ការរៀបចំផ្ទះខុសស្ដង់ដារធ្វើឲ្យអ្នកងាយប្រឈមមុខនឹងការប៉ះពាល់ដល់សតិអារម្មណ៍
តើអ្នកតែងមានអារម្មណ៍ ធុញទ្រាន់ខ្លាំងទៅៗទេពេលនៅក្នុងបន្ទប់ម្នាក់ឯងដែរទេ? តើមូលហេតុអ្វីបានជាផ្ទះរបស់អ្នក បង្កើតអារម្មណ៍តប់ប្រមល់ដល់អ្នកបាន? តាមពិតទៅ ការឌីហ្សាញ ក៏ដូចជាការលាបពណ៌ផ្ទះ គឺត្រូវសម្រិតសម្រាំងខ្លាំងណាស់មុននឹងចាប់ផ្ដើមសាងសង់ផ្ទះ ដោយសារតែវាជាកន្លែងដែលអ្នករស់នៅជ្រកពួនសឹងតែរាល់ថ្ងៃខានមិនបាន។ កាលណាអ្នករៀបចំផ្ទះខុសគឺវានឹងមកប៉ះពាល់ដល់សតិអារម្មណ៍របស់អ្នក ជាមិនខាន។ នេះគឺជាសញ្ញាបង្ហាញថា ហេតុអ្វីផ្ទះ របស់អ្នកធ្វើឲ្យអ្នកមានអារម្មណ៍តប់ប្រមល់?
១) ការឌីហ្សាយរបស់ផ្ទះខុសស្តង់ដារ៖ តើខុសស្តង់ដារដូចម្ដេចខ្លះ? ខុសស្តង់ដារគឺមានដូចជា មិនសូវមានខ្យល់អាកាសចេញចូលគ្រប់គ្រាន់, ផ្ទះ រួមទាំងបន្ទប់មានក្លិនមិនល្អ បរិសុទ្ធ, ងងឹត, មិនមានអនាម័យ, និងគ្រឿងសង្ហារឹមមិនគ្រប់ស្តង់ដារជាដើម។ ទាំងនេះគឺជាមូលហេតុ ចម្បង ដែលនឹងបណ្ដាលឲ្យអ្នកមានអារម្មណ៍មិនល្អ តប់ប្រមល់គ្រប់ពេលនៅផ្ទះ។
២) អ្នកមិនផ្ដោតលើភ្លើងពណ៌ក្នុងផ្ទះ៖ ភ្លើងពណ៌នេះឯងគឺជាផ្នែកមួយធំណាស់ក្នុងផ្ទះសម្បែងរបស់អ្នក។ នៅពេលអ្នកចូលក្នុងផ្ទះ ហើយមានអារម្មណ៍ ល្អមកលើវា លុះត្រាភ្លើងពណ៌ភ្លឺច្បាស់គ្រប់ទីកន្លែង សិន។ ភ្លើងពណ៌នេះវា ឆាប់នឹងប៉ះពាល់ដល់សតិអារម្មណ៍ខ្លាំងណាស់។ ដូចនេះហើយ បើអ្នកមានភ្លើងងងឹត មិនសូវភ្លឺផ្លេកខ្លាំង អ្នកគួរតែសាកដូរវាចេញហើយដាក់ពណ៌ថ្មីៗ ចូលវិញ។ ពេលនោះអ្នកនឹងដឹងថាតើអារម្មណ៍របស់អ្នកផ្លាស់ប្ដូរបានដល់កម្រិតណា៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ powerofpositivity.com
