សញ្ញាទាំងនេះនឹងបង្ហាញថាលុយនឹងរត់មករកអ្នកឆាប់ៗនេះ
តាមពិតទៅ ពេលខ្លះអ្នកអាចសង្កេតមើលហេតុការណ៍នៅជុំវិញខ្លួនអ្នកបាន ដើម្បីដឹងថា ពេលណាទៅលុយមករកអ្នក។ បើមានសញ្ញាដូចខាងក្រោមនេះ គឺវាមិនយូរឡើយ អ្នកនឹងសំបូរលុយចាយតែម្ដង៖
១) ឃើញលេខ៨ គ្រប់ទីកន្លែងពេក៖ លេខ៨ គឺបើគិតតាមខ្សែចិន គេសន្មតថាជាលេខនាំសំណាង និងនាំលុយ។ ថ្ងៃទី៨ ខែ៨ ឆ្នាំ២០០៨ ប្រជាជនចិនច្រើន នាំគ្នារៀបការពេញទឹកពេញដី ដើម្បីចង់ក្លាយជាអ្នកមាន។ ដូចនេះគេអាចនិយាយបានថា បើអ្នកឧស្សាហ៍ប្រទះលេខ៨នេះ មានន័យថាអ្នកជិតបានលុយចាយហើយ។
២) សុខៗ ស្រាប់តែបក្សីជុះ អាចម៍ដាក់៖ ជាធម្មតាទេ ដែលបក្សីគឺតែងតែហោះហើរបណ្ដែតខ្លួន នៅលើមេឃតែប៉ុណ្ណោះ។ ហើយវាពិតជាមានប្រផ្នូលល្អអ្វីមួយ ដែលសុខៗ វាមកជុះអាចម៍ដាក់អ្នកបែបនេះ។ ពេលអ្នកជួបរឿងបែបនេះ គេសន្មតថាជាលាភ និងសំណាង ហើយលុយអាចនឹងហូរហៀរចូលក្នុងហោប៉ៅអ្នកមិនយូរមិនឆាប់ឡើយ។
៣) បោះកាក់ចូលក្នុងទឹក៖ តាមពិតទៅ ទំនៀមទម្លាប់បែបនេះ គឺល្បីល្បាញណាស់ នៅឯទ្វីបអឺរ៉ុប។ បើសិនជាអ្នកបោះកាក់ប្រាក់ចូលទៅក្នុងទឹក ហើយផ្សងរកលុយកាក់ នោះបំណងប្រាថ្នាអ្នកនឹងឆាប់បានសម្រេច៕
ប្រែសម្រួល៖ ព្រំ សុវណ្ណកណ្ណិកា ប្រភព៖ power of positivity
