វិធីខ្លះៗ ជួយឲ្យអ្នកលក់អីវ៉ាន់អ៊នឡាញឆាប់ដាច់ជាងមុន !
តើអ្នកកំពុងតែលក់អីវ៉ាន់តាមអ៊នឡាញមែនទេ? សព្វថ្ងៃនេះ គំនិតរកស៊ីទាំងនេះ គឺកំពុងតែក្លាយជាប្រជាប្រិយភាពមួយ សម្រាប់អ្នករាល់គ្នា។ តែពេលខ្លះបើអ្នកបង្កជាកំហុស វាក៏អាចប៉ះពាល់ដល់ការរកស៊ីរបស់អ្នកដែរ។ តើមានវិធីអ្វីខ្លះ ក្នុងការជួយឲ្យចំនួនលក់អ្នកកាន់តែល្អជាងមុន?
១) ផ្ដោតលើចំណុច៣នេះ៖ គុណភាពផលិតផលរបស់អ្នក រូបភាពស្រស់ស្អាត និងទីកន្លែងលក់ល្អ។ ចំណុចទាំង៣នេះគឺជះឥទ្ធិពលខ្លាំងណាស់ មកលើការរកស៊ីបែបនេះ។ ហេតុនេះហើយអ្នកត្រូវចាប់អារម្មណ៍ពីវាឲ្យបានច្រើនជាងចំណុចណាៗទាំងអស់។
២) រូបភាពទាក់ទងនឹងផលិតផល៖ តាមពិតទៅ អ្នកត្រូវរក រូបភាពណាដែលទាក់ទាញភ្នែករបស់អតិថិជនរបស់អ្នក។ ក្នុងនោះអ្នកត្រូវមានតិចនិកក្នុងការថតរូបដោយខ្លួនឯង។ ចំណែកឯរូបភាពតាមអ៊ីនធឺណិត ឬរូបភាពអ្នកដទៃ បើជៀសបានកុំយកមកប្រើអី ព្រោះគេនឹងមិនសូវជឿពីផលិតផលអ្នកទេ។
៣) ត្រូវសួរមតិអ្នកប្រើប្រាស់ផង៖ តាមពិតទៅ គ្មានអ្វីដែលល្អជាងទទួលបានមតិពីអ្នកប្រើប្រាស់ឡើយ ព្រោះថា មានតែពួកគេប៉ុណ្ណោះអាចវាយតម្លៃ ថាអ្នកល្អអ្វី និងខ្វះខាតអ្វីខ្លះនោះ។
៤) កុំពឹងលើអ៊នឡាញតែមួយមុខពេក៖ បើអ្នករំពឹងលក់តែតាមអ៊នឡ៉ាញពេកនោះ ពេលខ្លះការលក់វាបានតិចតួច។ តែបើព្យាយាមលក់ឲ្យបានច្រើនប្រភព អ្នកអាចទទួលបានប្រាក់ចំណេញច្រើនជាងឬយ៉ាងហោចណាស់ស្មើនឹងខែចាស់ ប៉ុន្តែគ្មានពាក្យថាខាតទេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ bigcommerce
