មក​ដល់​សព្វថ្ងៃ បណ្ដាញ​សង្គម ​WhatsApp ឬ Telegram ​ កំពុង​ទទួល​បាន​ការ​និយម​ពី​សំណាក់​អ្នក​ប្រើ​ប្រាស់ ខណៈ​ WhatsApp មាន​អ្នក​លេង​លើស​ពី ១​ពាន់​លាន​នាក់​ឯ​ណោះ។ ​មនុស្ស​មិន​ត្រឹម​តែ​និយាយ​ពី​ប្រធានបទ​ផ្សេង​ៗ​គ្នា​នៅ​ក្នុង​ក្រុម​​នោះ​ទេ សូម្បី​តែ​អ្នក​លេង​ក៏​មាន​ប្រភេទ​របស់​អ្នក​លេង​ផង​ដែរ។ ​សាក​ក្រឡេក​ទៅ​មើល៍​ តើ​អ្នក​ស្ថិត​នៅ​ក្រុម​មួយ​ណា​ដែរ៖ ១) ​សាច់ញាតិ​សាច់​ឆ្ងាយ (the second uncle)៖ សមាជិក​រូប​​ ពេល​នៅ​​ក្នុង​ក្រុម ពួក​គេ​មិន​ដែរ​​បញ្ចេញ​មតិ​អ្វី​នោះ​ទេ។ ប្រសិន​អ្នក​មាន​សំណាង យូរ​ៗ​អ្នក​ទទួល​បាន​សារ​ពី​ពួក​គាត់​ម្ដង ប្រៀប​បាន​ដូច​ជា​សាច់ញាតិ​មក​លេង​អ្នក​អ៊ឹចឹង​។ ២) អ្នក​រៀប​ចំ (the organizer)៖ អ្នក​រៀប​ចំ​​​​ភាគ​ច្រើន​គឺ​ជា​អ្នក​បង្កើត​ឬ​អ្នក​ដឹក​នាំ​ក្រុម​​តែ​ម្ដង។​ និយាយ​ម៉្យាង​ទៀត​គឺ​ជា​សមាជិក​ដែល​​រក​អ្វី​មក​និយាយ​ដើម្បី​កុំ​ឲ្យ​ក្រុម​ស្ងាត់​ពេក។ ៣) អ្នក​ចែក​រំលែក (the content sharer)៖ សមាជិក​រួប​មួយ​ចេះ​តែ​ចែក​រំលែក​ព័ត៌មាន​តែ​ប៉ុណ្ណោះ។ ​ពេល​​​មាន​អ្វី​ថ្មី​ កំប្លែង​​ឬ​វីដេអូ ពួក​គាត់​គឺ​ដឹង​​តែ​ចែក​រំលែក​ចូល​ក្នុង​ក្រុម​តែ​ម្ដង។ ៤) ខ្មោច (the ghost)៖ សមាជិក​រូប​នេះ មាន​តែ​ខ្លួន​ប្រាណ ប៉ុន្តែ​ស្ងាត់សូន្យ​នៅ​ក្នុង​ក្រុម។ សមាជិក​រូប​នេះ​មិន​អាន មិន​តប មិន​ចែក​រំលែក​​ហើយ​ក៏​មិន​ចាក​ចេញ​ពី​ក្រុម​ដែរ។ ៥) ក្រុម​នាំ​មុខគេ (the team player)៖ ក្រុម​នេះ​ជា​ក្រុម​លេង​បាន​ល្អ​ជាង​គេព្រោះ​ថា​ ពួកគេ​ជា​មនុស្ស​សកម្ម​នៅ​ក្នុង​ក្រុម​។ មិន​ផុស​ញឹកញាប់​ពេក ហើយ​ក៏​មិន​ស្ងាត់​ពេក។ រាល់​សារ​ថ្មីៗ គឺ​តែង​តែ​អាន​ដើម្បី​ធ្វើ​បច្ចុប្បន្នភាព។ សួរ​ពេល​ណា​ ពួក​គេ​ឆ្លើយ​ពេល​ហ្នឹង។ មាន​បញ្ហា​អ្វី​ ពួក​គេ​តែង​លើក​យក​មក​ពិភាក្សា៕ ដោយ៖ អឹុង មុយយូ ​