ប្រការដែលអស់លោកអ្នកគួរកុំបណ្ដោយ ពេលអាកាសធាតុកំពុងកើនឡើងខ្លាំង
វាដល់ពេលដែលអស់លោកអ្នកគួរតែមានការប្រុងប្រយ័ត្នចំពោះអាកាសធាតុក្ដៅដែលវាបានសម្លាប់មនុស្សជារៀងរាល់ឆ្នាំ។ នេះបើយោងតាមគេហទំព័រ CDC.Gov បានបង្ហាញថា៖ «អាកាសធាតុក្ដៅខ្លាំងនេះក៏ធ្លាប់បានសម្លាប់មនុស្ស៦០០នាក់ ក្នុងមួយឆ្នាំផងដែរ»។ ដែលជាហេតុឲ្យអស់លោកគួរមានការប្រុងប្រយ័ត្នចំពោះអាកាសធាតុបែបនេះផងដែរ។ ប្រការខាងក្រោមនេះហើយ ដែលលោកអ្នកអាចអនុវត្តតាមបានដើម្បីការពារកុំឲ្យអាកាសធាតុក្ដៅមានការប៉ះពាល់មកដល់អ្នក។
១) ស្ថិតនៅកន្លែងត្រជាក់តាមតែអាចធ្វើបាន៖ អ្នកគួរតែនៅកន្លែងមានម៉ាស៊ីនត្រជាក់ឬមួយនៅក្នុងអាគារជាកំហិត។ ក្នុងនោះម៉ាស៊ីនត្រជាក់អាចជួយអ្នកបានច្រើន ក្នុងការចាកចេញពីជំងឺ។ បើសិនអ្នកមិនមានលទ្ធភាពក្នុងការដាក់ម៉ាស៊ីនត្រជាក់នៅផ្ទះ លោកអ្នកអាចកែច្នៃអ្វីក៏បានឲ្យតែបញ្ចេញធាតុត្រជាក់ចេញបាន។
២) ពាក់សំលៀកបំពាក់ឲ្យបានសមរម្យ៖ សម្រាប់ថ្ងៃក្ដៅខ្លាំង បើអ្នកអាចជៀសបាន អ្នកមិនគួរប្រើប្រាស់សំលៀកបំពាក់ពណ៌ខ្មៅនោះទេ ដោយសារវាជាពណ៌ស្រូបកម្ដៅ។ ដូចនេះអ្នកត្រូវលៃលកយ៉ាងណាកុំឲ្យខ្លួនឯងហប់ខ្លាំងពេក ឬមួយក៏ងាយនឹងត្រូវពន្លឺថ្ងៃខ្លាំងពេក។
៣) ឧស្សាហ៍ពិសាទឹកដោយកុំចាំតែស្រែកទឹក៖ តើអ្នកដឹងពីសារៈសំខាន់នៃការទទួលទានទឹកបានច្រើនឬអត់? ហើយកាលណាដែលបញ្ចេញជាតិទឹកបានច្រើន ជាពិសេសនៅពេលអ្នកហាត់ប្រាណរួច ឬមួយនៅក្រោមកម្ដៅថ្ងៃ គឺវារឹតតែសំខាន់ទៀតទៅហើយ។
៤) ហាត់ប្រាណឲ្យទៀងទាត់៖ គ្រាន់តែកម្ដៅថ្ងៃក្ដៅ វាមិនមែនមានន័យថាអ្នកមិនគួរហាត់ប្រាណទេ។ តាមពិតទៅការហាត់ប្រាណនេះ ក៏អាចជួយសម្រួលអ្នកឲ្យមានអារម្មណ៍ធូរបន្តិច នៅពេលអ្នកកំពុងធ្វើការនៅកន្លែងមានកម្ដៅក្ដៅខ្លាំង។
៥) ធ្វើឲ្យចំណុចលើរាងកាយអ្នកត្រជាក់៖ អ្នកគួរតែដឹងផងដែរថា ពេលអាកាសធាតុក្ដៅ តើចំណុចណាខ្លះដែលរាងកាយអ្នកត្រូវទទួលបានធាតុត្រជាក់? ឧទាហរណ៍នោះគឺគល់ដៃ និងក របស់អ្នកដែលត្រូវការធាតុ ត្រជាក់។ ដូចនេះអ្នកអាចយកដុំទឹកកក មកស្អំ លើវា ឬមួយក៏យកកន្សែងមកដាក់លើវាទៅ ដើម្បីជួយបន្ថយសីតុណ្ហភាពលើរាងកាយផងដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehacker
