ជា​ថ្មី​ម្តង​​ទៀតសម្រាប់​ឆ្នាំ​នេះ​ដែលទីក្រុង​ហុងកុង​នៅ​តែ​ឈរ​លើ​កំពូល​តារាង​ជា​ទីក្រុង​​ដែល​ថ្លៃ​បំផុត​សម្រាប់​បេសសកម្ម​​របស់​អ្នក​​ជំនួញ​ (​​Business Travel) ​នេះ​បើ​យោង​តាម​​របាយការណ៍​ស្រាវជ្រាវ​មួយ​ដោយ​ក្រុមហ៊ុន ECA International។ ក្រុមហ៊ុន​នេះ​បាន​បញ្ជាក់​ថា​ ថ្លៃ​ចំណាយ​​ប្រចាំ​ថ្ងៃ​​​​របស់​អ្នក​ជំនួញ​ដែល​មក​កាន់​ទីក្រុង​នេះ​​​គឺ ជា​មធ្យម​ ៥១៥ ​ដុល្លារ​​ដោយ​នេះ មិន​រាប់​បញ្ចូល​ថ្លៃ​ស្នាក់​នៅ​សណ្ឋាគារ​ដែល​​មាន​តម្លៃ​ជា​មធ្យម​ ២៨៦ ដុល្លារ​ទៀត។

យោង​តាម​ការ​បញ្ជាក់​របស់​ក្រុមហ៊ុន​ខាងលើ ​​ការ​ថ្លៃ​ចំណាយ​ដ៏​ខ្ពស់​សម្រាប់​អ្នក​ជំនួញ​ដែល​មក​​មក​ស្នាក់​នៅ​ក្នុង​​​ទីក្រុង​នេះ​គឺ​ដោយសារតែ​​ទំនិញ​ និង​សេវាកម្ម​ប្រើប្រាស់​ប្រចាំ​ថ្ងៃ​​មាន​តម្លៃ​ខ្ពស់ ព្រម​ទាំង​តម្លៃ​សណ្ឋាគារ​មាន​តម្លៃ​ថ្លៃ​ទៀត​ផង។ បើ​ប្រៀបធៀប​ទៅ​នឹង​ទីក្រុង​តូក្យូ​ ការ​ស្នាក់​នៅ​ទីក្រុង​ហុងកុង​ថ្លៃ​ជាង ៤% និង ៨% បើ​ធៀប​ទៅ​នឹង​ទីក្រុង​សេអ៊ូល​របស់​កូរ៉េខាងត្បូង​ដែល​ឈរ​នៅ​លេខ​រៀង​ទី៣ ខណៈ​ដែល​សាំងហ្គាពួរ​ឈរ​នៅ​លេខរៀង​ទី​៤។ ​​​​​

ខាងក្រោម​នេះ​ជា​បញ្ជី​ឈ្មោះ​ទីក្រុង​ថ្លៃ​បំផុត​សម្រាប់ Business Travel នៅ ក្នុង​តំបន់​អាស៊ី៖
១.ទីក្រុង​ហុងកុង ៥១៥ ដុល្លារ
២.ទីក្រុង​តូក្យូ ៤៩៤ ដុល្លារ
៣.ទីក្រុង​សេអ៊ូល ៤៧៧ ដុល្លារ
៤.ទីក្រុង​សាំងហ្គាពួរ ៤៦៨ ដុល្លារ 
៥.ទីក្រុង​ Busan របស់​កូរ៉េខាងត្បូង ៤៣៤ ដុល្លារ
៦.ទីក្រុង Yokohama របស់​ជប៉ុន ៤១៩ ដុល្លារ
៧.ទីក្រុង Osaka របស់​ជប៉ុន​ ៤០០ ដុល្លារ
៨.ទីក្រុង  Ashgabat របស់​ទួរមេនីស្ថាន ៣៩៦ ដុល្លារ
៩.ទីក្រុង Dhaka របស់​បង់ក្លាដេស ៣៨៤ ដុល្លារ
១០.ទីក្រុង​ម៉ាកាវ ៣៨០ ដុល្លារ។ ​

ងាក​មក​មើល​​បញ្ជី​ឈ្មោះ​ទីក្រុង​ថ្លៃ​បំផុត​សម្រាប់ Business Travel នៅ​ទូទាំង​ពិភពលោក​វិញ បាន​ធ្លាក់​មក​លើ​​ទីក្រុង​ទាំង​ ១០​នេះ៖
១.ទីក្រុង​ញីវយ៉ក​ របស់​អាមេរិក ៨០៣ ដុល្លារ
២.ទីក្រុង​ហ្សឺណែវ​​ របស់​​ស្វីស ៧១៨ ដុល្លារ
៣.ទីក្រុង​ Zurich របស់​ស្វីស ៦៦៤ ដុល្លារ
៤.ទីក្រុង វ៉ាស៊ីនតោន​របស់​​អាមេរិក ៦៤២ ដុល្លារ
៥.ទីក្រុង​ប៉ារីស​របស់​បារាំង ៦១៩ ដុល្លារ
៦.ទីក្រុង Reykjavik របស់​អ៊ីស្លង់ ៦១៨ ដុល្លារ
៧.ទីក្រុង San Francisco របស់​អាមេរិក ៥៨២ ដុល្លារ
៨.ទីក្រុង Basel របស់​ស្វីស ៥៨០ ដុល្លារ
៩.ទីក្រុង Los Angeles របស់​អាមេរិក ៥៧៩ ដុល្លារ
១០.ទីក្រុង Bern ប្រទេស​ស្វីស និង​ ឡុង​របស់​អង់គ្លេស ៥៧៧ ដុល្លារ៕

ប្រភព៖ businesstraveller