អ្វីដែលអ្នកត្រូវដឹង ពីវេទិកាសេដ្ឋកិច្ចពិភពលោក ស្ដីពីអាស៊ានឆ្នាំ២០១៨
ព្រឹត្តិការណ៍ដ៏ធំមួយនេះ នឹងឆាប់ផ្ដើមក្នុងពេលឆាប់ៗខាងមុខ ដោយមានការចូលរួមពីថ្នាក់ដឹកនាំកំពូលៗ របស់សមាជិកនៃប្រជាជាតិអាស៊ីអាគ្នេយ៍ទាំង ១០ ហៅកាត់ថា អាស៊ាន និងថ្នាក់ដឹកនាំសំខាន់ៗមកពីបក្រទេសផ្សេងទៀត។ ធ្វើឡើងនៅពេលណា និងកន្លែងណា ? កិច្ចប្រជុំនេះនឹងធ្វើឡើង នៅថ្ងៃទី ១១ ដល់ ១៣ កញ្ញា ក្នុងទីក្រុង ហាណូយ ប្រទេសវៀតណាម។ អ្នកណានឹងចូលរួមខ្លះ?
ថ្នាក់ដឹកនាំធំៗនៅអាស៊ានដែលគេរំពឹងនឹងចូលរួម៖ ១. នាយករដ្ឋមន្ត្រីកម្ពុជា សម្ដេច ហ៊ុន សែន ២· ប្រធានាធិបតីឥណ្ឌូណេស៊ីលោក Joko Widodo ៣· នាយករដ្ឋមន្ត្រីឡាវ Thongloun Sisoulith ៤·នាយករដ្ឋមន្ត្រីម៉ាឡេស៊ី Tun Dr Mahathir bin Mohamad ៥· លោកស្រី Aung San Suu Kyi ប្រទេសមីយ៉ានម៉ា ៦· នាយករដ្ឋមន្ត្រីសិង្ហបុរីលោក Lee Hsien-Loong ៧· ប្រធានាធិបតីហ្វីលីពីន Rodrigo Roa Duterte ៨· នាយករដ្ឋមន្ត្រីវៀតណាម Nguyễn Xuân Phúc មិនតែប៉ុណ្ណោះអ្នកចូលរួមគួរឱ្យចាប់អាមរម្មណ៍ផ្សេងទៀតរួមមាន៖ . លោកនាយករដ្ឋមន្ត្រីស្រីលង្កា Ranil Wickremesinghe · រដ្ឋមន្ត្រីក្រសួងការបរទេសសាធារណរដ្ឋកូរ៉េ និងជាសហប្រធាន នៃកិច្ចប្រជុំ លោក Kang Kyung-Wha · រដ្ឋមន្ត្រីក្រសួងការបរទេសជប៉ុន Taro Kono · រដ្ឋមន្ត្រីក្រសួងការបរទេសឈីលី Roberto Ampuero Espinoza សហប្រធាននៃកិច្ចប្រជុំដែលនឹងដឹកនាំកិច្ចពិភាក្សានេះមាន៖ · Anne-Birgitte Albrectsen, នាយកប្រតិបត្តិក្រុមហ៊ុន Plan International មកពីអង់គ្លេស · Mulyani Indrawatiរដ្ឋមន្ត្រីក្រសួងហិរញ្ញវត្ថុ ឥណ្ឌូណេស៊ី · Kang Kyung-Wha រដ្ឋមន្ត្រីក្រសួងកិច្ចការបរទេសសាធារណរដ្ឋកូរ៉េ · Nguyen Manh Hung រដ្ឋមន្រ្តីស្តីទីក្រសួងព័ត៌មាននិងគមនាគមន៍នៃប្រទេសវៀតណាម · Nazir Razak, ប្រធានក្រុមហ៊ុន CIMB Group Holdings ប្រទេសម៉ាឡេស៊ី · Kevin Sneader, ប្រធានក្រុមហ៊ុនគ្រប់គ្រងប្រឹក្សាយោបល់ McKinsey & Company មកពីហុងកុង ក្រៅពីនេះមានអ្នកនយោបាយ អ្នកជំនួញ ប្រធានផ្នែកគ្រប់គ្រង់សង្គមស៊ីវិល និងអប់រំ ចំនួន ៩០០នាក់ រួមបញ្ចូលទាំងសហគ្រិនដែលបានជ្រើសរើស ៧៥នាក់ផ្សេងទៀត។
ពួកគេនឹងលើកអ្វីយកមកពិភាក្សា? អនាគតការងារ ជាប្រធានបទធំ។ រយៈពេល១៥ឆ្នាំទៀតនៅអាស៊ាន ការព្យាករណ៍កម្លាំងការងារ នឹងពង្រីកឱ្យបាន ១១ ០០០ ជារៀងរាល់ថ្ងៃ។ នេះក៏ដោយសារតែ ការងារជំនាញទាបក្នុងវិស័យបម្រើសេវាកម្ម ត្រូវជំនួសដោយមនុស្សយន្ត ខណៈរថយន្តបើកដោយខ្លួនឯង ត្រូវបានបញ្ចេញលក់លើទីផ្សារនៅអាស៊ីអាគ្នេយ៍ ដែលជាបញ្ហាត្រូវដោះស្រាយ។ ក្រៅពីនេះ គោលនយោបាយភូមិសាស្ត្រ ភាពច្នៃប្រឌិត សហគ្រិនភាព ពាណិជ្ជកម្ម និងកំណើនសេដ្ឋកិច្ចរួមបញ្ចូលគ្នា ក៏នឹងមាននៅក្នុងរបៀបវារៈ។
អាទិភាពអាស៊ានក្នុងបដិវត្តន៍ឧស្សាហកម្មទីបួន ធ្វើនៅថ្ងៃទី១២ ខែកញ្ញា ម៉ោង ១០ និង១៥នាទី - ១១ កន្លះ ម៉ោងក្នុងស្រុក។ អ្នកចូលរួមមាន លោកស្រី Aung San Suu Kyi ,លោក Rodrigo Roa Duterte ,សម្ដេច ហ៊ុន សែន, លោក Lee Hsien-Loong, លោក Mahathir bin Mohamad លោក Nguyen Xuan Phuc លោកThongloun Sisoulith និងលោក Joko Widodo។ មេដឹកនាំកំពូលទាំងនេះ នឹងពិភាគ្សាអំពីអនាគតនៃសេដ្ឋកិច្ច៕
ដោយ៖ សុម៉ាលីន
ប្រភព៖ weforum.org
