ចំណុចទាំង៤ នេះដែលអ្នកគួរធ្វើនៅពេលតម្លៃហ៊ុនធ្លាក់ចុះ
អ្នកដឹងហើយថាតម្លៃហ៊ុនក្នុងផ្សារហ៊ុន ឬផ្សារមូលបត្រមានពេលឡើង មានពេលចុះ។ ប៉ុន្តែនេះមិនមែនជារឿងចម្លែកនោះទេ ពីព្រោះភាគហ៊ុនរបស់ក្រុមហ៊ុនមួយអាចឡើងឬធ្លាក់ចុះជារឿងធម្មតា។ ខាងក្រោមនេះគឺជាគន្លឹះទាំង ៤ចំណុចដែលអ្នកគួរធ្វើនៅពេលភាគហ៊ុនធ្លាក់ចុះ៖
១) កុំភ័យស្លន់ស្លោរ ពេលដែលតម្លៃនៃភាគហ៊ុនធ្លាក់ចុះអ្វីដែលវិនិយោគិនមួយចំនួនធ្វើតែងតែស្លន់ស្លោរនឹងតម្លៃហ៊ុន ដោយព្យាយាមលក់ហ៊ុនទាំងអស់ដែលខ្លួនមានចេញទោះបីជាខាតប៉ុណ្ណាក៏ដោយ។ ដូចអ្វីដែលបាននិយាយម្ដងហើយម្ដងទៀតការឡើងចុះរបស់ហ៊ុនតែងតែកើតមានឡើងជានិច្ចក្នុងផ្សារមូលបត្រ។ បើសិនជាអ្នកលក់ហ៊ុនរបស់អ្នកក្នុងអំឡុងពេលហ៊ុនកំពុងធ្លាក់ចុះ នោះអ្នកប្រាកដជាខាត។ ដូចពាក្យគេនិយាយថា ទិញទាបលក់ថ្លៃ។
២) អត់ធ្មត់ លោក ផីល ថោន អ្នកគ្រប់គ្រងខាងគម្រោងវិនិយោគរួម និងជាអ្នកនិពន្ធសៀវភៅ ៣ក្បាលអំពីការវិនិយោគដែលលក់ដាច់បំផុតនៅ New Yrok Times បានលើកឡើងពីការវិនិយោគរបស់លោកថា អ្នកមិនអាចវិនិយោគដូចអ្វីដែលលោកវិនិយោគទេ ហើយលោកនឹងបង្រៀនអ្នកអំពីការវិនិយោគនោះ។ ប្រសិនជាអ្នក okay នឹងការអង្កុយកាន់ហ៊ុនឬលុយរបស់អ្នកទុក និងមានភាពអត់ធ្មត់ក្នុងខ្លួន។ ការអង្គុយកាន់លុយមានន័យថាអ្នករក្សារទុកលុយរបស់អ្នកនៅក្នុងគណនីជួញដូរមួយរយៈពេល។ បើសិនជាអ្នកព្រមធ្វើបែបនេះមួយរយៈពេល ដើម្បីរង់ចាំពេលដែលតម្លៃហ៊ុនមួយនោះអាចនឹងឡើងមកវិញ។ អ្នកត្រូវចាំថាតម្លៃហ៊ុនមួយវាអាចធ្លាក់រហូតនោះទេ ថ្ងៃណាមួយវាអាចនឹងឡើងមកជាក់ជាមិនខាន។
៣) ត្រៀមខ្លួនក្នុងពេលហ៊ុនឡើងថ្លៃមកវិញ ពេលដែលហ៊ុនធ្លាក់ចុះជាពេលមួយដែលអ្នកអាចសិក្សារស្វែងយល់ក្រុមហ៊ុនទាំងនោះបន្ថែមទៀត។ ក្នុងឃ្លានេះមានន័យថាអ្នកអាចរកឃើញ និងសិក្សារចំនុចចំនួនរបស់ក្រុមហ៊ុនដែលអាចធ្វើអោយតម្លៃភាគកើនឡើងវិញបាន។
៤) កុំលោភលន់ នេះជាចំនុចមួយដែលអាចធ្វើឲ្យវិនិយោគិនពិតប្រាកដទទួលបានផលចំណេញត្រលប់មកគួរសម។ ស្របពេលដែលវិនិយោគិន មួយចំនួន មិនអាចធ្វើបាន។ ពួកគេមិនអាចអង្គុយកាន់ហ៊ុនដែលធ្លាក់ពេញមួយឆ្នាំបានទេ ពួកគេនឹងលក់វាចេញទោះបីជាត្រូវខាតក៏ដោយ។ នេះជាចំនុចមួយដែលវិនិយោគិនពិតប្រាកដអាចធ្វើបានអំឡុងពេលដែលអ្នកទាំងអស់នោះមិនអាចធ្វើអ្វីបាន។
អ្នកគួរតែយកពេលរបស់អ្នកក្នុងពេលនោះមកសិក្សាស្វែងយល់ពីក្រុមហ៊ុនផ្សេងទៀតនៅក្នុងផ្សារមូលបត្រថាតើក្រុមហ៊ុនមួយណាដែលល្អក្នុងការទិញហ៊ុន ដូចនេះនៅពេលឱកាសមកដល់វាជាពេលវេលាមួយសម្រាប់អ្នកវិញហើយ៕
ដោយ៖ ច័ន្ទលាភ
ប្រភព៖ Investopedia&Rule on investing
