រឿង៦ចំណុចដែលអ្នកគួរបំភ្លេចចោលឲ្យអស់ មុននឹងថ្ងៃខួបកំណើតចូលមកដល់
ថ្ងៃខួបកំណើតក៏ជិតមកដល់ អាយុរបស់អ្នកក៏ចាប់ផ្ដើមកើនឡើងមួយឆ្នាំទៀតដែរ។ ដូចនេះតើអ្នកមានត្រៀមខ្លួនហើយឬនៅថា តើគួរចាប់ផ្ដើមអ្វីខ្លះ? ហើយគួរលះបង់អ្វីខ្លះចោល?
១) បោះបង់ចោលទាំងអស់ នូវអ្វីដែលធ្វើឲ្យអ្នកមិនសប្បាយចិត្ត និងមិនអាចញញឹមបាន។ ជីវិតគឺកើតមកដើម្បីសប្បាយ មិនមែនទ្រាំនឹងទុក្ខទេ។
២) បោះបង់ចោល គំនិតណាដែលតែងនាំអ្នកឲ្យបរាជ័យ។ បើសិនជាវាមិនបានផលហើយ អ្នកគប្បីរកគំនិតថ្មី ហើយកប់គំនិតចាស់ៗ ចោលឲ្យអស់ទៅ។
៣) បោះបង់ចោលគំនិតដែលខ្លាចអ្នកដទៃ មើលមកអ្នកមិនល្អ។ ពេលអ្នកកំពុងតែសរសេរពីដំណើរជីវិតរបស់ខ្លួន អ្នកមិនគួរអនុញ្ញាតឲ្យអ្នកដទៃ មកកាន់ប៊ិចអ្នកសរសេរទេ។
៤) បោះបង់ចោលការដោះសាដែលអត់ប្រយោជន៍ ហើយសម្លឹងមើលអ្វីដែលអ្នកអាចធ្វើបាន ហើយបើធ្វើមិនបាន មិនបាច់ខំប្រឹងទេ។
៥) បោះបង់ចោលទម្លាប់ខ្ជិលដែលអ្នកតែងតែមានកន្លងមក ។ អ្នកមិនអាចទទួលបានអ្វីដែលអ្នកប៉ងទេ អ្នកទទួលបានអ្វីដែលអ្នកបានធ្វើ។
៦) បោះបង់ចោល ទម្លាប់បង្កើនកំហុសដដែលៗ។ កំហុសដែលកើតឡើងលើកទី២គឺលែងជាកំហុសទៀតហើយ វាគឺជាជម្រើសដែលអ្នកចង់បានតែម្ដង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ marcandangel
