ជំហាន៤យ៉ាងដែលអ្នកគួរដឹង ពេលចង់លក់ក្រុមហ៊ុនចោល!
អាចថាមកដល់ពេលនេះ អាជីវកម្មរបស់អ្នកលែងដើរតទៅទៀតហើយ ដែលជាហេតុនាំឲ្យអ្នកលែងចង់បន្ដដំណើរតទៅមុខទៀត។ ជំហាន៤យ៉ាងខាងក្រោមនេះនឹងនាំអ្នកឲ្យលក់ក្រុមហ៊ុនបានដោយត្រឹមត្រូវ និងមិនបង្កការស្ដាយក្រោយទៀតផង។ ក្នុងនោះមាន៖
១) មូលហេតុនៃការលក់៖ អ្នកចាប់ផ្ដើមចង់លក់ក្រុមហ៊ុនចោល។ តើនេះមកពីមូលហេតុអ្វីទៅ? តើមកពីឈ្លោះទាស់ទែងគ្នាជាមួយដៃគូរកស៊ី ចង់ឈប់ដោយសារហត់ មានជំងឺប្រចាំខ្លួន ឬមួយអាជីវកម្មនោះវាគួរឲ្យធុញទ្រាន់ពេកទើបសម្រេចចិត្តលក់ចោល? ដូចនេះអ្នកត្រូវដឹងខ្លួនឯងសិនពីមូលហេតុដែលជំរុញអ្នកឲ្យលក់ក្រុមហ៊ុនចោល។
២) ពេលវេលានៃការលក់៖ ពេលវេលានៃការលក់គឺពិតជាសំខាន់។ បើអ្នកចង់លក់ថ្ងៃនេះ យ៉ាងហោចណាស់អ្នកគួរតែ រៀបចំ យ៉ាងតិច១ឬ២ឆ្នាំ។ មិនមែននឹកឃើញភ្លាម រួចក៏ដាក់លក់ភ្លាមទេ ព្រោះអាចនាំហានិភ័យសម្រាប់អ្នក។
៣) រៀបចំឯកសារ៖ រៀបចំឯកសារពាក់ព័ន្ធនឹងហិរញ្ញវត្ថុ ការចំណាយពន្ធ ព្រោះថាវាពាក់ព័ន្ធច្រើនទៅនឹងការលក់ក្រុមហ៊ុនអ្នក។ លុះត្រាបំណុលនានាត្រូវបានសង ការដាក់លក់នឹងលែងសូវមានបញ្ហាទៀតហើយ។
៤) ស្វែងរកអ្នកទិញ៖ អ្នកត្រូវពិនិត្យមើលឲ្យបានច្បាស់ថាតើ បុគ្គលរូបណាអាចមានលទ្ធភាពគ្រប់គ្រាន់ក្នុងការផ្ដល់តម្លៃដែលអ្នកត្រូវការ។ ម៉្យាងវិញទៀត អ្នកគួរតែរកឲ្យបានកាន់តែច្រើនកាន់តែល្អ ព្រោះថាអ្នកអាចមានជម្រើសច្រើន ក្នុងការផ្ដល់ក្រុមហ៊ុនឲ្យពួកគេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ investopedia
