គ្រប់​ការងារ គ្រប់​អាជីព​សុទ្ធ​តែ​ផ្តល់​ប្រាក់ចំណូលដល់អ្នកទាំងអស់គ្នា តែ​ក្នុង​ពេល​បច្ចុប្បន្ននេះគេ​សង្កេត​ឃើញ​ថាអាជីព ៥ ដែល​កំពុងផ្តល់ចំណូល​​ជា​ច្រើនក្នុងប្រទេសថៃ ​ដែលលោកអ្នកអា​ច​ពិចារណា​បាន​។ ខាងក្រោមនេះគឺជាអាជីពទាំង ៥ ដែលធ្វើឲ្យអ្នកអាចរកចំណូលបាន១លានបាតក្នុងមួយខែ÷

១) ធ្វើជា​ម្ចាស់អាជីវកម្ម Franchise

ការ​ធ្វើ​ជា​ម្ចាស់​អាជីវកម្ម​ទិញ​សិទ្ធិគឺ​អាចទទួល​បាន​ចំនូល​ខ្ពស់​​ ព្រោះ​អាជីវកម្ម​ប្រភេទ​នេះ​កំពុង​ទទួល​ការ​ពេញ​និយម​ខ្លាំង​នៅ​ក្នុង​ប្រទេស​ថៃ ជាហេតុ​នាំ​ឲ្យ​ម្ចាស់​អាជីវកម្ម​ទទួល​បាន​ប្រាក់​ចំនូល​ខ្ពស់ពី​ការ​លក់។

2) ធ្វើជាម្ចាស់​យីហោគ្រឿងសម្អាង

ពិសេស​តារាៗថៃ ​ដែល​កំពុង​ប្រមូល​កើប​ប្រាក់​ពី​ការលក់និង​ធ្វើជា​ម្ចាស់​​ផលិត​ផលគ្រឿង​សម្អាង​របស់​គេ ដោយ​សារ​គេ​ត្រូវ​ចេញ​ទៅ​សម្តែង​ស្រាប់ ការឃោសនាក៏​ទទួល​បាន​ការ​គាំទ្រខ្លាំង​ និយាយ​ឲ្យ​ចំគឺ​លក់​ដាច់​តែ​ម្តង។

៣) អ្នក​និយាយ ឬពិធីករ

អាជីព​ជា​ពិធីករជាអាជីព​មួយ​ដែល​មិន​ចំណាយ​ដើម​ទុន​ គឺប្រើ​ខួរ​ក្បាល​គិត និង​មាត់​ដើម្បី​និយាយ​តែ​ម្តង។ ភាពឈ្លាសវៃ ប៉ិន​ប្រសព្វ​និយាយ ចេះ​ភាសា​ច្រើន និង​បត់​បែន​ខ្ពស់​នាំឲ្យ​ពិធី​ករទទួល​ប្រជាប្រិយភាព​និង​ប្រាក់​ចំនូល​កាន់​តែ​ច្រើន។

៤) អាជីវកម្ម​ Startup

អាជីវកម្ម​ចាប់​ផ្តើម​ថ្មី​កំពុង​ទទួល​ការ​ចាប់​អារម្មណ៍​ព្រោះ ជា​ការ​បង្កើតថ្មីនៃ​ផលិត​ផលឬសេវាកម្ម។ ដូចដែល​បាន​ដឹង​រួច​មក​ហើយ​ថា​ជនជាតិ​ថៃបច្ចុប្បន្ន​ចូល​ចិត្ត​សាក​ល្បង​អ្វី​ថ្មីៗ ជាហេតុ​នាំ​ឲ្យអាជីវកម្ម​មួយ​នេះ​ទទួល​បាន​ប្រាក់​ចំនូល​ច្រើន។

៥) អ្នក​លក់​ផលិត​ផល Online

ជនជាតិ​ថៃ​និយម​ការលក់​ផលិត​ផលតាម online ហើយ​ក៏​និយម​ទិញ​ផលិតផល​ online ដូចគ្នា។

ដោយ៖ យ៉ាយ៉ា

ប្រភព៖  YouTube Smart SME TV​