មាន​ការ​ស្ទង់មតិ​មួយ​ដែល​បាន​​រៀប​ចំ​ឡើង​ដោយ​ក្លឹប​វិនិយោគិន​កម្ពុជា (Cambodia Investor Club) ​​​​​ទៅ​លើ​​​ហាង​កាហ្វេ​ពីរ​​​ដែល​កំពុង​ល្បីល្បាញ​សុះសាយ​​ ​ Brown Coffee​ និង​ Cafe Amazon​ អំពី​​​​ចំណុច​បី​យ៉ាង​សំខាន់​គឺ​ ឥរិយាបថ​អតិថិជន (consumer behavior) ​​​​​​ប្រភេទ​អតិថិជន​ (Market Positioning) និង​ ការ​វាយ​តម្លៃ​ទៅ​លើ​គុណ​តម្លៃ​​ផលិតផល​ពី​សំណាក់​អតិថិជន (Consumer's Value Perception)។ ​បើ​យោង​តាម​ទំព័រ​ Facebook ​របស់​ក្លឹប​អ្នក​វិនិយោគ​កម្ពុជា​ដែល​ហៅ​កាត់​ថា​ CIC ​ការ​ស្ទង់មតិ​ត្រូវ​បាន​ធ្វើ​ឡើង​កាល​ពី​ថ្ងៃ​ទី​ ៦​ខែ​មីនា​ ឆ្នាំ​២០១៧ ដល់​ថ្ងៃ​ទី​២៥ ខែ​មីនា​​ឆ្នាំ​២០១៧ ខណៈ​ដែល​លទ្ធផល​នៃ​ការ​វិភាគ​នេះ​​ត្រូវ​បាន​ចេញ​ផ្សាយ​កាល​ពី​ថ្ងៃ​ទី​២០ ខែ​កក្កដា​ ឆ្នាំ​២០១៧ កន្លង​ទៅ។ ​ ​​​ផ្អែក​តាម​លទ្ធផល​ គេ​សង្កេត​ឃើញ​ថា​​៖ ​១) ឥរិយាបថ​អតិថិជន (consumer behavior) ​​-បើ​​គិត​ជា​មធ្យម​​ ​នៅ​ Brown ​អតិថិជន​​ម្នាក់​ចំណាយ​ ​4.84​ដុល្លារ​ ចំណែក​នៅ​ Cafe Amazon ចំណាយ​ 2.98ដុល្លារ -ភាគ​រយ​អតិថិជន​ដែល​ចូលចិត្ត​ញ៉ាំ​នៅ​​ក្នុង​ហាង​​៖ Brown ​មាន​ 77.6%​នៃ​អតិថិជន​សរុប​ និង​​​នៅ​ Cafe Amazon មាន​ 41.4% -ភាគ​រយ​អតិថិជន​​ទិញ​​មិន​ញ៉ាំ​នៅ​​ក្នុង​ហាង​ (Take away)​​៖ Brown ​មាន​ 7.5%​នៃ​អតិថិជន​សរុប​ និង​​​នៅ​ Cafe Amazon មាន​​ 33% -រយៈ​ពេល​ដែល​អតិថិជន​អង្គុយ​ញ៉ាំ​នៅ​​ក្នុង​ហាង៖ ​71.4%​​ ​នៃ​​អតិថិជន​​ចំណាយ​ពេល​​ជាង​ ១​ម៉ោង​​អង្គុយ​នៅ​ក្នុង​ហាង​សម្រាប់​ Brown ​និង​ 42.7%​ ​សម្រាប់​Cafe Amazon ​​​​ ​ ​​​​​​២) ​ប្រភេទ​អតិថិជន​ (Market Positioning) ​អតិថិជន​គោលដៅ​សំខាន់​ជាង​គេ៖ ​សម្រាប់​ Brown ​​អ្នក​ធ្វើ​ការ​ ​​និង​និស្សិត​សាកលវិទ្យាល័យ​មាន​ចំនួន​ច្រើន​ជាង​​ Cafe Amazon ខណៈ​សិស្ស​វិទ្យាល័យ​ចូល​ញ៉ាំ​នៅ​ Cafe Amazon ​ច្រើន​ជាង​ Brown។ ៣) ការ​វាយ​តម្លៃ​ទៅ​លើ​គុណ​តម្លៃ​​ផលិតផល​ពី​សំណាក់​អតិថិជន (Consumer's Value Perception​) ហេតុផល​សំខាន់​ដែល​ធ្វើ​ឱ្យ​អតិថិជន​ចូលចិត្ត​ទៅ​ញ៉ាំ​កាហ្វេ​ទាំង​ពីរ៖ -នៅ​ Brown៖ 72% ពេញ​ចិត្ត​រសជាតិ​កាហ្វេ​, ៥៨% សេវាកម្ម​ល្អ​ និង​ ៥៥% ​ការ​រចនា​ហាង​ទាក់ទាញ​ -នៅ​ Cafe Amazon៖ ៧៨%​ ថា ​តម្លៃ​អាច​ទទួល​យក​បាន​, ៧៥%​ពេញ​ចិត្ត​រសជាតិ​កាហ្វេ​ និង​ ៥៣%​​ ការ​រចនា​ហាង​ទាក់ទាញ៕