Xiaomi រកបានប្រាក់ចំណេញប្រចាំឆ្នាំ ១៣.៥ ប៊ីលានយ័ន និងព្យាយាមសម្លឹងរកទីផ្សារអន្តរជាតិធំៗផ្សេងទៀត​




ក្រុមហ៊ុន​
Xiaomi របស់ចិនបានប្រកាស​ឲ្យដឹងថា ខ្លួនទទួលបានប្រាក់ចំនេញសុទ្ធ​សម្រាប់​ឆ្នាំ ២០១៨ ចំនូន ១៣.៥ ប៊ីលាន​យ័ន ដោយចំនួននេះមានការ​កើន​​ឡើង​ជាង​ឆ្នាំ ២០១៧ ដែល​អាច​រក​បានប្រមាណ ៤៣.៩ប៊ីលាន​យ័ន។

ក្រុម​ហ៊ុន​ដែល​មាន​មូល​ដ្ឋាន​នៅក្នុង​ទីក្រុង​ប៉េកាំងមានចំណូល​សរុបកើន​ឡើង ៥២.៦%តែ​វា​ត្រូវ​បត់​បង់​ ១៧៦ ប៊ីលាន​យ័ននៃ​មធ្យម​ភាគ​ទីផ្សារ​ នេះបើ​តាម​ការ​ព្យាករណ៍​វិភាគ​ពី Bloomberg វាមាន​ការ​កើនឡើង ៤១.៣% ក្នុ​ងការ​លក់​ទូរស័ព្ទឆ្លាត​វៃ​ជា​សកល​ស្មើនឹង ១៧៤.៩ ប៊ីលាន​យ័នធៀបនឹងឆ្នាំមុនការនាំចេញសរុបបានកើនឡើង ២៩.% ស្មើនឹង ១១៨.៧ លានគ្រឿង។

មូល​ហេតុ​ដែល Xiaomi ទទួលបានកំណើន​នៃ​ការ​លក់​
បច្ចេក​វិទ្យា​ជា​បញ្ហា​ស្លាប់​រស់​របស់ Xiaomi” នេះ​ជា​ប្រសាសន៍​របស់​លោក Lei Jun ​ស្ថាបនិកនិងនាយក​ប្រតិបត្តិ​របស់​ក្រុម​ហ៊ុន Xiaomi ដែល​បាន​ថ្លែង​ក្នុ​ងកិច្ច​ប្រជុំ​ផ្ទៃ​ក្នុង​មួយ​។ គំនិត​ក្នុង​ការបង្កើតតួនាទីថ្មីរបស់លោក​ Lei នេះ​គឺដើម្បីលើកកម្ពស់វប្បធម៌វិស្វកររបស់ក្រុមហ៊ុន

Xiaomi បានបង្កើតនូវបញ្ញាសម្បនិម្មិត artificial intelligence (AI) និង​នាយកដ្ឋានទិន្នន័យធំដើម្បី​ផ្តោ​ត​និង​ដាក់​ទិស​ដៅ​សំខាន់​យ៉ាងច្បាស់​ក្នុ​ងការ​ប្រណាំង​ប្រជែង​ផ្នែក​បច្ចេក​វិទ្យា។ នេះគឺជាការផ្លាស់ប្តូរ​របស់ក្រុមហ៊ុន Xiaomi បន្ទាប់ពីការចេញ IPO របស់ខ្លួននៅក្នុងទីក្រុងហុងកុងកាលពីរដូវក្តៅមុនដើម្បីឈាន​ទៅ​ដល់​ការ​​ប្រកួត​ប្រជែង​ និង​អាច​សម្រេចបានជោគ​ជ័យ​លើ​យុទ្ធ​សាស្រ្ត​​បច្ចេក​វិទ្យា​នេះ​ នាយក​ដ្ឋាន​ដែល​បង្កើត​នៅ​ក្នុ​ងក្រុម​ហ៊ុន​ក៏​ត្រូវ​តែ​រឹង​ម៉ាំ ហើយ​ក្រុម​ហ៊ុន​បាន​កំណត់​យក​ចំនុច​៤​សំខាន់​ៗគឺ ជួល​បុគ្គលិក​ពី​ក្រៅ​ប្រទេស ការ​ធ្វើប្រូ​ម៉ូ​សិន ការ​បណ្តុះ​បណ្តាលបុគ្គលិក  និង​យុទ្ធសាស្ត្រ​នៃ​ការផ្តល់​ប្រឹក្សា​យោ​បល់​ដល់​អតិថិជន។ តាម​ការ​បង្ហើប​ពី​ក្រុម​ហ៊ុន​បានឲ្យ​ដឹង​ដែរ​ថា ខ្លួន​បានវិនិយោគ​យ៉ាង​តិច ១.៥ប៊ីលាន​ដុល្លារលើ AI និងឧបករណ៍ឆ្លាតវៃក្នុងរយៈពេលប្រាំឆ្នាំខាងមុខ ហើយ​ពេល​នេះ​ជា​ពេល​មួយ​ដែល​យើង​ត្រូវ​ចាប់​ផ្តើម​សកម្ម​ភាព​ទាំង​នោះ​ហើយ។

អ្វី​ជា​ផល​ចំនេញ​ប​ន្ទាប់​ពី​កំណើន​នៃ​កា​រ​លក់​នេះ?
Xiaomi បាន​ឈរ​នៅ​លំដាប់​លេខ​៤នៃ​ការ​លក់ស្មាតហ្វូនក្នុងទី​ផ្សារអឺ​រ៉ុប​ បើ​យោង​តាម​ការ​ព្យាករណ៍ពី​ក្រុមហ៊ុន Canalysក្រុមហ៊ុននេះក៏បានដក​តំណែង​ក្រុមហ៊ុន Samsung Electronics ពីចំណុចកំពូលនៅក្នុងទីផ្សារស្មាតហ្វូនក្នុងប្រទេសឥណ្ឌាកាលពីឆ្នាំមុន។ នៅក្នុងការដាក់បញ្ញត្តិច្បាប់របស់ខ្លួន ក្រុមហ៊ុននេះបានឱ្យដឹងថាខ្លួនមានគោលបំណងធ្វើ​ឲ្យ​មាន​ភាព​ជោគជ័យសាជាថ្មី​នៅទីផ្សារដ៏ធំផ្សេងទៀតដូចជាប្រទេសឥណ្ឌូនេស៊ី និងបណ្តាប្រទេសនៅអឺរ៉ុបខាងលិច ដូចការដែល​ជោគ​ជ៏យ​នៅឥណ្ឌាដូច្នោះ​ដែរ។

ការ​វិនិយោគ​របស់ Xiaomi ក៏​មានការ​រីក​ចម្រើន ហើយ​ក្រុមហ៊ុន​ចំនួន​ ៩ ដែល​ពួក​គេ​បាន​ធ្វើ​ការ​វិនិយោគ​បាន​ឡើង​ផ្សារ​ហ៊ុន​កាល​ពី​ឆ្នាំ​ទៅ។ ពួកគេ​មានគម្រោង​ធំមួយ​នៅទីផ្សារ​អាហ្រិ្វក និង​បាន​ចូល​ទៅក្នុ​ងប្រទេសអេស៊ីបកាល​ពី ២ឆ្នាំ​មុន​ ជាង​នេះ​ក៏​កំពុង​សំលឹង​មើលទីផ្សារ​ប្រទេស​កេនយ៉ា នី​ហ្សេរីយ៉ា និង​ម៉ូ​រ៉ូ​កូ​ដូចគ្នា។ ​មិន​មែន​លក់​តែ​ស្មាត​ហ្វូន​ទេតែ​ Xiaomi លក់​ជា product lines នៃ​បច្ចេក​វិទ្យាដូចជា projectors នាឡិកា​ដៃ​ឆ្លាត​វៃ Smart watch ជាដើម​។

ភាគ​ហ៊ុន​របស់​ក្រុម​ហ៊ុន​នេះ​មាន​ការ​កើន​ឡើង​ខ្លាំង ​លើ​សន្ទុះ​រលកនៃ​ការ​ជួញ​ដូរ​ក្នុងខែមករា៕

ដោយ៖ យ៉ាយ៉ា