ក្រុមហ៊ុនផ្សារមូលបត្ររបស់ប្រទេសឥណ្ឌូនេស៊ី ដែលអ្នកគួរស្វែងយល់
ប្រទេសឥណ្ឌូនេស៊ីជាប្រទេសមហាសេដ្ឋកិច្ចដែលធំជាងក្នុងតំបន់អាស៊ីអាគ្នេយ៍។ ចំណែកផ្សារមូលធនវិញមានតាំងពីមុនថ្ងៃប្រទេសឥណ្ឌូនេស៊ីទទួលបានឯករាជ្យពីប្រទេសហូឡង់ទៅទៀតគឺមានតាំងពីឆ្នាំ ១៩១២ មកម្លេះ។
ផ្សារហ៊ុនដំបូងបំផុតនៅប្រទេសឥណ្ឌូនេស៊ីបង្កើតក្នុងឆ្នាំ ១៩១២ ក្នុងសម័យអាណានិគមហូឡង់។ នៅក្នុងពេលនោះផ្សារមូលធនរបស់ឥណ្ឌូនេស៊ីរីកចម្រើនបន្ដិចម្ដងៗគួរអោយកត់សម្គាល់ ទោះបីជាត្រូវមិនដំណើរការមួយរយៈដែលស្ថិតនៅក្នុងស្ថានភាព សង្គ្រាមលោក និង បញ្ហានយោបាយដែលរដ្ឋាភិបាលហូឡង់ផ្លាស់ប្ដូរសិទ្ធទៅឲ្យរដ្ឋាភិបាលឥណ្ឌូនេស៊ីវិញ។ យ៉ាងណាក៏ដោយក៏ផ្សារហ៊ុនមួយនេះនៅតែអាចដំណើរការបានដដែល។
នៅក្នុងឆ្នាំ ១៩៧៧ រដ្ឋាភិបាលឥណ្ឌូនេស៊ីបានធ្វើអោយផ្សារហ៊ុនដើរសារជាថ្មី ហើយបានរីកលូតលាស់យ៉ាងឆាប់រហ័សតាំងពីពេលនោះមកជាមួយនឹងការគាំទ្រ ការលើកទឹកចិត្ត និងបទប្បញ្ញត្តិដែលចេញដោយរដ្ឋាភិបាល។
ផ្សារហ៊ុនឥណ្ឌូនេស៊ីមានក្រុមហ៊ុនចុះបញ្ចីចំនួនប្រមាណ ៥៦៧ ក្រុមហ៊ុនបើតាមទិន្នន័យដែលចេញផ្សាយកាលពី ខែធ្នូ ឆ្នាំ២០១៧។
ម៉ោងជួញដូរនៅផ្សារហ៊ុនឥណ្ឌូនេស៊ីបែងចែកចេញជា ២ ដំណាក់កាល៖
ថ្ងៃចន្ទ ដល់ ព្រហស្បតិ៍
វគ្គទី ១ ចាប់ផ្ដើមពីម៉ោង ៩:៣០ព្រឹក ដល់ ១២:០០ថ្ងៃត្រង់
វគ្គទី ២ ចាប់ផ្ដើមពីម៉ោង ១៣:៣០ ថ្ងៃត្រង់ ដល់ ១៦:០០ល្ងាច
ថ្ងៃសុក្រ
វគ្គទី ១ ចាប់ផ្ដើមពីម៉ោង ៩:៣០ព្រឹក ដល់ ១១:៣០ថ្ងៃត្រង់
វគ្គទី ២ ចាប់ផ្ដើមពីម៉ោង ១៤:០០ ថ្ងៃត្រង់ ដល់ ១៦:០០ល្ងាច
ផ្សារហ៊ុនឥណ្ឌូនេស៊ីមានការវិនិយោគមូលបត្រដូចជា៖
- មូលបត្រកម្មសិទ្ធ
- មូលបត្របំណុល
- ឧបករណ៍និស្សន្ទ៍
- សន្ទស្សន៍
- Mutual Fund
- Exchange Trade Fund។
