តើអ្វីជាទិន្នផលភាគលាភ (Divided Yield) ក្នុងផ្សារហ៊ុន?
ទិន្នផលភាគលាភ ឬហៅថា Dividend Yield គឺជាការបង្ហាញពីផលធៀបនៃអនុបាតហិរញ្ញវត្ថុសម្រាប់ក្រុមហ៊ុនមួយ (ភាគលាភ ធៀបនឹង ភាគហ៊ុន) ដែលអាចបង្ហាញថា ក្រុមហ៊ុនធ្វើការទូទាត់ ឬបែងចែកភាគលាភប៉ុន្មានភាគរយនៃតម្លៃហ៊ុនរបស់ខ្លួន។
ទិន្នផលភាគលាភ នឹងកើនឡើងនៅពេលតម្លៃភាគហ៊ុនធ្លាក់ចុះ ហើយនៅពេលដែលទិន្នផលភាគលាភធ្លាក់ចុះ តម្លៃភាគហ៊ុនកើនឡើង។ ក្រុមហ៊ុនតូចៗ ឬ ក្រុមហ៊ុនថ្មីដែលនឹងចាប់ផ្ដើមដំបូងមានទិន្នផលភាគលាភទាបជាងក្រុមហ៊ុនធំៗដែលមានវិស័យដូចគ្នា។
ទិន្នផលភាគលាភខ្ពស់ផ្ដល់ប្រាក់ចំណូល ឲ្យវិនិយោគិនច្រើនប៉ុន្ដែវាក៏មានហានិភ័យ ចំពោះវិនិយោគិនដូចគ្នាដែរ។ ផ្ទុយមកវិញ ប្រសិនបើទិន្នផលភាគលាភទាបផ្ដល់ប្រាក់ចំណូលទាប ប៉ុន្ដែវាមានហានិភ័យតិច នឹងបញ្ជាក់ថា ក្រុមហ៊ុននោះមានស្ថេរភាពល្អ៕
