តើផ្សារមូលបត្រប្រទេសជប៉ុនជាប់ចំណាត់ថ្នាក់លេខប៉ុន្មានក្នុងទ្វីប​អាស៊ី?​



ប្រទេសជប៉ុនជាប្រទេសមួយដែលមានប្រព័ន្ធការអប់រំ​ខ្ពស់​​ ជាប្រទេសមួយសម្បូរទៅដោយប្រជាជនដែលមានចំណេះដឹង ​និយាយ​ឱ្យ​ខ្លាំង​គឺ​មូលធន​បញ្ញា​សម្បូរបែប។ ប្រទេសជប៉ុនជាប្រទេសដែលមានការអភិវឌ្ឍខ្ពស់ជាមួយការរស់មួយប្រកបដោយស្ដង់ដារខ្ពស់។ប្រទេសជប៉ុនទទួលបានល្បីល្បាញនិងរីកចម្រើនខ្លាំងដោយសារ​ឧស្សាហកម្មធុនធ្ងន់ជា​ពិសេស​ឧស្សាហកម្ម​រថយន្ត​ វិស័យភាពយន្ដប្រវត្តិសាស្រ្ដ មហោស្រពតន្រ្ដី វីដេអូហ្គេម អាហារដ៏សម្បូរបែប និង​ការរួមចំណែកយ៉ាងសំខាន់ក្នុង វិស័យវិទ្យាសាស្រ្ដ និង​បច្ចេកវិទ្យា។ ជប៉ុនទទួលបានចំណាត់លេខរៀងទី ៣៤ ក្នុងចំណោម ១៩០ ប្រទេស​ប្រចាំឆ្នាំ២០១៨​ ជាប្រទេសមួយមានសន្ទុះនៃការធ្វើអាជីវកម្ម​ ​និង  ជាប្រទេសមួយដែលមានអត្រាពន្ធដារតិចជាងគេបំផុតក្នុងចំណោមប្រទេសអភិវឌ្ឍក្នុងសកលោក។ ក្រុមហ៊ុនដែលមានឈ្មោះល្បីល្បាញក្នុងសកលលោកដែលបង្កើតឡើងក្នុងប្រទេសប្រទេសជប៉ុនមានដូចជា ក្រុមហ៊ុន Toyota, Honda, Canon, Nissan,  Sony, Mitsubishi UF J, Panasonic, Uniqlo, Lexus, Subara, Nitendo, Bridgestone, Masda, Suzuki និង​ក្រុមហ៊ុន​ជា​ច្រើន​រាប់​សិប​ទៀត។ ចំពោះវិស័យមូលបត្រវិញ ប្រទេសជប៉ុនជាប់ចំណាត់ថ្នាក់លេខ ៣ ក្នុងសកល ដែលជាផ្សារមូលបត្រធំជាង​គេក្នុងចំណោមផ្សារមូលបត្រធំៗទាំង ៧៩​ និងធំជាងគេក្នុងទ្វីបអាស៊ី​ ដែលមានមូលធនទីផ្សារចំនួន ៥.៦១ទ្រីលានដុល្លារសហរដ្ឋ​អាមេរិកក្នុងខែមីនា ឆ្នាំ២០១៨ ។ ផ្សារមូលបត្រជប៉ុនជាផ្សារមូលបត្រ ដែលធំជាងគេក្នុងប្រទេសជប៉ុនដែលមានឈ្មោះថាផ្សាមូលបត្រតូក្យូ ស្ថិតនៅទីក្រុងតក្យូនៃប្រទេសជប៉ុន។ ផ្សារមូលបត្រ​នេះ​ ត្រូវ​បាន​បង្កើតឡើងនៅថ្ងៃទី ១៥ ខែ ឧសភា ឆ្នាំ១៨៧៨។ សព្វថ្ងៃក្រុមហ៊ុនដែលចុះបញ្ជីក្នុងផ្សារមូលបត្រតូក្យូមានប្រមាណជាង ៣៥០០ ក្រុមហ៊ុន គិតត្រឹមខែមេសា​ឆ្នាំ ២០១៨ ។ សរុបមកវិញប្រទេសជប៉ុនជាប្រទេសដែលមានភាពរីកចម្រើនខ្លាំងមិនថាវិស័យសេដ្ឋកិច្ច ឬ វិស័យបច្ចេកវិទ្យាឡើយ រួមផ្សំជាមួយនិង​ប្រព័ន្ធអប់រំប្រកប​ដោយគុណភាពខ្ពស់​។ ចំពោះវិស័យមូលបត្រ​វិញគឺជាផ្សារមូលបត្រដែលធំជាងគេក្នុងទ្វីបអាស៊ីនឹងទទួលបានក្រុមហ៊ុនធំៗមកចុះបញ្ជីក្នុងផ្សារមូលបត្របន្ដបន្ទាប់​ ដែលជាផ្នែកមួយជួយជំរុញសេដ្ឋកិច្ចប្រទេសមួយនេះកាន់តែរីកចម្រើនថែមទៀត៕ ដោយ៖ គឹម ច័ន្ទលាភ ប្រពភ៖ Tokyo Stock Exchange និង Stockmarketclock   
X
5s