សញ្ញាបង្ហាញថា «អ្នកខ្វល់ពីសម្ដីអ្នកដទៃ ហួសហេតុពេកហើយ»
កើតមកជាមនុស្ស បើរវល់តែខ្វល់ពីអ្នកដទៃ ខ្លាំងពេក ជីវិតអ្នកលែងមានន័យអស់ហើយ។ ហេតុអ្វីចាំបាច់ខ្វល់ពីអ្នកដទៃ ? ក្រៅពីក្រុមគ្រួសារអ្នក គឺគ្មានអ្នកណាមកសើចយំជាមួយអ្នកឡើយ។ ហេតុនេះត្រូវពិនិត្យមើលខ្លួនឯងថាតើរាល់ថ្ងៃហ្នឹង អ្នកខ្វល់ពីគេច្រើនពេកឬអត់? ១) អ្នកតែងតែធ្វើរឿងដែលខ្លួនឯង មិនចង់ធ្វើជារឿយៗ ទាំងដែលខ្លួនឯងមិនសប្បាយចិត្តពេលធ្វើវាម្ដងៗ ។ ២) ក្រៅពីស្ដាប់គំនិតពីអ្នកដទៃ អ្នកមិនដែលធ្វើអ្វីមួយដែលខ្លួនឯងចង់និងចូលចិត្តធ្វើតទៀតទេ។ ៣) អ្នកជាមនុស្សដែលខ្លាចគ្រប់ពេល ដោយគ្រាន់តែនិយាយអ្វីដែលខ្លួនឯងចង់ធ្វើនិងចូលចិត្តចេញមកក្រៅសោះនោះ។ ៤) អ្នកចំណាយពេលជាមួយមនុស្ស ដែលអ្នកមិនចូលចិត្ត ហើយទៅដើរលេងជាមួយពួកគេដោយមិនចង់ឲ្យពួកគេខឹង។ ៥) វាពិបាកខ្លាំងណាស់ រាល់ពេលដែលអ្នកសម្រេចចិត្តធ្វើអ្វីម្ដងៗនោះ ព្រោះអីអ្នកតែងគិតពីគំនិតអ្នកដទៃ ជាធំខ្លាំងពេក។ ៦) អ្នកតែងតែលះបង់និងធ្វើរឿងគ្រប់បែបយ៉ាង ដោយគ្រាន់តែចង់ឃើញសេចក្ដីសុខអ្នកដទៃ ។ រីឯខ្លួនឯងវិញ ទោះពិបាកទ្រាំយ៉ាងណាក្ដី ក៏សុខចិត្តដែរ៕ ប្រែសម្រួល៖ ព្រំ សុវណ្ណកណ្ណិកា ប្រភព៖ huffingtonpost
