតែបណ្ដោយតាមកម្ម។ ហេតុនេះបើស្នេហាអ្នក គេចង់ទៅហើយ ហេតុអីមិនបើកដៃឲ្យគេទៅរកអ្នកថ្មីល្អជាងនេះទៅ? ខាងក្រោមនេះជាវិធីដែលអ្នកគួរសាកល្បងអនុវត្ត៖
១) កុំព្យាយាមរំលឹកអនុស្សាវរីយចាស់ៗ ៖ កន្លែងដែលអ្នកធ្លាប់ទៅជាមួយគ្នា អាហារដែលអ្នក ធ្លាប់ញុំា រឿងដែលធ្លាប់ធ្វើ កាដូដែលធ្លាប់ទទួល សង្ឃឹមថាអ្នកគួរបំភ្លេចចោលឲ្យអស់។ មានតែការធ្វើភ្លេចទេ ទើបបញ្ចៀសអ្នកចេញពីការនឹករលឹកតទៅទៀតបាន ហើយយូរៗ ទៅអ្នកនឹងធ្វើវាបានសម្រេច។
២) ត្រូវរៀនប្រាប់ខ្លួនឯងថា «សេចក្ដីសុខអ្នកមិនមែននៅរូបគេទេ»៖ ប្រាកដណាស់ សេចក្ដីសុខអ្នកគឺមានតែអ្នកម្នាក់គត់ជាអ្នកបង្កើតវា។ គ្មាននរណាមកបង្កើតសេចក្ដីសុខបានពេញលេញជាងរូបអ្នកផ្ទាល់ឡើយ។ ដូចនេះកុំខ្វល់ នឹងគេអី ព្រោះគេគ្រាន់តែជាអ្នកដទៃ ទេ ហើយឲ្យរូបគេចាកចេញទៅចុះ។
៣) គិតតែពេលបច្ចុប្បន្នទៅបានហើយ៖ អាចថាស្នេហាអ្នកស្រឡាញ់គ្នាបានយូរ ដូចនេះអ្នកនៅនឹករលឹក។ តែត្រូវរៀនប្រាប់ខ្លួនឯងថា កាលពីមុនគឺវាគ្រាន់តែជាស្រមោលអន្តកាលប៉ុណ្ណោះ តែសំខាន់គឺពេលបច្ចុប្បន្ននេះ បុគ្គលនោះបានចាកចេញទៅហើយ បុគ្គលបាន ក្បត់ពាក្យសន្យាមិននៅជាមួយអ្នកតទៅទៀតឡើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ thoughtcatalog
