គន្លឹះមួយចំនួនពី Warren Buffett ក្នុងការវិនិយោគអំឡុងពេលមានវិបត្តិសេដ្ឋកិច្ច​



ក្នុង​ឆ្នាំ ២០១៨ ទី​ផ្សារពិភព​លោក​បាន​ជួ​ប​វិបត្តិ​ធ្ងន់​ធ្ងរ​ ពេលនោះ Lehman Brothers ​​ធនាគារ​វិនិយោគ​មួ​យ​មានស្នាក់​ការ​កណ្តាល​នៅ​ទីក្រុង​ញូវ​យ៉ក​​ដែល​មានទ្រព្យ​សកម្ម​ ៦០០ ប៊ី​លាន​ដុល្លារសហ​រដ្ឋ​អាមេរិក បាន​​​ក្ស័យ​ធន​​។​ វាជា​ឆ្នាំ​មួយ​ដែល​សេដក្ឋ​កិច្ច​មាន​ការ​ធ្លាក់​ចុះ និង​នាំ​ឲ្យ​មាន​អត្រា​និកម្ម​ភាព​ខ្ពស់​ជាង ១០ ភាគ​រយ។

គ្មាន​នរណា​ម្នាក់​ហ៊ាន​បញ្ចេញ​សាច់​ប្រាក់​ក្នុង​ការ​វិ​និយោគ​ណា​មួយ​ឡើយ ដោយ​សារ​រក្សា​ទុក​សាច់​ប្រាក់​ដើម្បី​ទប់ទល់​នឹង​ហានិភ័យ​នានា​ដែល​អាច​នឹង​កើត​មាន​ឡើង​ដូចជា​អតិផរណា​ជា​ដើម​។ ជាក់​ស្តែងមាន​តែ​វិនិយោគិន​ធំ​គឺ​ Warren Buffett ដេល​គិត​ផ្សេង​ពី​អ្នក​ដទៃ គាត់​បាន​ចំនាយ​ទុន​ជា​ច្រើន​ដើម្បី​ទិញ​ភាគ​ហ៊ុន​នៅ​លើ​​ទីផ្សារ​មូល​បត្រ​អា​មេរិក​។

មាន​សំនួ​រមួ​យ​សួរ​ទៅ Buffett ថា​ ហេតុ​អ្វី​លោក​សម្រេច​ចិត្ត​វិនិយោគ​លើ​មូល​បត្រ​នៅ​ពេល​ដែល​សេដ្ឋ​កិច្ច​ដាំ​ក្បាល​ចុះបែប​នេះ? លោក​បាន​ឆ្លើ​យ​ថា វា​មាន​សុវត្ថិ​ភាព​ក្នុ​ងការ​វិនិយោគ​នៅ​ពេល​មាន​វិបត្តិ​សេដ្ឋ​កិច្ច​! វា​កំប្លែងណាស់​មែន​ទេ? ខ្ញុំគិត​ថា​អ្នក​ទាំង​អស់​គ្នា​ប្រាកដជា​គិត​បែប​នេះ ប៉ុន្តែ​គិត​មើល​ថា​ ពេល​សេដ្ឋ​កិច្ច​ធ្លាក់​ចុះ​ តម្លៃ​ហ៊ុន​ក៏​ធ្លាក់លឿនព្រោះ​ម្នាក់​ៗ​ប្រាកដ​ជា​ទុក​លុយ​នៅ​ក្រោមខ្នើយ​មិន​ហាន​ចាយ​វាយ​ផ្តេស​ផ្តាស​ទេ។

Buffett បាន​បង្ហាញ​បី​ច្បាប់​សាមញ្ញ​មួ​យ​ក្នុង​ការ​វិនិយោគ​គឺ ត្រូវ​ខ្លាច​ពេលអ្នក​ដទៃ​កំពុង​លោភ​លន់ និងត្រូវ​លោភ​លន់​នៅ​ពេល​អ្នក​ដទៃ​ខ្លាច។ ក្នុង​កា​រលើក​ឡើង​របស់​លោក​ចង់​បង្ហាញ​ថា តម្លៃ​នៃ​ភាព​ច្នៃ​ប្រឌិត​ក្នុង​អាជីវកម្ម​សហរដ្ឋអាមេរិក​គួរ​តែ​បន្ត​និង​មាន​ភាព​រីក​ចម្រើន​បន្តទៀត​ ដោយ​ហេតុ​ថាគេ​ត្រូវ​ធ្លាក់​​វិបត្តិ​ និង​ការ​ឈឺ​ចាប់​ក្នុង​រយៈ​ពេល​ខ្លី​ប៉ុណ្ណោះ​។ Buffett ក៏​បាន​ធ្វើ​ការ​ហាម​ប្រាប​ផង​ដែរចំពោះ​​កា​រវិនិយោគលើ​ក្រុម​ហ៊ុន​ណា​មូយ​ដែល​​មាន​​ការរីក​ចម្រើនដោយ​សារ​បំណុល​ច្រើន (highly leveraged entities មាន​ន័យ​ថាក្រុម​ហ៊ុន​នោះ​មាន​ទំហំ​វិនិយោគធំ មាន​ការ​រីក​ចម្រើន​ខ្លាំងតែ​ពិនិត្យ​ជាក់​ស្តែង​ទុន​ដែល​វិនិយោគ​នោះ​ គ្រាន់​តែជា​បំណុល​មិនមែន​ជា​ទ្រព្យ​ម្ចាស់​ឡើយ​​​) តែ​លោក​បាន​ធ្វើ​ការជម្រុញ​ឲ្យ​អ្នក​អាន​បាន​ឃើញថា ​គឺជាឱកាសក្នុង​ការ​វិនិយោគ​ពេល​​តម្លៃនៃ​ក្រុម​ហ៊ុន​ដែល​រឹង​ម៉ាំមួ​យធ្លាក់​ចុះ។

និយាយ​ជា​រួម​មក​ ដំណឹង​អា​ក្រក់​មួយ​គឺតែ​ង​ជា​មិត្ត​ល្អ​ដល់​អ្នក​វិនិយោគ​ វា​អាច​ឲ្យ​អ្នក​ទិញ​ចំនែក​មួយសម្រាប់​អនាគតរបស់​អាមេរិក​នៅពេលដែល​តម្លៃ​វា​ធ្លាក់ នេះ បើ​តាម​ការលើក​ឡើង​ពី Warren Buffett។ លោក​ក៏​បាន​ពន្យល់​បន្ថែមទៀត​ថា ភាព​ភ័យ​ខ្លាច​ទាក់​ទងទៅ​នឹង​ភាព​រី​កចម្រើន​របស់​ជាតិ​រយៈពេល​វែង​ វា​បង្ហាញថាក្រុម​ហ៊ុន​​​មិនបាន​ធ្វើ​អ្វី​ទាំ​ងអស់។ អាជីវកម្មទាំងនេះពិតជានឹងទទួលរងផលប៉ះពាល់ពីការរកប្រាក់ចំណូល តែ​គេ​អា​ច​នឹង​កំណត់​របាយ​ការណ៍​​ចំណូល​ថ្មី​ ៥​ ឆ្នាំ ១០​ ឆ្នាំ និង​ ២០​ ឆ្នាំ​ខាង​មុខ។ ការ​រំពឹង​ទុក​នេះ​បាន​ប្រែ​ជា​ត្រឹម​ត្រូវ ក្នុង​រយៈ ពេល​ ១០​ឆ្នាំ​បន្ទាប់​ពី​កា​រធ្លាក់​​នៃ Lehman Brothers នាំឲ្យ S&P 500 (សន្ទស្សន៍ទី​ផ្សារមូល​បត្រ​អាមេរិក​ដែល​មានក្រុម​ហ៊ុន​ ៥០០ បោះ​ផ្សាយ​លក់​មូល​បត្រ​) មាន​ការ​កើន​ឡើង​ដល់ ១៣០ភាគ​រយ ដែល​ធ្វើ​ឲ្យ​ក្រុមហ៊ុនដូចជា Apple និងAmazon បាន​កើន​ឡើង​តម្លៃ​ក្រុម​ហ៊ុន​របស់​ខ្លួន​រាប់​រយ​លាន​ដុល្លារ។

យុទ្ធ​សាស្រ្ត​របស់​ Warren Buffett មិន​ល្អ​ឥត​ខ្ចោះ​ពេក​ទេ គាត់​ទទួល​ស្គាល់​ថាពេល​វេលា​របស់​គាត់​ដូច​ជាបិទ​បន្តិច ពេល​លោក​សម្រេច​ចិត្ត​ទិញ​ក្នុង​ខែតុលា ២០០៨ ហើយ​ទីផ្សារ​នៅ​តែ​បន្ត​ធ្លាក់​ក្នុង​ឆ្នាំ ២០០៩ ដូច្នេះ​គាត់​ត្រូវ​ចំណាយ​ពេលបួន​ទៅ​ប្រាំ​ខែ​ ​ Buffett ប្រាប់​ទៅ CNBC

វាជា​ទម្លាប់​របស់​មនុស្ស​គ្រប់​គ្នា​ទៅ​ហើយ ​ក្នុង​ការ​សម្រេច​ចិត្ត​វិនិយោគ​នៅ​ពេល​ដែល​ឃើញ​សេដ្ឋ​កិច្ច​រី​កចម្រើន​ ហើយ​មិន​ចង់​ខ្ជះ​ខ្ជាយ​លុយ​កាក់​ប្រឈម​ហានិភ័យ​ទៅ​វិនិយោគ​ពេល​ដែល​សេដ្ឋ​កិច្ច​មិន​ល្អ​ ឬ​កំពុង​ដាំ​ក្បាល​ចុះនោះ​ទេ តែ​យើង​គួរ​តែ​សម្លឹង​ទៅ​​មើល​ភាព​វែង​ឆ្ងាយនៃ​ការ​រីក​ចម្រើនទៅ​ថ្ងៃអនាគត ដែល​វាអាច​ជា​ឱកាស​ឲ្យ​អ្នក​ទទួលបាន​ផល​ចំនេញខ្ពស់៕

ដោយ៖ យ៉ាយ៉ា

 

X
5s