៤វិនាទីអនុវត្តល្បិចទាំងនេះ ជឿថាគេគ្រប់គ្នានឹងចាប់ផ្ដើមចូលចិត្តអ្នកដោយឯកឯង
ត្រឹមតែពេល៣ឬ៤វិនាទី គេអាចទាយ និងវិនិច្ឆ័យថាអ្នកជាប្រភេទមនុស្សបែបណាបាន។ ហើយការវិនិច្ឆ័យទាំងនោះ នឹងអាចឲ្យពួកគេទាក់ទងអ្នក ជួលអ្នកធ្វើការងារ ឬក៏រាប់អានអ្នកធ្វើការ។ ខាងក្រោមនេះ ជាល្បិចខ្លះៗ នាំឲ្យគេឯងចូលចិត្តអ្នក ដោយប្រើពេលត្រឹមតែ៣ ឬ៤វិនាទីតែប៉ុណ្ណោះ៖
១) ញញឹម៖ ស្នាមញញឹមគឺជាសញ្ញាមួយដែលអាចប្រាប់អ្នកដទៃ ថាអ្នកចូលចិត្តពួកគេ ទោះបីអ្នកមិនបាននិយាយវាចេញមកក្ដី។ រវាងអ្នក ដែលមានមុខស្មើ និងអ្នកដែលញញឹមដាក់ពួកគេ ប្រាកដណាស់ ពួកគេនឹងរត់មកនិយាយរកអ្នកដែលញញឹមនោះតែម្ដង។
២) ស្ដាប់៖ ជាក់ស្ដែង អ្នកតែងចង់ឲ្យគេស្ដាប់ខ្លួន ហេតុនេះគេក៏ដូចគ្នា ពួកគេចង់រាប់អានមនុស្សណាដែលនិយាយស្ដាប់គា្នដូចគ្នា។ បើចង់ឲ្យអ្នកដទៃ ឆាប់ចូលចិត្តអ្នក រាល់ពាក្យពេចន៍ដែលគេនិយាយចំពោះអ្នក អ្នកត្រូវស្ដាប់និងធ្វើតាម។ ទោះបីអ្នកអាចធ្វើឬក៏មិនអាច តែអ្នកគួរបង្ហាញពួកគេថា អ្នកគោរពសំដីរបស់ពួកគេជាមុនសិន។
៣) ធ្វើឲ្យពួកគេសើច៖ ទោះបីអ្នកទើបស្គាល់គ្នាជាមួយអ្នកណាក្ដី អ្នកគួរតែបង្កើតការចងចាំជាមួយនឹងសំណើច។ ការសើចអាចបង្កើតបានជាការចងចាំ ហើយវានឹងមិនអាចបំភ្លេចទៅលឿននោះទេ ។ ដូចនេះអារម្មណ៍ល្អរបស់ពួកគេនឹងមានមកលើអ្នកកាន់តែលឿន និងកាន់តែយូរទៀត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ inc
