វិធីជោគជ័យទាំងនេះ នឹងជួយបន្ទន់ចិត្តឪពុកម្ដាយឲ្យចូលចិត្តសង្សាររបស់អ្នក
ដោយសារតែគេជាមនុស្សថ្មីសម្រាប់ឪពុកម្ដាយអ្នក ទើបពេលខ្លះពួកគាត់ហាក់ដូចជាមានការសង្ស័យច្រើន និង ឃាត់ឃាំងហួសហេតុចំពោះស្នេហានេះ។ ប៉ុន្តែទោះជាយ៉ាងណាក៏ដោយ ក៏អ្នកត្រូវតែព្យាយាមធ្វើយ៉ាងណាណែនាំមនុស្សដែលខ្លួនស្រលាញ់ដល់គាត់ផងដែរ ព្រោះចំណងស្នេហានឹងកាន់តែរឹងមាំប្រសិនបើពួកគាត់បានស្គាល់ដៃគូរបស់អ្នកឲ្យបានច្បាស់ជាងនេះនោះ។ ចំណុចខាងក្រោមនេះ ជាអ្វីដែលអ្នកត្រូវធ្វើដើម្បីបន្ទន់ចិត្តឪពុកម្ដាយឲ្យចូលចិត្តសង្សាររបស់អ្នក៖
១) និយាយជាមួយសង្សាររបស់អ្នកជាមុនសិន៖ អ្នកត្រូវប្រាប់គ្នាឲ្យបានដឹងជាមុនថា អ្នកនឹងមានគម្រោងប្រាប់ក្រុមគ្រួសារអ្នកឲ្យបានដឹងពីស្នេហាមួយនេះ។ បន្ទាប់មកទៀត ពេលដែលពួកគេត្រៀមខ្លួនរួចរាល់ហើយនោះ វានឹងក្លាយជាពេលវេលាល្អមួយ ដែលអ្នកត្រូវនាំគេមកជួបឪពុកម្ដាយរបស់អ្នកតែម្ដង។
២) គួរនិយាយគ្នាជាមួយឪពុកម្ដាយអ្នកជាមុនផងដែរ៖ អ្នកគួរបង្ហាញទៅដល់ពួកគាត់ឲ្យជឿថា ស្នេហានេះគឺជាស្នេហាដែលស្មោះស្ម័គ្រ។ ហើយអ្នកទាំង២គឺពិតជាស្រលាញ់គ្នានិងត្រូវការគ្នាខ្លាំងណាស់។ ប្រសិនបើអ្នកបង្ហាញពួកគាត់ពីស្នេហារបស់អ្នកយ៉ាងជាក់លាក់នោះ ពួកគាត់នឹងកាន់តែមានអារម្មណ៍ចង់ស្គាល់សង្សារនោះកាន់តែខ្លាំង។
៣) ព្យាយាមប្រាប់សង្សារអ្នកពីអ្វីដែលឪពុកម្ដាយអ្នកត្រូវការ៖ ជាការពិតណាស់អ្នកប្រហែលជាដឹងហើយថា ឪពុកម្ដាយអ្នកចូលចិត្តមនុស្សប្រភេទណានោះ។ អាចថាពួកគាត់ចូលចិត្តមនុស្សដែលមានចំណេះដឹងខ្ពស់។ដូចនេះអ្នកគួរប្រាប់ដល់សង្សាររបស់អ្នកឲ្យនិយាយអ្វីដែលបង្ហាញថាខ្លួនគេជាមនុស្សចេះដឹង ដើម្បីឲ្យសាកសមនឹងអ្វីដែលពួកគាត់ត្រូវការ។
៤) ជូនកាដូដល់ពួកគាត់៖ ការជូនជាកាដូនេះក៏អាចធ្វើឲ្យ ពួកគាត់មានអារម្មណ៍ល្អមកលើសង្សារអ្នកផងដែរ។ មិនថាកាដូនោះមានតម្លៃថ្លៃ ឬ អស្ចារ្យយ៉ាងណាទេ តែវាបានបង្ហាញពីការខ្វល់ខ្វាយ ក៏ដូចជាការគោរពដល់ ឪពុកម្ដាយអ្នក។
៥) មិនត្រូវមានការភិតភ័យ៖ តើឪពុកម្ដាយគេអាចនឹងជឿជាក់លើអ្នកបានឬទេនៅពេលដែលដឹងថាអ្នកជាមនុស្សដែលតែងតែភ័យខ្លាចខុសរឿងដូច្នេះ? ហេតុនេះហើយមិនត្រូវបង្ហាញអារម្មណ៍ភិតភ័យនៅចំពោះមុខពួកគាត់ទេ អ្នកគួរបន្ធូរអារម្មណ៍ហើយគិតពីរឿងសប្បាយៗវិញទើបល្អ៕
ដោយ៖ ព្រំ សុវណ្ណកណ្ណិកា
