អ៊ីស្រាអែលកំពុងតែនៅមាត់ច្រាំងនៃភាពអន្តរាយ ដោយសារការលូកដៃរបស់ ត្រាំ?
នៅថ្ងៃទី ០៩ មេសា ខាងមុខនេះ អ៊ីស្រាអែលនឹងមានការបោះឆ្នោតជ្រើសរើសរដ្ឋាភិបាលថ្មី។ យុទ្ធនាការនៃការធ្វើប្រជាមតិទៅលើលោកប្រធានាធិបតី Benjamin Netanyahu ថាគួរនៅអាចបន្តដឹកនាំប្រទេសទៀតឬយ៉ាងណា ស្របពេលដែលមានការចោទប្រកាន់ទៅលើអំពើពុករលួយបីករណីក្នុងការស៊ីសំណូក និងរំលោភរាល់សេចក្តីទុកចិត្ត។
ប្រធានាធិបតី ដូណាលត្រាំ លើកពីហានិភ័យនៅលើបណ្តាញសង្គម Twitter កាលពីថ្ងៃព្រហស្បត្តិ៍ថា “នេះជាពេលដែលសហរដ្ឋអាមេរិកទទួលស្គាល់ពេញលេញចំពោះអធិបតេយ្យរបស់ អ៊ីស្រាអែលលើតំបន់ Golan Heights ដែលជាយុទ្ធសាស្រ្តសំខាន់ និងសុវត្ថិភាពបំផុតដល់រដ្ឋអ៊ីស្រាអែលនិងជាស្ថេរភាពតំបន់”។ វាជាសញ្ញាចុងក្រោយ និងសំខាន់បំផុតពីវ៉ាស៊ីនតុន ដែលលោក ត្រាំ ទទួលស្គាល់ការកាន់កាប់ត្រួតត្រារបស់ អ៊ីស្រាអែលលើ តំបន់ Golan Heights។ មានការគិតទុកមុនថា ការដែលសម្រេចទទួលស្គាល់ការកាន់កាប់លើតំបន់ Golan Heights នេះវានឹងឈានទៅរកការលំបាកវេទនាដូចដែលការផ្លាស់ប្តូរគោលនយោបាយរដ្ឋបាលរបស់ត្រាំ ពាក់ព័ន្ធនឹងទីក្រុង Jerusalem។ ដោយសារមូលហេតុពីរសំខាន់ទើបធ្វើឲ្យមានការលើកឡើងថាអ៊ីស្រាអែលអាចជួបនឹងទុក្ខវេទនានោះគឺ៖
ក) ទី១ វាផ្ទុយពីគោលនយោបាយទសវត្សរ៍ស្របរបស់សហរដ្ឋអាមេរិច ដែលទាមទារឲ្យទទួលស្គាល់ទឹកដឺដើម្បីបានមកនូវការចរចាដោយផ្ទាល់ជាជាងការប្រកាសជាឯកតោភាគី។
ខ) ទី២ វាផ្ទុយនឹងច្បាប់អន្តរជាតិដែលមិនទទួលស្គាល់អធិបតេយ្យភាពអ៊ីស្រាអែលលើការកាន់កាប់ទឹកដីតាំងពីសង្គ្រាមឆ្នាំ ១៩៦៧។
ដោយឡែក West Bank ជាតំបន់ដែលមានដង់ស៊ីតេប្រជាជនច្រើន និងមានបញ្ហាធំពិបាកដោះស្រាយបំផុតនាពេលអនាគតរវាងអ៊ីស្រាអែល និងប៉ាឡេស្ទ៊ីនដែលមានជម្លោះរវាងគ្នានឹងគ្នាតាំងពីឆ្នាំ ១៩៦៧ មក។ វានៅតែមានការជំរុញឲ្យកាន់កាប់បន្តនៃទឹកដី West Bank នេះបន្តទៀត ក៏ជាជំហានមួយគ្រោះថ្នាក់សម្រាប់អ៊ីស្រាអែលទៅនឹងការគំរាមកំហែងរបស់ជនជាតិជ្វីហ្វនិងប្រជាជនរបស់ខ្លួន។ ការដែលចង់រួមបញ្ចូលទឹកដីនេះវាជាការរារាំងដល់ឯករាជ្យនៃប្រជាជាតិប៉ាឡេស្ទ៊ីន ហើយវាក៏ជាហានិភ័យមួយអាចនឹងរលាកទៅដល់ទឹកដីដែលនៅកណ្តាលផងដែរ។
កាលពីថ្ងៃចន្ទកន្លងទៅ លោកត្រាំ បានបញ្ជាក់សាជាថ្មីពីការប្តេជ្ញាចិត្តរបស់អាមេរិកចំពោះអ៊ីស្រាអែល ស្របពេលដែលមានគ្រាប់រុកកែតបាញ់ចេញពីតំបន់ហ្គាហ្សាបានវាយប្រហារទៅលើផ្ទះមួយនៅភាគខាងជើងនៃទីក្រុងអេលវ៉ាវីដែលបានធ្វើឱ្យមនុស្សប្រាំពីរនាក់ក្នុងនោះមានកូនពីរនាក់ស្លាប់។ សហរដ្ឋអាមេរិកទទួលស្គាល់សិទ្ធិពេញលេញរបស់អ៊ីស្រាអែលក្នុងការការពារខ្លួន។ លោកដូណាលត្រាំ ក៏បានលើកឡើងថា “ការវាយប្រហារដ៏គួរឱ្យស្អប់នៅព្រឹកថ្ងៃចន្ទនេះបង្ហាញពីបញ្ហាសន្តិសុខដែលអ៊ីស្រាអែលប្រឈមមុខរាល់ថ្ងៃ”។ លោកក៏បានបន្ថែមថា៖ ថ្ងៃនេះខ្ញុំបានធ្វើសកម្មភាពជាប្រវត្តិសាស្ត្រមួយក្នុងលើកកម្ពស់សមត្ថភាព និងសិទ្ធិការពារខ្លួនរបស់អ៊ីស្រាអែលដែលពួកគេមានសិទ្ធិនឹងមានវា៕
ដោយ៖ យ៉ាយ៉ា
