ក្នុងអតីតកាល បើយើងចង់បង្កើតផលិតផលមួយដែលជារបស់យើងផ្ទាល់វាហាក់ដូចជាក្តីស្រមៃមួយដូច្នោះដែរ។ តែសព្វថ្ងៃគ្រប់គ្នានរណាក៏អាចផលិតផលរបស់ខ្លួន ពិសេសផលិតផលឌីជីថលដែលអាចរកលុយតាមអនឡាញ។ អត្ថប្រយោជន៍ធំបំផុតនៃការបង្កើតផលិតផលប្រភេទនេះគឺអ្នកអាចបង្កើតវាតែម្តង និងធ្វើការលក់វាម្តងហើយម្តងទៀត។
ដូច្នេះតើផលិតផលឌីជីថលមានន័យដូចម្តេច? ផលិតផលឌីជីថលគឺជាផលិតផលដែលគ្មានរូបរាង ឧទាហរណ៍ដូចជា៖
- ebooks និង pdf guides
- video tutorials
- audio courses
- templates
- WordPress themes
- images និង icon sets
- stock photos
ផលិតផលទាំងនេះចំណាយថ្លៃទាបក្នុងការបង្កើតការឬផលិតវា ព្រោះអ្នកមិនត្រូវចំណាយលើការដឹកជញ្ជូន ឬចំណាយផលិតកម្ម និងរយៈពេលអភិវឌ្ឍយូរអង្វែងដូចផលិតផលដែលមានរូបរាងនោះទេ។ បន្ថែមពីនេះខណៈពេលដែលអ្នកបង្កើតវាគឺថ្លៃដើមវាទាបបំផុត ដែលមានលទ្ធភាពច្រើនក្នុងការបង្កើតប្រាក់ចំណូល។
មុនពេលអ្នកឈានជើងចូលការផលិតផលិតផលឌីជីថល អ្នកត្រូវប្រាកដថាវានឹងទទួលបានជោគជ័យ ហើយទាំង ៤ ខាងក្រោមជាគន្លឹះជួយអ្នកក្នុងការបង្កើតផលិតផលឌីជីថល៖
១) ជ្រើសរើសផលិតផលដែលត្រឹមត្រូវ
ជំហានដំបូងគឺជ្រើសរើសផលិតផលឌីជីថលណាដែលត្រឹមត្រូវ ផលិតផលណាដែលមិនទាន់មានអ្នកបង្កើត ឬធ្លាប់មានគេបង្កើតតែមិនមានអ្នកចាប់អារម្មណ៍ច្រើន អ្នកអាចរកគន្លឹះណាកែប្រែដើម្បីទាក់ទាញអតិថិជន ក៏ដូចជាបង្កើតផលិតផលណាដែលផ្តល់ភាពងាយស្រួលដល់អតិថិជន (audience) របស់អ្នក។
ដើម្បីកំណត់នូវអ្វីដែលអ្នកចង់បានឲ្យប្រសើរបំផុត អ្នកត្រូវដឹងពីតម្រូវការរបស់អតិថិជនអ្នកជាមុនសិន មើលថា audience ដែលចូលមើល blog ឬ គេហទំព័ររបស់អ្នកចូលចិត្ត ឬចង់បានជាប្រភេទផលិតផលអ្វី ពេលអ្នកដឹងពីតម្រូវការរួចវាជារឿងងាយស្រួលបំផុតសម្រាប់អ្នក។ បើអ្នកមិនទាន់ដឹងពីតម្រូវការ audience អ្នកនៅឡើយទេ អ្នកគួរចូលទៅមើលក្នុងគេហទំព័រនានាដើម្បីវិភាគឲ្យដឹងពីការអ្នកចូលមើលគេហទំព័រទាំងនោះ វាអាចជាផ្លូវមួយជួយអ្នកបាន។
២) បង្កើតផលិតផលមួយរបស់អ្នកដែលមានភាពទាក់ភ្នែក
ដោយសារអ្នកគ្រាន់តែបង្កើត ឬផលិតនូវផលិតផលឌីជីថលមិនមែនផលិតផលដែលអាចប៉ះ បាន មិនមែនមានន័យថាមិនត្រូវរៀបចំឲ្យស្អាតទេ។ ភាពទាក់ទាញ ទាក់ភ្នែកជាអ្វីដែល audience ចង់បានព្រោះផលិតផលឌីជីថលមិនអាចប៉ះបានមានតែត្រូវការមើលដោយភ្នែក បើផលិតផលនោះគួរឲ្យចាប់អារម្មណ៍គាត់ចូលចិត្ត គាត់មិនស្តាយនឹងចំណាយទេ។ ពេលនេះអ្នកអាចនឹងឆ្ងល់ថាធ្វើដូចម្តេចទើបអាចបង្កើតរូបភាពសម្រាប់ផលិតផលមួយដែលគ្មានរូបរាងនោះ? សម្រាប់ផលិតផលឌីជីថលភាគច្រើន អ្នកមិនចាំបាច់បង្ហាញពីរូបភាពនៃផលិតផលនោះដោយផ្ទាល់ទេ តែអ្នកត្រូវឬអាចបង្ហាញពីអ្វីដែលអ្នកមើល audience យើងអាចទទួលបាន។
៣) ធ្វើការបង្កើត និងលើកកម្ពស់ជំនាញរបស់អ្នក
បើអ្នកកំពុងគិតក្នុងការបង្កើតផលិតផលឌីជីថលរបស់អ្នក នោះអ្នកប្រហែលជាមាន website និង blog ផ្ទាល់ខ្លួនរួចហើយមើលទៅ តែបើមិនទាន់មាននៅឡើយទេបង្កើតវាទៅកាន់តែឆាប់កាន់តែល្អ ពិតណាស់គ្មាននរណាចង់ទិញផលិតផលឌីជីថលពីមនុស្សមិនស្គាល់មុខហើយបានត្រឹម post លក់តាមអនឡាញ។ Website និង blog នឹងធ្វើឲ្យអ្នកបង្កើនគំនិតក្នុងវិស័យមួយនេះក៏ដូចជាជួយកសាងទំនុកចិត្តរវាងអ្នកនិងអតិថិជនសក្តានុពលរបស់អ្នកបានកាន់តែខ្លាំង។ ហើយទំនុកចិត្តទៀតសោតជាកូនសោរបើកទ្វារឲ្យអ្នកចូលទៅកើបលុយពីការលក់ផលិតផលឌីជីថលរបស់អ្នក។
៤) ប្រមូលត្រលប់មកវិញនូវមតិរិះគន់ក្នុងន័យស្ថាបនា
បន្ទាប់ពីបង្កើតបាន លក់បាននូវផលិតផលឌីជីថលរបស់អ្នក ត្រូវទាមទារនូវមតិរិះគន់ពីអតិថិជនមកវិញចៀសវាងការខកចិត្តមួយចំនួនពីអតិតថិជន ព្រោះពេលខ្លះទោះយើងបានស្ទាបស្ទង់ សួរពីចំណង់ចំណូលចិត្តរបស់អតិថិជនដ៏ដោយ តែយើងអាចខ្វះចន្លោះមិនត្រូវតាមអ្វីដែលពួកគាត់ចង់បាន។ រាល់ការធ្វើអាជីវកម្មមិនថាអ្នកលក់ផលិតផលដែលមានរូបរាង ឬផលិតផលឌីជីថលទេចាំបាច់បំផុតគឺមតិរិះគន់ពីអតិថិជន ឬអ្នកប្រើប្រាស់ដើម្បីកែលម្អ និងអភិវឌ្ឍផលិតផលខ្លួនឲ្យកាន់តែប្រសើរ និងនៅតែអាចបំពេញចិត្តអតិថិជនបានជានិច្ច។
ដោយ៖ យ៉ាយ៉ា
ប្រភព៖ Entrepreneur
