ជិតប្រលងមែនទេ? បើអនុវត្តតាមវិធីទាំងនេះ១០០ភាគរយអ្នកនឹងជាប់ហើយបានពិន្ទុច្រើន ទៀត
កុំចាំតែជិតដល់ថ្ងៃ ប្រលងទើបខំរៀន។ បើមិនដូច្នោះទេ អ្នក នឹងមិន ជាប់ឡើយ ទោះបីជាប់ក៏បានពិន្ទុត្រឹមតែមួយជាប់ដែរ។ ខាងក្រោមនេះជាគំនិតខ្លះៗ ដែលអ្នកគួររៀនតាម ៖
១) ផ្ដល់ពេលគ្រប់គ្រាន់ដល់ខ្លួនឯង៖ សិស្សដែលតែងតែខំមួយយប់ មុនឈានចូលថ្ងៃប្រលង ភាគច្រើនទទួលបានលទ្ធផល មិនសមប្រកបទេ។ ហើយ ពេលទៅប្រលងវិញ គឺគ្មាន ជំនឿទុកចិត្តលើខ្លួនឯងទៀត។ និយាយរួមគឺសង្ឃឹមតែមួយជាប់ៗ។ ហេតុនេះហើយ ទើបអ្នក គួររៀបចំពេលវេលាឲ្យត្រឹមត្រូវ ថាតើថ្ងៃច័ន្ទ រៀនអ្វី អង្គាររៀនអ្វី ទើបអ្នកអាចចាប់មេរៀនបានច្រើន។
២) គួររូបភាពសម្រាប់ចំណាំមេរៀន៖ ជឿថាមានសិស្សមួយចំនួនធ្វើបែបនេះ។ ពេលខ្លះមេរៀនមានច្រើនណាស់ ហើយបើសូត្រក៏មិនងាយចាំអស់ដែរ។ តែវិធីនាំឲ្យអ្នក ងាយចាំ គឺ ការគូររូបភាព ឬព្រួញសញ្ញា នានា ដើម្បីចំណាំ។ ពេលដល់ថ្ងៃប្រលងអ្នកគ្រាន់តែអង្គុយស្រមៃបន្តិច នោះចម្លើយនឹងផុសចេញមកយ៉ាងលឿនហើយ។
៣) រៀនធ្វើលំហាត់ប្រលងចាស់ៗ ៖ វិធីកាន់តែល្ងជាងនេះគឺការយកលំហាត់ចាស់ៗ មកធ្វើ។ កាលដែលយកពួកវាមកធ្វើ គឺ បន្សាំអ្នកនឹងសំណួរ ជាពិសេសគឺបង្រៀនអ្នកពីការកំណត់ពេលវេលា ក្នុងការប្រលងផងដែរ។
៤) រៀនពន្យល់លំហាត់គ្នាទៅវិញទៅមក៖ កាលដែលរៀនសួរសំណួរគ្នានេះគឺហាក់ដូចជាកំពុងលុត ដំ ខួរក្បាលដែរ។ ចេះរៀនពន្យល់គ្នា អ្នកនឹងឆាប់ចាំមេរៀន ៣ដង បើប្រៀបធៀបទៅនឹងការសូត្រមេរៀនធម្មតា។
៥) រៀបចំអ្វីៗ ឲ្យហើយសម្រាប់ការប្រលង៖ បើសិនជាចងចាំមេរៀនហើយអស់នោះ។ អ្វីដែលគួរធ្វើបន្ទាប់គឺការរៀបចំ ទុកដាក់របស់របរដែលអ្នកប្រលងត្រូវការ។ ការធ្វើបែបនេះគឺបង្ហាញថាអ្នកត្រៀមខ្លួនរួចរាល់ស្រាប់ ក្នុងការប្រលងហើយ។ ម្យ៉ាងទៀត អ្នកនឹងមានទំនុកចិត្តក្នុងខ្លួន បានច្រើន ដោយសារតែអ្នកបានត្រៀមអ្វីគ្រប់បែបយ៉ាងអស់ហើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ topuniversities
