សុកចិត្តចំណាយថវិការផ្ទាល់ខ្លួនជាង ៨០០ដុល្លារក្នុងមួយខែ ផ្គត់ផ្គង់មជ្ឈមណ្ឌលបង្រៀនសិស្សឥតគិតថ្លៃនៅស្វាយរៀង
លោក មៃ ទិត្យថារ៉ា ការីនិពន្ធព័ត៌មានជាតិនៃកាសែត Khmer Times បានចំណាយថវិការផ្ទាល់ខ្លួនរបស់លោក រហូតជាង ៨០០ដុល្លារក្នុងមួយខែ ដែលជាប្រាក់ខែសន្សំដោយការងារជាការីនិពន្ធ និងការបំពេញការងារជាបុគ្គលិកក្រៅម៉ោង Freelance នានា ដើម្បីទុកសម្រាប់ចំណាយដល់ការផ្គត់ផ្គង់ទាំងអស់ ក្នុងមជ្ឈមណ្ឌលភាសាបរទេសតាគិន ដែលលោកបង្កើតឡើងដោយផ្ទាល់សម្រាប់ជួយផ្ដល់ចំណេះដឹងបន្ថែមដល់ក្មេងៗ ដែលមានទីតាំងស្ថិតនៅ កណ្ដាលក្រុងស្វាយរៀង។
លោក ទិត្យថារ៉ា បានលើកឡើងថា កាលពីបង្កើតសាលាដំបូង គាត់ត្រូវចំណាយថវិការរហូតដល់ជាង ១ពាន់ដុល្លារឯណោះក្នុងមួយខែសម្រាប់ការចំណាយផ្សេងៗក្នុងសាលា ប៉ុន្តែបច្ចុប្បន្នការចំណាយធ្លាក់មកនៅថេរត្រឹមតែជាង ៨០០ដុល្លារទៅ៩០០ដុល្លារក្នុងមួយខែ ដែលទាំងអស់នេះ សុទ្ធសឹងតែជាថវិកាផ្ទាល់របស់លោកផ្ទាល់តែម្ដង។
លោកបានបន្តថា កាលពីចាប់ផ្ដើមដំបូងលោកមានគំនិតចង់រកមនុស្សឲ្យបាន ១០០នាក់ដើម្បីជួួយគាំទ្រផ្នែកថវិកា ព្រោះលោកគិតថា បើម្នាក់ត្រឹម ៥ដុល្លារ ក៏អាចបាន ៥០០ដុល្លារដែរក្នុងមួយខែ។ ដោយសារតែលោក មានមិត្តភក្ដិជាអ្នកកាសែតច្រើន ពួកគាត់បានជួយក្នុងមួយខែ ទទួលបានប្រាក់ពី ១០០ទៅ ១៥០ដុល្លាដែរ ប៉ុន្តែរយៈពេល៣ទៅ៤ខែក្រោយក៏សាបរលាបអស់ទៅ។ រយៈពេលប៉ុន្មានឆ្នាំចុងក្រោយមកនេះ លោកបានខំប្រឹងប្រែងបន្តធ្វើតែម្នាក់ឯងរហូតមកដល់ពេលនេះ។
ការីនិពន្ធព័ត៌មានជាតិនៃកាសែត Khmer Times និងជាគ្រូបណ្ដុះបណ្ដាលផ្នែកសារព័ត៌មាននៅមហាវិទ្យាល័យប្រព័ន្ធផ្សព្វផ្សាយនៃសាកលវិទ្យាល័យកម្ពុជារូបនេះ បានលើកឡើងថា មជ្ឈមណ្ឌលភាសាបរទេសតាគិនបង្កើតឡើងដោយសារតែ នៅគ្រាមួយដែលលោកកំពុងធ្វើការនៅកាសែតភ្នំពេញបុស្ដិ៍ លោកបានចុះទៅធ្វើបទយកការណ៍មួយនៅស្រុកកំពង់រោរិ៍ ខេត្តស្វាយរៀង ហើយលោកបានប្រទះឃើញក្មេងមួយក្រុមហើយលោកក៏បានដើរតាមក្មេងៗដែលធ្វើដំណើរទៅលក់ឆ្នោតនៅទីក្រុង ហូជីមិញ ប្រទេសវៀតណាម។ លោកសង្កេតឃើញថា ក្មេងៗទាំងនោះនៅពេលយប់ត្រូវប្រឈមនឹងការធ្វើបាបពីពួកបងធំបងតូច ដូច្នេះលោកក៏រកនឹកវិធីដើម្បីទប់ស្កាត់ក្មេងៗជំនាន់ក្រោយកុំឲ្យប្រឈមនឹងបញ្ហាទាំងនោះ។
លោក ថារ៉ា មានប្រសាសន៍ដូច្នេះថា ៖"បើ សិនជាខ្ញុំឲ្យអង្ករ នោះពួកគាត់ហូបបានពីរថ្ងៃហ្នឹងអស់ហើយ ប៉ុន្តែបើយើងឲ្យជាចំណេះដឹង ខ្ញុំគិតថា ថ្ងៃអនាគតគ្រួសាររបស់គាត់នឹងមានការផ្លាស់ប្ដូរ ដូច្នេះខ្ញុំគិតរយៈពេល២ ទៅ៣ ឆ្នាំខ្ញុំក៏សម្រេចចិត្តបើកសាលានេះឡើងតែម្ដង"។
ក្រៅអំពីការបង្កើតសាលាដើម្បីជួយដល់សង្គម លោកថារ៉ា ក៏មានបំណងចង់ជួយអ្នកដែលមិនអាចរៀនកើត តាមរយៈការទិញម៉ាស៊ីនដេរដើម្បីឲ្យពួកគាត់រៀនជួសជុលម៉ាស៊ីន ដើម្បីឱ្យថ្ងៃអនាគតពួកគាត់អាចធ្វើជាជាងជួសជុលម៉ាស៊ីននៅរោងចក្រ អាចទទួលបានប្រាក់ខែគួសម ដូច្នេះយូរទៅក្មេងៗដែលបំពុលសង្គមនឹងលែងមានទៀត។
គួរបញ្ជាក់ផងដែរថា មជ្ឈមណ្ឌលភាសាបរទេសតាគិនមានទីតាំងស្ថិតនៅក្នុង ភូមិគយត្របែក ឃុំគយត្របែក ស្រុកស្វាយរៀង ខេត្តស្វាយរៀង បានដំណើរការតាំងពី ខែវិច្ឆិកា ឆ្នាំ២០១៤ នឹងទទួលបានអជ្ញាប័ណ្ណពីមន្ទីអប់រំនៅឆ្នាំ២០១៥ ដែលបច្ចុប្បន្នមានសិស្សកំពុងសិក្សាប្រមាណជាង ២០០នាក់ និងគ្រូចំនួន ៦នាក់ ដោយក្នុងនោះសាលាមានភាសាអង់គ្លេស២ថ្នាក់ មានថ្នាក់កុំព្យូទ័រអ៊ីនធឺណេត និងបណ្ណាល័យមួយ៕
អត្ថបទ៖ ជួប ស្រីរ័ត្ន
លោក ទិត្យថារ៉ា បានលើកឡើងថា កាលពីបង្កើតសាលាដំបូង គាត់ត្រូវចំណាយថវិការរហូតដល់ជាង ១ពាន់ដុល្លារឯណោះក្នុងមួយខែសម្រាប់ការចំណាយផ្សេងៗក្នុងសាលា ប៉ុន្តែបច្ចុប្បន្នការចំណាយធ្លាក់មកនៅថេរត្រឹមតែជាង ៨០០ដុល្លារទៅ៩០០ដុល្លារក្នុងមួយខែ ដែលទាំងអស់នេះ សុទ្ធសឹងតែជាថវិកាផ្ទាល់របស់លោកផ្ទាល់តែម្ដង។
លោកបានបន្តថា កាលពីចាប់ផ្ដើមដំបូងលោកមានគំនិតចង់រកមនុស្សឲ្យបាន ១០០នាក់ដើម្បីជួួយគាំទ្រផ្នែកថវិកា ព្រោះលោកគិតថា បើម្នាក់ត្រឹម ៥ដុល្លារ ក៏អាចបាន ៥០០ដុល្លារដែរក្នុងមួយខែ។ ដោយសារតែលោក មានមិត្តភក្ដិជាអ្នកកាសែតច្រើន ពួកគាត់បានជួយក្នុងមួយខែ ទទួលបានប្រាក់ពី ១០០ទៅ ១៥០ដុល្លាដែរ ប៉ុន្តែរយៈពេល៣ទៅ៤ខែក្រោយក៏សាបរលាបអស់ទៅ។ រយៈពេលប៉ុន្មានឆ្នាំចុងក្រោយមកនេះ លោកបានខំប្រឹងប្រែងបន្តធ្វើតែម្នាក់ឯងរហូតមកដល់ពេលនេះ។
ការីនិពន្ធព័ត៌មានជាតិនៃកាសែត Khmer Times និងជាគ្រូបណ្ដុះបណ្ដាលផ្នែកសារព័ត៌មាននៅមហាវិទ្យាល័យប្រព័ន្ធផ្សព្វផ្សាយនៃសាកលវិទ្យាល័យកម្ពុជារូបនេះ បានលើកឡើងថា មជ្ឈមណ្ឌលភាសាបរទេសតាគិនបង្កើតឡើងដោយសារតែ នៅគ្រាមួយដែលលោកកំពុងធ្វើការនៅកាសែតភ្នំពេញបុស្ដិ៍ លោកបានចុះទៅធ្វើបទយកការណ៍មួយនៅស្រុកកំពង់រោរិ៍ ខេត្តស្វាយរៀង ហើយលោកបានប្រទះឃើញក្មេងមួយក្រុមហើយលោកក៏បានដើរតាមក្មេងៗដែលធ្វើដំណើរទៅលក់ឆ្នោតនៅទីក្រុង ហូជីមិញ ប្រទេសវៀតណាម។ លោកសង្កេតឃើញថា ក្មេងៗទាំងនោះនៅពេលយប់ត្រូវប្រឈមនឹងការធ្វើបាបពីពួកបងធំបងតូច ដូច្នេះលោកក៏រកនឹកវិធីដើម្បីទប់ស្កាត់ក្មេងៗជំនាន់ក្រោយកុំឲ្យប្រឈមនឹងបញ្ហាទាំងនោះ។
លោក ថារ៉ា មានប្រសាសន៍ដូច្នេះថា ៖"បើ សិនជាខ្ញុំឲ្យអង្ករ នោះពួកគាត់ហូបបានពីរថ្ងៃហ្នឹងអស់ហើយ ប៉ុន្តែបើយើងឲ្យជាចំណេះដឹង ខ្ញុំគិតថា ថ្ងៃអនាគតគ្រួសាររបស់គាត់នឹងមានការផ្លាស់ប្ដូរ ដូច្នេះខ្ញុំគិតរយៈពេល២ ទៅ៣ ឆ្នាំខ្ញុំក៏សម្រេចចិត្តបើកសាលានេះឡើងតែម្ដង"។
ក្រៅអំពីការបង្កើតសាលាដើម្បីជួយដល់សង្គម លោកថារ៉ា ក៏មានបំណងចង់ជួយអ្នកដែលមិនអាចរៀនកើត តាមរយៈការទិញម៉ាស៊ីនដេរដើម្បីឲ្យពួកគាត់រៀនជួសជុលម៉ាស៊ីន ដើម្បីឱ្យថ្ងៃអនាគតពួកគាត់អាចធ្វើជាជាងជួសជុលម៉ាស៊ីននៅរោងចក្រ អាចទទួលបានប្រាក់ខែគួសម ដូច្នេះយូរទៅក្មេងៗដែលបំពុលសង្គមនឹងលែងមានទៀត។
គួរបញ្ជាក់ផងដែរថា មជ្ឈមណ្ឌលភាសាបរទេសតាគិនមានទីតាំងស្ថិតនៅក្នុង ភូមិគយត្របែក ឃុំគយត្របែក ស្រុកស្វាយរៀង ខេត្តស្វាយរៀង បានដំណើរការតាំងពី ខែវិច្ឆិកា ឆ្នាំ២០១៤ នឹងទទួលបានអជ្ញាប័ណ្ណពីមន្ទីអប់រំនៅឆ្នាំ២០១៥ ដែលបច្ចុប្បន្នមានសិស្សកំពុងសិក្សាប្រមាណជាង ២០០នាក់ និងគ្រូចំនួន ៦នាក់ ដោយក្នុងនោះសាលាមានភាសាអង់គ្លេស២ថ្នាក់ មានថ្នាក់កុំព្យូទ័រអ៊ីនធឺណេត និងបណ្ណាល័យមួយ៕
