៥ ចំនុចបង្ហាញថាអ្នកគួរតែរៀនលើកទឹកចិត្តខ្លួនឯងដើម្បីសម្រេចគោលដៅជីវិត
គ្មានការងារណាដែលធ្វើទៅដោយមិនជួបការលំបាកនោះទេ សូម្បីការសិក្សាក៏ត្រូវឆ្លងកាត់ការលំបាកវេទនាទម្រាំទទួលបានជោគជ័យ និងទទួលបានចំណេះអាចយកទៅប្រកបការងារ ឬធ្វើអាជីវកម្មមួយបាន។ ចង់សម្រេចការងារមួយទាល់តែមានការតាំងចិត្តខ្ពស់ បូកផ្សំទាំងការលើកទឹកចិត្តពីគ្រប់មជ្ឍដ្ឋាន តែអ្វីដែលសំខាន់ជាងគេនោះគឺការលើកទឹកចិត្តខ្លួនឯង។ ពេលខ្លះអ្នកមានអារម្មណ៍ឯកាដោយសារខ្លះការកើតទឹកចិត្ត ប៉ុន្តែបើទោះបីគ្មានអ្នកលើកទឹកចិត្តអ្នកក៏ដោយ អ្នកត្រូវតែចេះលើកទឹកចិត្តខ្លួនអ្នក។ ហេតុអ្វីបានជាយើងត្រូវលើកទឹកចិត្តខ្លួនឯង? ខាងក្រោមនេះនឹងជួយឆ្លើយសំនួរមួយនេះ៖
១) អ្នករៀនព្រោះអ្នកចង់រៀន មិនព្រោះតែគិតថាអ្នកគួរតែរៀន តើធម្មជាតិរបស់អ្នកជាមនុស្សចង់ចេះចង់ដឹងដែរទេ? មនុស្សដែលមានការលើកទឹកចិត្តតែងមានទំនោរសួរច្រើន និងលះបង់ពេលវេលាដើម្បីស្វែងរកចម្លើយ។ បើអ្នកជាមនុសុ្សដែលស្ថិតក្នុងប្រភេទមួយសកម្មក្នុងការស្វែងរកអ្វីដែលខ្លួនចាប់អារម្មណ៍ និងនៅតែបន្តធ្វើវាអ្នកនឹងអាចរកចម្លើយសម្រាប់ខ្លួនឯងនិងអាចច្នៃប្រឌិតជីវិតខ្លួនឯងដើម្បីសម្រេចគោលដៅជីវិត។
២) អ្នកនឹងទទួលស្គាល់ថាអ្នកមិនចេះគ្រប់ដប់ទេ តើអ្នកស្គាល់ខ្លួនឯងច្បាស់កម្រិតណា? អ្នកចេះលើកទឹកចិត្តខ្លួនឯងច្រើនតែយល់ស៊ីជម្រៅពីចំនុចខ្លាំង និងចំនុចខ្យោយរបស់ខ្លួន។ បើអ្នកអាចបង្ហាញពីចន្លោះក៏ដូចជាចំនុចខ្វះខាតនៃចំណេះដឹងរបស់អ្នកឲ្យទៅជាឱកាសនៃការរីកចម្រើន នោះអ្នកអាចធ្វើឲ្យប្រសើរឡើងនូវចំណេះជំនាញដើម្បីសម្រេចគោលដៅទោះជាភាពជោគជ័យនោះនៅក្នុងកម្រិតយ៉ាងណាក៏ដោយ។
៣) អ្នកនឹងជួបហានិភ័យដ៏ធំ ហើយក៏ទទួលបានផលត្រលប់ធំដែរ អ្នកកំពុងតែព្យាយាមខ្លាំងក្លាណាស់ក្នុងការធ្វើដំណើរទៅរកកន្លែងមួយដែលអ្នកប្រាថ្នា អ្នកដែលមានការលើកទឹកចិត្តខ្លួនឯងតែងតែពង្រឹងស្នាដៃខ្លួន មានភាពជឿជាក់លើសមត្ថភាពរបស់ពួកគេព្រោះពួកគេអាចសម្រេចបានច្រើននូវគំនិតដែលគេបានផ្តួចផ្តើមមក។ បើអ្នកមានភាពក្លាហានក្នុងការដើរចេញពីកន្លែងសុខស្រួលរបស់អ្នក ហើយលូកជើងឈានទៅទីដែលប្រថុយប្រថានសាកល្បងបរិយាកាសថ្មីនោះអ្នកមានលទ្ធភាពច្រើនទទួលជោគជ័យក្នុងជីវិតព្រោះអ្នកក៏នឹងទទួលបានមេរៀនជីវិតច្រើនជាងអ្នកដែលតែតែនៅស្ងៀមដែរ។
៤) អ្នកទំនងជាចង់បញ្ចប់នៅពេលអ្នកចាប់ផ្តើម មិនខុសទេពេលចាប់ផ្តើមការងារអ្វីមួយថ្មីដំបូងអ្នកពិតជាចង់បោះបង់វាចោលណាស់ ដោយសារវាលំបាក ដោយសារវាថ្មី អ្នកមិនទាន់ស្គាល់វាច្បាស់ តែពេលដែលអ្នកប្រើគំនិតលើកទឹកចិត្តខ្លួនឯង អ្នកនឹងមិនបោះបង់វាដោយងាយទេ មានកូនចិត្តមួយចាំជំរុញអ្នកឲ្យបន្តធ្វើវាសិន ថាតើវានឹងឲ្យផលយ៉ាងណា។ ពីមួយពេលទៅមួយពេលវានឹងធ្វើឲ្យអ្នកកាន់តែរឹងម៉ាំឡើងៗ ហើយក៏អាចសម្រេចការងារបានលឿនដូចគ្នា។
៥) អ្នកតែងមានពីរជំហាននៅមុខកញ្ចក់ អ្នកជាមនុស្សដែលមានធម្មជាតិសកម្មឬយ៉ាងណា? អ្នកដែលតែងសម្រេចការងារដោយខ្លួនមិនចូលចិត្តការរង់ចាំការផ្លាស់ប្តូរកាលៈទេសៈហើយបង្ខំឲ្យពួកគេសម្របស្លួនតាម។ គេតែងរំពឹងទទួលបានការអភិវឌ្ឍថ្មីៗ និងរៀនសូត្របន្ថែម។ គេមិនចូលចិត្តធ្វើអ្វីច្រំដែល មិនកើនចំណេះ មិនរីកចម្រើន មិនទទួលបានបទពិសោធន៍ថ្មីទេ។ គេតែងលើកទឹកចិត្តខ្លួនឯងទោះគ្មាននរណាគាំទ្រគំនិតគេ ហើយព្យាយាមធ្វើកិច្ចការដែលគេចង់ធ្វើនោះឲ្យសម្រេចបានផ្លែផ្កា៕
ដោយ៖ យ៉ាយ៉ា
