បញ្ហាសុខភាពខ្លាំងណាស់បើសិនអ្នក «ចុចទូរស័ព្ទពាក់កណ្ដាលយប់»
ជាការពិតណាស់ ការចុចទូរស័ព្ទដៃពាក់កណ្ដាលយប់ គឺប៉ះពាល់ដល់សុខភាពខ្លាំងបំផុតហើយអ្នកនឹងមិនអាចមើលដឹងពីបញ្ហានេះទាល់តែសោះ។ វាកើតឡើង ដោយសារតែភ្លើងពណ៌ខៀវដែលបញ្ចេញពីអេក្រង់ទូរស័ព្ទដៃរបស់លោកអ្នក ហើយបានជះទៅកាន់ភ្នែកនិងសរីរាង្គផ្សេងៗទៀត ហើយវាក៏ចូលទៅសម្លាប់កោសិកា ធ្វើឲ្យងងុយគេងនោះអស់តែម្ដង។
មិនត្រឹមតែប៉ុណ្ណោះទេ វាអាចដាស់តឿនដល់អ្នកថា វាជាពេលថ្ងៃទោះបីការពិត វាជាពេលយប់ក្ដី ហើយសមត្ថភាពនៃការគេងទៅវិញរបស់អ្នក ក៏ធ្លាក់ចុះទៅតាមនោះផងដែរ។ ជាពិសេសវាកាន់តែប៉ះពាល់ខ្លាំងទៅទៀត សម្រាប់អ្នកដែលមានវ័យពី១៨ឆ្នាំដល់២៤ឆ្នាំ នេះបើយោងទៅតាមគេហទំព័រ mirror.co.uk ដែលបានបង្ហាញបែបនេះ។
ដូច្នេះហើយ បើលោកអ្នកអាចជៀសបាន លោកអ្នកមិនគួរណាប្រហែសចុចទូរស័ព្ទដៃ មុនចូលគេងនោះទេ។ បើសិនជាអាចអ្នកគួរតែទុកវា ឲ្យឆ្ងាយពីខ្លួន ព្រោះថា សារជាតិវិទ្យុសកម្មជាច្រើនក៏ អាចចូលទៅសម្លាប់កោសិកាខួរក្បាលអ្នកបន្តិចម្ដងៗ រៀងរាល់ថ្ងៃផងដែរ ហើយអ្នកមិនបានដឹងខ្លួនថាវាកំពុងជះឥទ្ធិពលអាក្រក់ទាំងនេះមកខ្លួនអ្នកឡើយ៕
ដោយ៖ ព្រំ សុវណ្ណកណ្ណិកា
