លោក ហេង សេងលី អ្នកគ្រប់គ្រងទូទៅ ផាកកាហ្វេ៖ យើងផ្គត់ផ្គង់អាហារក្នុងស្រុកគ្មានប៊ីចេង អាហារញ៉ាំរាល់ថ្ងៃទើបធ្វើឱ្យផាកកាហ្វេខ្លាំង
លោក ហេង សេងលី អ្នកគ្រប់គ្រងទូទៅ ផាកកាហ្វេ បានផ្ដល់បទសម្ភាសន៍ពិសេសមួយជាមួយ BizKhmer កាលពីថ្ងៃទី៣ សីហា ម្សិលមិញក្នុងឱកាសបើកសម្ពោធរចនាបថថ្មីរបស់សាខាផាកកាហ្វេសន្ធរម៉ុក លើប្រធានចំណុចខ្លាំងរបស់ ផាកកាហ្វេ។
លោកបានលើកឡើងថា រយៈពេលប៉ុន្មានឆ្នាំចុងក្រោយនេះ អតិថិជនរបស់លោកយល់ច្បាស់ថា ផាកកាហ្វេ ជាភោជនីយដ្ឋានផ្គត់ផ្គង់នូវអាហារក្នុងស្រុកគ្មានប៊ីចេង អាហារសុខភាព ហើយជាអាហារដែលយើងញ៉ាំរាល់ថ្ងៃដោយផ្ដោតទៅលើគុណភាពជាចម្បង ទើបធ្វើឱ្យ ផាកកាហ្វេ ទទួលបានការគាំទ្រខ្លាំងពីសំណាក់អតិថិជន ដែលធ្វើឱ្យក្រុមហ៊ុនសម្រេចចិត្តប្ដូររចនាបថថ្មីនៅសាខាផាកកាហ្វេសន្ធរម៉ុក និងគ្រោងបើកសាខាថ្មីមួយទៀត ក្នុងរយៈពេលដ៏ខ្លីខាងមុខនេះ។
[caption id="attachment_44793" align="aligncenter" width="670"]
ផាកកាហ្វេ សន្ធរម៉ុក ដែលទើបសម្ពោធរចនាបថថ្មីកាលពីម្សិលមិញ[/caption]
នាយកគ្រប់គ្រងទូទៅរូបនេះបន្តថា គុណភាពអាហារក្នុងស្រុកដែលភោជនីយដ្ឋានផ្ដល់ជូននេះហើយជាផ្នែកមួយដែលធ្វើឱ្យក្រុមហ៊ុនខ្លាំងបូកផ្សំនឹងសេវាកម្មដែលក្រុមហ៊ុនព្យាយាមកែលម្អឱ្យកាន់តែប្រសើរទើបធ្វើឱ្យភោជនីយដ្ឋាននេះកាន់តែបោះជំហ៊ានទៅមុខ។ លោកថ្លែងដូច្នេះ៖«និយាយពីរឿងសេវាកម្មវិញ យើងបង្រៀនបុគ្គលិកឱ្យចេះជម្រាបសួរភ្ញៀវដែលបង្ហាញអតិថិជនជាតិរបស់យើង ហើយសូម្បីតែការកុម្ម៉ង់ និងការគិតលុយក៏យើងនៅរក្សាទម្លាប់មួយដែលយើងបម្រើអតិថិជនដល់តុតែម្ដង»។
អ្វីដែលគេសង្កេតឃើញមួយទៀតនោះគឺ ទីតាំងរបស់ ផាកកាហ្វេ ភាគច្រើនធំទូលាយដែលអតិថិជនងាយស្រួលចតរថយន្ត ហើយអ្វីដែលពិសេសនោះគឺ ការមកញ៉ាំអាហារនៅ ផាកកាហ្វេ អាចនឹងជួបអ្នករកស៊ីឬពាណិជ្ជករក្នុងវិស័យផ្សេងៗ ព្រោះថា ផាកកាហ្វេ ជាភោជនដ្ឋានដែលមានថ្នាក់ដឹកនាំ និងម្ចាស់អាជីវកម្មមកជួបជុំ និងញ៉ាំអាហារនៅទីនេះភាគច្រើន។ នេះបើយោងតាមការអះអាងរបស់លោក សេងលី។ លោកបន្តថា អ្វីដែលលេចធ្លោមួយទៀតនោះគឺ តម្លៃអាហារសមនឹងបរិមាណ បូកនឹងគុណភាពដែលផ្ដល់ជូនអតិថិជន។
ឆ្លើយតបនឹងសំណួរ BizKhmer ថា ការប្រកួតប្រជែងជាមួយនឹងភោជនីយដ្ឋានក្នុងស្រុក និងភោជនីយដ្ឋានក្រៅស្រុកមានលក្ខណៈយ៉ាងណាដែរនាពេលបច្ចុប្បន្ន និងអនាគត? លោក សេងលីលើកឡើងថា ដោយសារតែ ផាកកាហ្វេ មានលក្ខណៈពិសេសដាច់ដោយឡែក (unique) លើអាហារគ្មានប៊ីចេង និងអាហារដែលញ៉ាំរាល់ថ្ងៃ (ពេលព្រឹក គុយទាវ និងថ្ងៃត្រង់អាហារធម្មតា) ធ្វើឱ្យ ផាកកាហ្វេ មិនបារម្ភចំពោះការប្រកួតប្រជែងជាមួយនឹងគូប្រកួតក្នុងនិងក្រៅស្រុកនោះទេ។
សូមបញ្ជាក់ថា បើតាមសេចក្ដីប្រកាសព័ត៌មានរបស់ក្រុមហ៊ុន កាលពីឆ្នាំ២០១៦ កន្លងទៅ ផាកកាហ្វេ ទទួលបានអតិថិជនសរុប ១លាននាក់ ហើយនៅឆ្នាំ២០១៧នេះ ក្រុមហ៊ុនរំពឹងថា នឹងទទួលបានជាង ១លាននាក់។ ផាកកាហ្វេ ត្រូវបានបើកដំណើរការដំបូងកាលពីឆ្នាំ ២០០៤៕
ផាកកាហ្វេ សន្ធរម៉ុក ដែលទើបសម្ពោធរចនាបថថ្មីកាលពីម្សិលមិញ[/caption]
នាយកគ្រប់គ្រងទូទៅរូបនេះបន្តថា គុណភាពអាហារក្នុងស្រុកដែលភោជនីយដ្ឋានផ្ដល់ជូននេះហើយជាផ្នែកមួយដែលធ្វើឱ្យក្រុមហ៊ុនខ្លាំងបូកផ្សំនឹងសេវាកម្មដែលក្រុមហ៊ុនព្យាយាមកែលម្អឱ្យកាន់តែប្រសើរទើបធ្វើឱ្យភោជនីយដ្ឋាននេះកាន់តែបោះជំហ៊ានទៅមុខ។ លោកថ្លែងដូច្នេះ៖«និយាយពីរឿងសេវាកម្មវិញ យើងបង្រៀនបុគ្គលិកឱ្យចេះជម្រាបសួរភ្ញៀវដែលបង្ហាញអតិថិជនជាតិរបស់យើង ហើយសូម្បីតែការកុម្ម៉ង់ និងការគិតលុយក៏យើងនៅរក្សាទម្លាប់មួយដែលយើងបម្រើអតិថិជនដល់តុតែម្ដង»។
អ្វីដែលគេសង្កេតឃើញមួយទៀតនោះគឺ ទីតាំងរបស់ ផាកកាហ្វេ ភាគច្រើនធំទូលាយដែលអតិថិជនងាយស្រួលចតរថយន្ត ហើយអ្វីដែលពិសេសនោះគឺ ការមកញ៉ាំអាហារនៅ ផាកកាហ្វេ អាចនឹងជួបអ្នករកស៊ីឬពាណិជ្ជករក្នុងវិស័យផ្សេងៗ ព្រោះថា ផាកកាហ្វេ ជាភោជនដ្ឋានដែលមានថ្នាក់ដឹកនាំ និងម្ចាស់អាជីវកម្មមកជួបជុំ និងញ៉ាំអាហារនៅទីនេះភាគច្រើន។ នេះបើយោងតាមការអះអាងរបស់លោក សេងលី។ លោកបន្តថា អ្វីដែលលេចធ្លោមួយទៀតនោះគឺ តម្លៃអាហារសមនឹងបរិមាណ បូកនឹងគុណភាពដែលផ្ដល់ជូនអតិថិជន។
ឆ្លើយតបនឹងសំណួរ BizKhmer ថា ការប្រកួតប្រជែងជាមួយនឹងភោជនីយដ្ឋានក្នុងស្រុក និងភោជនីយដ្ឋានក្រៅស្រុកមានលក្ខណៈយ៉ាងណាដែរនាពេលបច្ចុប្បន្ន និងអនាគត? លោក សេងលីលើកឡើងថា ដោយសារតែ ផាកកាហ្វេ មានលក្ខណៈពិសេសដាច់ដោយឡែក (unique) លើអាហារគ្មានប៊ីចេង និងអាហារដែលញ៉ាំរាល់ថ្ងៃ (ពេលព្រឹក គុយទាវ និងថ្ងៃត្រង់អាហារធម្មតា) ធ្វើឱ្យ ផាកកាហ្វេ មិនបារម្ភចំពោះការប្រកួតប្រជែងជាមួយនឹងគូប្រកួតក្នុងនិងក្រៅស្រុកនោះទេ។
សូមបញ្ជាក់ថា បើតាមសេចក្ដីប្រកាសព័ត៌មានរបស់ក្រុមហ៊ុន កាលពីឆ្នាំ២០១៦ កន្លងទៅ ផាកកាហ្វេ ទទួលបានអតិថិជនសរុប ១លាននាក់ ហើយនៅឆ្នាំ២០១៧នេះ ក្រុមហ៊ុនរំពឹងថា នឹងទទួលបានជាង ១លាននាក់។ ផាកកាហ្វេ ត្រូវបានបើកដំណើរការដំបូងកាលពីឆ្នាំ ២០០៤៕
