សិង្ហបុរីមានអាចនឹងក្លាយជាប្រទេសនាំមុខគេក្នុងបដិវត្តន៍ឧស្សាហកម្ម ៤.០ ក្នុងប៉ូលអាស៊ាន
ដើម្បីធ្វើឲ្យតំបន់អាស៊ានមានការផ្លាស់ប្តូរទៅរកសក្តានុពលពេញលេញនៃឧស្សាហកម្ម ៤.០ ការរួមបញ្ចូលគ្នានៃរដ្ឋទាំងអស់ដែលជាសមាជិកគឺជាគន្លឹះសំខាន់មួយ តាមការលើកឡើងរបស់លោក Koh Poh Koon ទេសរដ្ឋមន្រ្តីក្រសួងពាណិជ្ជកម្មនិងឧស្សាហកម្មសិង្ហបុរី។
ថ្លែងក្នុងពិធី Singapore Networking Event នៅ Hannover Messe លោកបណ្ឌិត Koh បានបញ្ជាក់ថា សិង្ហបុរីរាប់ថាការផលិតជាសសរស្តម្ភដ៏សំខាន់នៃសេដ្ឋកិច្ចរបស់ខ្លួន ហើយបាននាំមុខគេនូវវិស័យអាកាសចរណ៍ អគ្គិសនី សារធាតុគីមី និងវិទ្យាសាស្ត្រជីវវេជ្ជសាស្រ្ត។ ការខ្វះខាតធនធានធម្មជាតិ បានបង្ខំឲ្យរដ្ឋមួយនេះបន្តជំរុញបច្ចេកវិជ្ជាដើម្បីបង្កើនការប្រកួតប្រជែងនិងផលិតភាព ជាលទ្ធផលក្នុងការដែលមានជំនាញ និងគំនិតផ្តួចផ្តើមដែលសិង្ហបុរីចង់ចែករំលែកជាមួយដៃគូក្នុងតំបន់។
អាស៊ានរំពឹងថានឹងក្លាយជាប៉ូលសេដ្ឋកិច្ចធំជាងគេលំដាប់ទី ៤ ក្នុងពិភពលោកក្នុងឆ្នាំ ២០៣០ ហើយបន្តមានស្ថិរភាពក្នុង ៥ ទសវត្សរ៍ចុងក្រោយ។ យោងតាមការសិក្សាពី McKinsey ធ្វើដំណើរលើរលក Fourth Industrial Revolution អាចឲ្យអាស៊ានចាប់យកផល ៦០០ ប៊ីលានដុល្លារ នៃអត្ថប្រយោជន៍សកលប្រមាណ ៣.៧ ទ្រីលានដុល្លារដែលនេះរំពឹងទទួលបានពីឧស្សាហកម្ម ៤.០ នៅឆ្នាំ ២០២៥។ បណ្ឌិត Koh បានបន្ថែមទៀតថា ក្នុងនាមជាប្រទេសកំពុងអភិវឌ្ឍថ្មី អាស៊ានក៏មិនសូវមានបន្ទុកដោយប្រព័ន្ធចាស់ ហើយវាស្ថិតនៅក្នុងទីតាំងដ៏ល្អដើម្បីចាប់ផ្តើមថ្មី និងឈានចូលទៅក្នុងយុគសម័យថ្មីនៃការផលិតទំនើប។
ការផ្តួចផ្តើមរបស់សិង្ហបុរីនេះរួមមាន Smart Industry Readiness Index (SIRI) ក្នុងឆ្នាំ ២០១៧ ដែលផ្តល់ជូននូវក្របខ័ណ្ឌរួមដើម្បីយល់ដឹងពីឧស្សាហកម្ម ៤.០ និងវាយតម្លៃពីកម្រិតនៃការត្រៀមខ្លួនរបស់ក្រុមហ៊ុន។ Smart Industry Readiness Index (SIRI) ទទួលបានការចាប់អារម្មណ៍ច្រើនពីរដ្ឋជាសមាជិកអាស៊ានតាំងពីពេលដាក់ឲ្យដំណើរការ និងត្រូវបានធ្វើការបង្ហាញនៅក្នុង World Economic Forum នៅអាស៊ានឆ្នាំ ២០១៨។
រួមជាមួយប្រទេសជាសមាជិកអាស៊ានផ្សេងទៀតសិង្ហបុរីកំពុងធ្វើការលើក្របខ័ណ្ឌសមាហរណកម្មឌីជីថលអាស៊ានដើម្បីវាយតម្លៃប្រព័ន្ធអេកូឌីជីថលក្នុងតំបន់និងកំណត់វិធីសម្រាប់ភាគីពាក់ព័ន្ធដើម្បីទទួលបានប្រយោជន៍ពីកិច្ចខិតខំប្រឹងប្រែងសមាហរណកម្មឌីជីថលរបស់អាស៊ាន។ លើសពីនេះទៀតសិង្ហបុរីកំពុងដំណើរការផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី (FTA) ជាមួយសហភាពអឺរ៉ុប (EU) ដែលលោកបណ្ឌិត Koh បាននិយាយថានឹងពង្រឹងការប្តេជ្ញាចិត្តរបស់សាធារណរដ្ឋចំពោះពាណិជ្ជកម្មពហុភាគីនិងត្រួសត្រាយផ្លូវទៅកាន់ FTA អាស៊ាន - អឺរ៉ុបនាពេលអនាគត៕
ដោយ៖ យ៉ាយ៉ា
