តើលោក Bill Gates ចំណាយពេលប៉ុន្មានរយឆ្នាំដើម្បីចាយលុយនិងទ្រព្យសម្បត្តិរបស់លោកឱ្យអស់?
ដូចដែលលោកអ្នកដឹងស្រាប់ហើយថា ស្ថាបនិកក្រុមហ៊ុន Microsoft លោក Bill Gates ជាមហាសេដ្ឋីមានទ្រព្យសម្បត្តិច្រើនជាងគេបំផុតក្នុងលោក។ បើតាមទស្សនាវដ្ដី Forbes មហាសេដ្ឋីរូបនេះមានទ្រព្យសម្បត្តិសរុបប្រមាណ ៨៩,៩ពាន់លានដុល្លារអាមេរិកគិតត្រឹមថ្ងៃទី៨ ខែសីហា ឆ្នាំ២០១៧នេះ។ បើគេលើកយកឧទាហរណ៍ថា បើលោកចំណាយប្រាក់ប្រហែល ១លានដុល្លារជារៀងរាល់ថ្ងៃ តាមការគណនា គឺលោកត្រូវចំណាយពេលយ៉ាងហោចណាស់ ២៤៦ឆ្នាំដែរ។
នេះគឺគ្រាន់តែជាការឧបមាប៉ុណ្ណោះ។ ច្បាស់ណាស់ដែលថា ទឹកប្រាក់ ១លានដុល្លារច្រើនមែនទែន ហើយការចំណាយជាក់ស្ដែង គឺភាគច្រើនតិចជាងនេះផង លើកលែងតែយកទៅវិនិយោគប៉ុណ្ណោះដែលភាគច្រើនមានការចំណាយច្រើនជាង ១លានដុល្លារ។ ២៤៦ឆ្នាំនេះ គឺឧបមាថា លោកមិនរកចំណូលបានបន្ថែមទៀតគិតត្រឹមថ្ងៃទី៨ ខែសីហា ឆ្នាំ២០១៧នេះ តែបើចំណូលនិងទំហំទ្រព្យសម្បត្តិរបស់លោកកាន់តែកើនឡើងនោះ លោកត្រូវការចំណាយពេលកាន់តែយូរទៀត៕
