ឈប់ឲ្យគេថាអ្នកខ្ជិលទៀត! វិធីទាំងនេះនឹងជួយឲ្យអ្នកក្រោកពេលព្រលឹមលឿនជាងគេ
ពេលព្រឹកគឺពិតជាសំខាន់ណាស់ ដើម្បីធ្វើឲ្យអ្នកក្លាយជាមនុស្សមានប្រយោជន៍។ តែបើអ្នកចំណាយពេលគេងយូរពេកនៅពេលព្រឹក អ្នកបានបោះបង់ចោលពេលវេលាច្រើនណាស់។ ដើម្បីកុំឲ្យបន្ដទម្លាប់គេងយូរបែបនេះទៀត អ្នកគួរអនុវត្តតាមវិធីដូចខាងក្រោមនេះ៖
១) ពេលម៉ោងរោទ៍ត្រូវតែងើបភ្លាម៖ មិនមែនដោយសារតែអ្នក ចង់ងើបលឿន ទើបខំដាក់ម៉ោងរោទ៍ឲ្យលឿនទេ។ ពេលខ្លះចង់ងើបម៉ោង៤ហើយក៏ដាក់ម៉ោងរោទ៍ម៉ោង៤ តែការពិត ចុចបិទហើយគេងបន្ដដល់ម៉ោង៦វិញ។ នេះគឺជាទម្លាប់របស់មនុស្សខ្ជិល។ ដូចនេះបើចង់ងើបឲ្យឆាប់ហើយទាន់ពេលវិញ អ្នកត្រូវគោរពតាមម៉ោងរោទ៍ជាចាំបាច់ដាច់ខាត។ ដាក់ម៉ោង៦ ត្រូវងើបម៉ោង៦ភ្លាម ហើយកុំពន្យារពេលតទៀត។
២) គេងឲ្យបានគ្រប់គ្រាន់ពីយប់៖ បើសិនអ្នកចូលគេងម៉ោង១២ឬ ១យប់ទៅហើយ កុំសង្ឃឹមថាអ្នកអាចនឹងងើបរួចពីព្រលឹមអី។ អាស្រ័យហេតុនេះលៃលកយ៉ាងណា ចូលគេងឲ្យបានលឿន ទើបងើបបានលឿនដែរ។ ដូចដែលអ្នកវិទ្យាសាស្ត្របានបង្ហាញថា៖ «បើគេងពីយប់ជ្រៅ អ្នកចង់ងើបម៉ោង៤ឬ៥ក៏បានដែរ»។
៣) កុំពិសាកាហ្វេពេលយប់ឲ្យសោះ៖ វានឹងធ្វើឲ្យសរីរាង្គរបស់អ្នកដំណើរការរហូត ហើយអាចបណ្ដាលឲ្យកើតជំងឺគេងមិនលក់ទៀត។ ទាល់តែអស់ជាតិកាហ្វេអ៊ីនទើបអ្នកអាចសម្រាកបាន ហេតុនេះ អ្នកប្រហែលជាមិនអាចងើបពីព្រលឹមបានឡើយ។
៤) ភ្ញាក់ពីគេងម៉ោងដដែលៗទៅ៖ រាងកាយរបស់អ្នកនឹងបន្សាំ ទៅរកម៉ោងដែលអ្នកតែងតែភ្ញាក់។ ដូចនេះបើចង់ភ្ញាក់ម៉ោង៦ព្រឹក អ្នកត្រូវធ្វើយ៉ាងណាកុំផ្លាស់ប្ដូរម៉ោង។ ពេលនោះអ្នកនឹងងើបឡើងម៉ោង៦ព្រឹករៀងរាល់ថ្ងៃដោយឯកឯងគ្មានអ្នកណា មកដាស់ទេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ goinswriter
