ប្រសិនបើអ្នកមិនទានមានគោលដៅជីវិតទេ សាកល្បង៣ចំណុចនេះសាកមើល៍
មនុស្សម្នាក់ៗ តែងតែមានគោលដៅរៀងៗខ្លួន ហើយគោលដៅនោះហើយនឹងជំរុញទឹកចិត្តឲ្យពួកគេខិតខំដើម្បីសម្រេចវា។ តែសម្រាប់អ្នកគ្មានគោលដៅវិញ ពួកគេហាក់ដូចជាមនុស្សតែលតោល គ្មានទិសដៅត្រូវទៅ ប្រៀបប្រដូចខ្លួនកំពុងស្ថិតលើមហាសមុទ្រគ្មានកោះគ្មានត្រើយអ៊ីចឹង។ ចំណុចខាងក្រោមនេះអាចនឹងមកបង្រៀនឲ្យអ្នកចេះស្វែងរកគោលដៅមួយ សម្រាប់ជីវិតខ្លួនឯងខ្លះ៖
១) ធ្វើខ្លួនឲ្យសកម្ម៖ សកម្មភាពកាន់តែច្រើនដែលអ្នកធ្វើ នោះអ្នកនឹងកាន់តែឆាប់ដឹងថា គោលបំណងអ្នកជាអ្វីហើយ? ជៀសវាងការអង្គុយស្រមើស្រមៃអត់ប្រយោជន៍ អ្នកគួរស្វែងរកគោលបំណងឲ្យឃើញសិន ហើយឈានជើងដើរទៅមុខដើម្បីវាតាមរយៈការធ្វើបែបនេះ អ្នកនឹងដឹងពីគោលបំណងខ្លួន កាន់តែច្បាស់ហើយ។
២) ត្រូវដឹងថាខ្លួនកំពុងចូលចិត្តអ្វី៖ ប្រសិនបើអ្នកមិនចូលចិត្តហើយ អ្នកក៏មិនអាចសម្រេចវាបានដែរ ។ ហេតុដូចនេះហើយ អ្នកគួរដឹងថាអ្វីទៅដែលអ្នកចូលចិត្តធ្វើបន្ទាប់មកឈានទៅមុខដើម្បីអ្វីដែលអ្នកស្រឡាញ់។ នៅពេលអ្នកធ្វើអ្វីមួយដែលបេះដូងពេញចិត្ត នោះអ្នកនឹងមានអារម្មណ៍ចង់ដើរទៅមុខ ហើយបន្ត រុករកវា ដោយគ្មាននរណាចាំបញ្ជាតទៅទៀតឡើយ។
៣) ស្វែងរកនរណាម្នាក់ដែលអាចជំរុញអ្នកបាន៖ ពេលខ្លះអ្នកដ៏ទៃនោះហើយដែលចាប់ផ្ដើមឲ្យអ្នកគិតពីគោលបំណងទៅថ្ងៃមុខតទៅទៀត។ ពួកគេទាំងនោះអាចផ្ដល់ជាយោបល់ គំនិត និងអ្វីដែលអ្នកគួរធ្វើបានសម្រាប់ជីវិតរបស់គេ៕
ដោយ៖ ព្រំ សុវណ្ណកណ្ណិកា
