ក្នុង​ការ​វិនិយោគ​​លើ​ទីផ្សារ​មូលបត្រ​ ភាគហ៊ុន ​បង្ហាញ​ពី​ប្រតិបត្ដិការនៃក្រុមហ៊ុនមួយ​ថា​តើ​ក្រុមហ៊ុន​មាន​លក្ខណៈ​យ៉ាង​ណា ឡើង ឬ​ចុះ ។ ការប្រែប្រួលរបស់​ភាគហ៊ុន​កើតមាន​ឡើង​រៀង​រាល់ថ្ងៃ សម្រាប់វិនិយោគិ​នដែលទើបនឹងឈាង​ជើងចូលក្នុងពិភពផ្សា​រហ៊ុន​មានភាពស្មុ​គ​ស្មាញច្រើនក្នុងការវិភាគជួញដូរភាគហ៊ុន។​ តើអ្វីទៅជាការវិភាគបច្ចេកទេស (Technical Analysis)? ការវិភាគដោយផ្អែកលើកត្ដាបច្ចេកទេស គឺជា​ការវិ​ភាគ​ដោយមើល​ទៅលើលំនាំ​នៃបំរែបំរួលថ្លៃ​របស់ហ៊ុននៅលើទី​ផ្សារដោយប្រើប្រាស់ក្រាហ្វិក ឬ​ខ្សែកោង សម្រាប់ធ្វើ​ការព្យាករណ៍ពី​តម្លៃ​របស់ភាគហ៊ុននៅពេលខាងមុខ។ តាមលំនាំនៃក្រាហ្វិក ឬ ខ្សែកោង​អាចឲ្យ​យើងដឹង​ថា​ពេល​ណាត្រូ​វ​ទិញ និង ពេលណាត្រូវលក់។ តើការវិភាគទៅលើកត្ដាបច្ចេកទេសដំណើរទៅដូចម្ដេច? ដោយប្រើទិន្នន័យថ្លៃភាគហ៊ុនចាស់យកមកវិភាគ។ ការវិភាគលើកត្ដាបច្ចេកទេសបានបង្ហាញពីតម្រូវការ(Demand) និង​ការផ្គត់ផ្គង់(Supply)របស់ភាគហ៊ុន ដែលធ្វើ​ឱ្យ​ថ្លៃហ៊ុនឡើងចុះ ឬ ប្រែប្រួល។ ការវិភាគបច្ចេកទេស(Technical Analysis)គឺជាការ តាមដានសកម្មភាពរបស់ភាគហ៊ុនដោយប្រើគំនូសតាង(Chart)និងសូចនាករផ្សេងៗដើម្បីបញ្ជាក់ពីតំបន់តម្លៃដែលមានការចាប់សន្ទុះ ខ្លាំងចំពោះទាំងការទិញនិងលក់។ ហេតុអ្វីត្រូវសិក្សារពីកត្ដាបច្ចេកទេស? គ្រប់វិនិយោគិនទាំងអស់ដែលធ្វើការវិនិយោគក្នុងផ្សារហ៊ុន ឬ វិនិយោគទៅ  លើឧបករណ៍ ហិរញ្ញវត្ថុផ្សេងៗ  ទៀតគួរតែសិក្សារ ពីការវិភាគបច្ចេកទេស យ៉ាងហោចណាស់ក៌ត្រឹម កម្រិតមូលដ្ឋាន ដែរ។  ការវិភាគ ទៅលើកត្ដា បច្ចេកទេសនឹង ជួយវិនិយោគិន​ឱ្យ​មាន​ពត៌មានច្រើនក្នុងការវិភាគ ទៅតម្លៃឡើងចុះរបស់ភាគហ៊ុនដើម្បីគ្រប់គ្រងហានិភ័យអោយកើតមានឡើងតិចតួចក្នុងពេលជួញដូរ៕

(ឧទាហរណ៍៖ CandleStick Chart រង់​ចាំ​តាមដាន​លម្អិត​អំពី Chart និង​ Tools មួយ​ចំនួន​ទៀត​ដែល​គេ​ប្រើ​ដើម្បី​វិភាគ​លើ​ផ្សារហ៊ុន)

ដោយ គឹម​ ច័ន្ទលាភ