ពិតជាមិនធ្លាប់មានមែន! ក្រុងមួយនៅអ៊ីតាលីលក់ផ្ទះតម្លៃថោកជាងកាហ្វេ ១កែវផង
ស្ដាប់មើលទៅគឺជារឿងចម្លែកដែលមិនអាចកើតឡើងបាននោះទេ តែតាមពិតវាកើតរួចទៅហើយ។ ទីក្រុង Sambuca ដែលស្ថិតនៅភាគខាងត្បូងនៃប្រទេសអ៊ីតាលី បានដាក់លក់ផ្ទះមួយចំនួនក្នុងតម្លៃតែ ១អឺរ៉ូ ប៉ុណ្ណោះ។ នេះបើយោងតាមការចុះផ្សាយរបស់ CNN Travel។
ការកំណត់តម្លៃទីផ្សារដែលគេអាចនិយាយបានថា ជាការកំណត់តម្លៃដ៏ឆ្កួតលីលា គឺធ្វើឡើងដើម្បីកែប្រែសហគមន៍នៅទីក្រុងនេះដែលប្រជាជនភាគច្រើនបានចាកចេញទៅរស់នៅនៅក្នុងទីក្រុងធំៗអស់។
លោក Giuseppe Cacioppo អភិបាលក្រុងរងដែលទទួលបន្ទុកកិច្ចការទេសចរណ៍ផងដែរនោះបានលើកឡើងថា «ដើម្បីទប់ទល់ជាមួយនឹងក្រុងផ្សេងទៀតដែលកម្របង្កើតយុទ្ធនាការបែបនេះ ខាងសាលាក្រុងគឺជាម្ចាស់កម្មសិទ្ធិអគារទាំងអស់ដែលកំពុងដាក់លក់ក្នុងតម្លៃតែ ១អឺរ៉ូ»។ រឿងដែលអស់សំណើចនោះគឺថា ម្ចាស់ផ្ទះថ្មីត្រូវប្ដេជ្ញាកែលម្អផ្ទះនោះដែលមានទំហំ ៤០ ទៅ ១៥០ម៉ែត្រការ៉េក្នុងរយៈពេល ៣ឆ្នាំ ហើយតម្លៃនៃការកែលម្អនោះ គឺចាប់ពី ១៧ ២០០ដុល្លារឡើងទៅ៕
