បាងកក ជាប់ជាទីក្រុងទាក់ទាញទេសចរបរទេស ច្រើនបំផុតលើពិភពលោក
ទីក្រុងបាងកក បានក្លាយជាកន្លែងទាក់ទាញភ្ញៀវបរទេស ច្រើនជាងគេបំផុតលើពិភពលោក ពោលគឺ ២០.០៥ លាននាក់។ នេះបើយោងតាម ការចុះផ្សាររបស់គេហទំព័រ Nationmultimedia ថ្ងៃទី០២ ខែតុលា ឆ្នាំ២០១៨នេះ។
ប្រភពដដែលបន្តថា ក្នុងចំណោមទេសចរបរទេសទាំងអស់ គឺភ្ញៀវមកពីទីក្រុងឡុងដុងប្រទេសអង់គ្លេសច្រើនជាងគេ ពោល ១៩.៨៣ លាននាក់ និងទីក្រុងប៉ារីសចំនួន ១៧.៤៤ លាននាក់។
ថ្វីបើប្រទេសថៃ តែងទទួលរងគ្រោះដោយទឹកជំនន់ ប៉ុន្តែទីក្រុងបាំងកក បានជាប់ចំណាត់ថ្នាក់ជាទីក្រុង មានទេសចរបរទេសទៅលេងច្រើនបំផុត រយៈពេល ៣ ឆ្នាំជាប់គ្នា។ ចំណែកទីក្រុងពីរផ្សេងទៀត គឺ ភូកេត និង ផាត់តាយ៉ា ជាប់ចំណាត់ថ្នាក់លេខ ១២ និង ១៨ លើពិភពលោក។
ចំណែកសិង្ហបុរី ជាប់លេខ ៥ ប៉ុន្តែបើនិយាយពីថវិកា ដែលបានមកពីទេសចរបរទេសវិញ ប្រទេសកូនកោះមួយនេះ ជាប់លេខ ៤ មាន ១៧.០២ ពាន់លានដុល្លារ ខណៈទីក្រុងបាងកក ជាប់លេខ ៥ មាន ១៦.៣៦ ពាន់លានដុល្លារ។
ដោយឡែកទីក្រុងឌូបៃ ប្រទេសអារ៉ាប់រួម រកចំណូលពីទេសចរបរទេសបាន ២៩.៧០ ជាប់លេខ ១ នៅលើភពលោក៕
ដោយ៖ សុវណ្ណមុនីលីតា
