ប្រយ័ត្នប្រយែងព្រោះថាអាហារទាំងនេះ អាចធ្វើឲ្យអ្នកចេះតែឈឺក្បាលបាន
អាការៈនៃការឈឺក្បាលគឺបណ្ដាលមកពីកត្តាជាច្រើន ប៉ុន្តែភាគច្រើនគឺវាកើតឡើងដោយសារអាហារដែលអ្នកបានបរិភោគនេះឯង។ បើមានការប្រយ័ត្នប្រយែងចំពោះអាហារទាំងនោះ អ្នកនឹងសង្កេតឃើញថា អាការៈនៃការឈឺក្បាលនឹងមានការចុះ ថមថយយ៉ាងចម្លែក។ នេះគឺជាអាហារដែលបណ្ដាលឲ្យអ្នកចេះតែឈឺក្បាល៖
១) គ្រឿងស្រវឹង៖ គ្រឿងស្រវឹងគ្រប់ប្រភេទគឺសុទ្ធតែអាចឲ្យអ្នកឈឺក្បាលបាន។ មនុស្សដែលមិនធ្លាប់ឈឺក្បាលទាល់តែសោះ តែហាក់មកជាឈឺក្បាលដោយសារការសេពគ្រឿងស្រវឹងទាំងនោះ។ សារជាតិស្រវឹងគឺពោរពេញទៅដោយអាមីណូអាស៊ីត ទីរ៉ាមីន ដែលជាសារធាតុធ្វើឲ្យឈឺក្បាល។ គ្រឿងស្រវឹងគឺបណ្ដាលឲ្យជាតិទឹកក្នុងខ្លួនអ្នកឆាប់អស់ ហើយការដែលអស់ជាតិទឹកក្នុងខ្លួន អ្នកក៏ឆាប់វិលមុខ ឈឺក្បាលដែរ។
២) សូកូឡា៖ ក្រៅពីមានរសជាតិឆ្ងាញ់ សូកូឡាជាអាហារនាំឲ្យអ្នកឈឺក្បាលផងដែរ។ បើសិនជាមិនសូវស្រួលខ្លួន ហើយឃ្លានសូកូឡាទៀតនោះ ពេលពិសាវាហើយអ្នកអាចមានអារម្មណ៍ថាឈឺក្បាលដោយសារកម្រិតអាស៊ីដគ្លីមីនច្រើនពេក។
៣) អាហារប្រៃ៖ អាហារប្រៃៗជាច្រើនត្រូវបានគេដឹងថាសំបូរចំពោះអាហារសម្រន់នានា។ ដោយសារតែកម្រិតនៃជាតិសូដ្យូមច្រើនពេកពីអាហារទាំងនោះ អ្នកងាយនឹងឈឺក្បាលវិលមុខ។ ដូចនេះហើយ មុនពិសាអ្វីក៏ដោយអ្នកគួរតែពិនិត្យឲ្យបានម៉ត់ចត់ ជាពិសេសកុំពិសាអាហារណាដែលប្រៃពេក៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
