តម្លៃប្រេងឥន្ទនៈបន្តចុះថ្លៃសម្រាប់ខែថ្មីនេះ
យោងតាមការចេញផ្សាយតាមរយៈហ្វេសប៊ុកផេកផ្លូវការរបស់ក្រសួងពាណិជ្ជកម្ម នៅថ្ងៃទី០៣ ខែធ្នូ ឆ្នាំ២០១៨នេះ បានបង្ហាញតារាងទិន្នន័យតម្លៃប្រេងឥន្ទនៈសម្រាប់អនុវត្ត នៅក្នុងខែធ្នូនេះ ដែលនឹងចុះមកត្រឹម ៣៤៥០រៀល/លីត្រ សម្រាប់សាំងធម្មតា EA92 និង ៣៥០០រៀល/លីត្រ សម្រាប់ប្រេងម៉ាស៊ូត ដែលនឹងត្រូវអនុវត្តចាប់ពីថ្ងៃទី០១ ដល់ថ្ងៃទី១៥ ខែធ្នូ។
គួរបញ្ជាក់ផងដែរថា តម្លៃប្រេងឥន្ទនៈកាលពីខែវិច្ឆិកាកន្លងទៅ គឺមានតម្លៃ ៣៦៥០រៀល/លីត្រ សម្រាប់សាំងធម្មតា EA92 និង ៣៨០០រៀល/លីត្រ សម្រាប់ប្រេងម៉ាស៊ូត៕
