សញ្ញាទាំង៣នេះបញ្ជាក់ច្បាស់ណាស់ថា អ្នកមិនគួរបោះបង់ចោលស្នេហាកំពុងមាននេះទេ
ចំណង ស្នេហាគឺពិបាកស្មានយល់ណាស់ ហេតុនេះទើបគ្មានអ្នកណាទទួលបានស្នេហ៍ដំបូងជោគជ័យដល់សព្វថ្ងៃនោះ។ តែវាគឺជាមេរៀនសម្រាប់អ្នកទាំងអស់គ្នា ក្នុងការស្វែងរកដៃគូដ៏ល្អមកវិញ។ ខាងក្រោមនេះគឺជាចំណុចខ្លះៗ បង្ហាញថា អ្នកមិនគួរបោះបង់ស្នេហាមួយនេះចោលទេ៖
១) អ្នកក្លាយជាមនុស្សដែលអ្នកចង់បាន៖ តើមានដែលសង្កេតមើលថា ខ្លួនឯងប្លែកដែរទេ? ក្លាយជាមនុស្សម្នាក់ ថ្មីដែលអ្នកពេញចិត្តបំផុត។ តើនេះមកពីឥទ្ធិពលមនុស្សជាទីស្រលាញ់អ្នកដែរទេ? អ្នកក្លាយជាមនុស្សមានទំនួលខុសត្រូវខ្ពស់ ចេះដឹងទុក្ខធុរៈគេ ឆ្លាតនិងមានភាពក្លាហានខ្លាំង។ នេះហើយគឺជាដៃគូស្នេហាដែលអ្នកមិនគួរបោះបង់។
២) គ្រួសារអ្នកប្រាប់ថាអ្នកមិនគួរបោះបង់គេចោលទេ៖ មិនត្រឹមតែខ្លួនអ្នកផ្ទាល់ទេ តែនេះគ្រួសារចូលចិត្តគេទៀត។ តើគេមិនល្អគ្រប់១០ទេមែនទេ? កម្រណាស់ដែលចាស់ៗ យល់ព្រមឲ្យអ្នកបន្ដទំនាក់ទំនងជាមួយគេ តែនេះមកពីគេមានអ្វីដែលគ្រួសារអ្នកចង់បានហើយ។
៣) រស់នៅចុះសម្រុងគ្នា៖ គ្មានអ្វីដែលល្អជាងគូស្នេហ៍ ដែលចុះសម្រុងគ្នានោះទេ។ នេះដោយសារអ្នកអាចបំពេញសេចក្ដីត្រូវការគ្នាទៅវិញទៅមកបាន។ ហើយពេលខ្លះទោះគេមិនអាចបំពេញបានទាំងអស់ តែអ្នកក៏ចេះអត់ឱនឲ្យគ្នា ។ ចំណុចទាំងនេះទើបហៅថា«ស្នេហាពិត»៕
ប្រែសម្រួល៖ ព្រំ សុវណ្ណកណ្ណិកា ប្រភព៖ relrules
